شاراينا
سەنبى, 8 قىركۇيەك 2012 7:27
پرەزيدەنت قىلمىسكەرلەردى تابۋعا ۋادە بەردى
فرانتسيا پرەزيدەنتى فرانسۋا وللاند انسي كولىندە ورىن العانقىلمىستى اشۋ ءۇشىن قولدا بار مۇمكىندىكتىڭ ءبارىنىڭ جاسالاتىندىعىنمالىمدەدى.
سەنبى, 8 قىركۇيەك 2012 7:27
پرەزيدەنت قىلمىسكەرلەردى تابۋعا ۋادە بەردى
فرانتسيا پرەزيدەنتى فرانسۋا وللاند انسي كولىندە ورىن العانقىلمىستى اشۋ ءۇشىن قولدا بار مۇمكىندىكتىڭ ءبارىنىڭ جاسالاتىندىعىنمالىمدەدى.
فرانتسۋز پوليتسياسى جوعارعى ساۆويا دەپارتامەنتىندەگى انسي كولىندە بولعان 4 ادامنىڭ ءولىمىن تەرگەۋدى ودان ءارى جالعاستىرۋدا. بۇگىندە قازا بولعانداردىڭ كىم ەكەنى انىقتالىپ وتىر. ولار سۋررەي گرافتىعىنداعى كلەيگەيت ەلدى مەكەنىندە تۇراتىن وتباسى مۇشەلەرى بولىپ شىقتى. وقيعا 5 قىركۇيەك كۇنى ورىن العان بولاتىن. قازا بولعانداردىڭ جانىنان 1 ۆەلوسيپەدشىنىڭ دە مۇردەسى تابىلعان. ول تۋرالى قىلمىسقا كەزدەيسوق كۋاگەر بولعان ادام دەگەن بولجام ايتىلۋدا.
ءرومنيدىڭ الەۋەتىنە كۇمان كەلتىردى
دەموكراتيالىق پارتيانىڭ سەزىندە سويلەگەن سوزىندە اقش پرەزيدەنتىباراك وباما ءوز اكىمشىلىگىنىڭ قىتايعا قاتىستى ساياساتىن قورعاپ شىقتى.
سونىمەن بىرگە, ول رەسپۋبليكالىق پارتيادان پرەزيدەنتتىككە كانديدات ميتت رومنيدىڭ سىرتقى ساياساتتاعى الەۋەتىنە كۇمان كەلتىردى. وباما ءوز اكىمشىلىگىنىڭ قىتايدىڭ ساۋدادا اينالىسىپ وتىرعان ادىلەتسىز ءتاجىريبەسىنە قارسى شىققانىن مالىمدەدى. سونىمەن بىرگە, ول اقش-تىڭ ازيا-تىنىق مۇحيتى وڭىرىنە ەرەكشە نازار اۋدارىپ وتىرعانىنا بارىنشا سالماق تۇسىرۋگە تىرىستى. قىتايعا قارسى قاتاڭ ءىس-قيمىلدارعا بارۋعا ۋادە بەرگەنىمەن, وباما ول ەلگە «ۆاليۋتالىق مانيپۋلياتور» دەگەن اتاق تاڭۋدان اۋلاق ەكەنىن دە ەسكەرتتى. رومني سەكىلدى رەسەيدى جاۋ ەل دەپ ەسەپتەمەيتىنىن دە قاپەرگە سالدى. «بۇل – «قىرعيقاباق سوعىستان» قالعان ەسكى ۇستانىم», دەدى اقش پرەزيدەنتى.
استروناۆت رۋحى مۇحيتتان جاي تابادى
امەريكالىق استروناۆت نيل ارمسترونگتى سوڭعى ساپارعا فلوتتىڭ داستۇرلەرىنە سايكەس شىعارىپ سالماق.
ايدىڭ بەتىنە العاش بولىپ تابانى تيگەن اتاقتى استروناۆتىڭ سوڭعى تىلەگى وسىنداي بولعان كورىنەدى. اقش اسكەري-تەڭىز فلوتىندا ادامدى بۇلايشا جەرلەۋ ءداستۇرلى ادەت بولىپ تابىلادى. ال ارمسترونگتىڭ 1949-4952 جىلدارى سىناقشى-ۇشقىش بولىپ قىزمەت ەتكەنى بەلگىلى. بۇل ءداستۇر بويىنشا اسكەري كاتەر اشىق تەڭىزگە شىعارىلادى, ودان سوڭ جارعىعا سايكەس, تابىت سۋعا سالىنادى نەمەسە ك ۇلى سۋ بەتىنە شاشىلادى. ارمسترونگتىڭ ەش ءدىندى ۇستانباعانىنا بايلانىستى ەشقانداي ءدىني ءراسىم بولمايتىن كورىنەدى.
قىتايدا جەر سىلكىندى
قىتايدىڭ وڭتۇستىك-باتىسىندا بولعان جەر سىلكىنىسى قۇرباندارىنىڭ سانى 45 ادامعا دەيىن جەتتى, 150-دەن استام ادام ءتۇرلى دارەجەدەگى دەنە جاراقاتتارىن العان.
قىتاي سەيسمولوگتارى يۋننان جانە گۋيدجوۋ پروۆينتسيالارىندا جەرگىلىكتى ۋاقىت بويىنشا شامامەن 11.00-دە ەكى بىردەي جەراستى ءدۇمپۋىن تىركەگەن. سونىمەن بىرگە, بيلىك قۇربان بولعاندار سانىنىڭ ارتۋى مۇمكىن ەكەندىگىن دە ايتىپ وتىر. قازىرگى ۋاقىتتا ءزىلزالادان زارداپ شەككەن اۋداندارعا قۇتقارۋشىلار توبى جونەلتىلدى.
گەرمانيادا ۇشاقتار ۇشپاي تۇر
نەمىستىڭ Lufthansa اۋە كومپانياسىنىڭ ستيۋاردەسسالارى مەن باسقا دا قىزمەتشىلەرىنىڭ كەزەكتى 24 ساعاتتىق ەرەۋىلى الەمنىڭ كوپتەگەن اۋەجايلارىنىڭ جۇمىسىنا كەرى اسەر ەتىپ وتىر.
جەرگىلىكتى DPA اقپارات اگەنتتىگىنىڭ مالىمەتتەرى بويىنشا, جوسپارلانعان مىڭداعان رەيستىڭ 1800-ءى ۇشپايتىن بولعان نەمەسە باسقا ۋاقىتتارعا اۋىستىرىلعان. 13 اي قاتارىنان اۋە كومپانياسى كاسىپوداقتارى ءۇش جىل بويى وسىرىلمەگەن ەڭبەكاقىنى كوتەرۋ جونىندە Lufthansa باسشىلىعىمەن ناتيجەسىز كەلىسسوزدەر جۇرگىزگەن بولاتىن. وتكەن اپتادا قارسىلىق اكتسياسىن وتكىزۋ جونىندە شەشىم قابىلداندى. ماينداعى فرانكفۋرتتا وتكەن اكتسياعا بەرلين مەن ميۋنحەن دە قوسىلىپ وتىر.
سۋعا باتقان بوسقىندار ىزدەستىرىلۋدە
6 قىركۇيەك كۇنى كەشكىلىك يتاليانىڭ لامپەدۋزا ارالىنىڭ ماڭايىندا تۋنيستەن شىققان بوسقىندار وتىرعان كەمە سۋعا باتىپ كەتكەن.
7 قىركۇيەك كۇنى تاڭەرتەڭ 54 ادامدى تابۋدىڭ ءساتى تۇسكەن كورىنەدى. كەمە بورتىندا ناقتى قانشا ادامنىڭ بولعانى بەلگىسىز. امان قالعان بوسقىنداردىڭ ايتۋىنشا, ولاردىڭ سانى 100-دەن استام, بالكىم, 150-گە جۋىق بولعان سىڭايلى. ولار يتالياعا ەسكى اعاش كەمەگە وتىرىپ ءجۇزىپ جەتپەك بولعان ەكەن. قازىرگى كەزدە بوسقىنداردى يتاليانىڭ جاعالاۋ كۇزەتى ىزدەستىرۋدە.
پارا كونۆەرتتەگى اقشا عانا ەمەس
رەسەي باس پروكۋراتۋراسى «پارا» دەگەن ۇعىمدى ناقتىلايتىن زاڭ جوباسىن ازىرلەۋدە.
ەگەر بۇگىندە پارا دەپ كونۆەرتتەگى اقشا, قىمبات كونياك جانە باسقالار سياقتى ماتەريالدىق يگىلىكتى اتايتىن بولسا, ەندىگى جەردە رىنوكتىق باعاسىن بەلگىلەۋ مۇمكىن ەمەس كەز كەلگەن ماتەريالدىق ەمەس م ۇلىكتىڭ دە, ماسەلەن, باسپاسوزدەگى ماداق سوزدەر, قىزمەت بويىنشا جوعارىلاۋ نەمەسە جۇمىس بابىندا مۇمكىندىكتەر تۋعىزۋ, ديپلومدار بەرۋ, تاعى سول سياقتىلاردىڭ پارا رەتىندە كورىنىس تابۋى مۇمكىن. زاڭ جوباسىنىڭ دۋماعا كەلىپ تۇسەتىن مەرزىمى تۋرالى ازىرگە حابارلانعان جوق.
ينتەرنەت ماتەريالدارى نەگىزىندە ازىرلەندى.
