قىرعىز ۇكىمەتى وتستاۆكاعا كەتتى
سەنبى, 25 تامىز 2012 5:54
برەيۆيككە ۇكىم شىقتى
وسلو قالاسىنىڭ وكرۋگتىك سوتى نورۆەگيالىق تەررورشى اندەرس برەيۆيككە قاتىستى ونىڭ اقىل-ەسى ءبۇتىن دەگەن شەشىم شىعاردى.
سەنبى, 25 تامىز 2012 5:54
برەيۆيككە ۇكىم شىقتى
وسلو قالاسىنىڭ وكرۋگتىك سوتى نورۆەگيالىق تەررورشى اندەرس برەيۆيككە قاتىستى ونىڭ اقىل-ەسى ءبۇتىن دەگەن شەشىم شىعاردى.
ءىستى قاراۋ اشىق رەجىمدە وتۋدە جانە تەلەديدار ارقىلى بۇكىل الەمگە تاراتىلۋدا. سۋديا ۆەنكە ارنتسەن ۇكىمنىڭ قورىتىندى ءبولىگىن كەشىكتىرمەستەن حابارلاعان. ءسويتىپ, سوت وتىرىسىنىڭ العاشقى مينۋتىندا-اق برەيۆيكتى 21 جىلعا باس بوستاندىعىنان ايىرۋ جونىندەگى سوت شەشىمى ءمالىم ەتىلگەن. بۇل ەڭ تومەنگى مەرزىم. ەگەر سوت قىلمىسكەر قوعامعا قاۋىپ ءتوندىرەدى دەپ شەشسە مەرزىمنىڭ ۇزارتىلۋى دا ابدەن مۇمكىن. برەيۆيكتىڭ ءوزى سوت ۇكىمىن ك ۇلىمدەپ تۇرىپ تىڭداعان كورىنەدى.
كەلىسسوزدەردىڭ جاڭا راۋندى وتپەك
ۆەنادا يران مەن اتوم ەنەرگياسى جونىندەگى حالىقارالىق اگەنتتىك (ماگاتە) اراسىنداعى كەلىسسوزدەردىڭ جاڭا راۋندى وتەدى.
ول كەزدەسۋدىڭ نەگىزگى تاقىرىبى يران يسلام رەسپۋبليكاسىنىڭ يادرولىق باعدارلاماسى بولماق. يراننىڭ ماگاتە جانىنداعى تۇراقتى وكىلى ءالي اسگار سولتانيەنىڭ ايتۋىنشا, يراننىڭ ماگاتە-مەن كەلىسسوزدەردىڭ جاڭا راۋندىن وتكىزۋگە كەلىسۋى تەگەراننىڭ حالىقارالىق قوعامداستىقپەن قىزمەتتەستىگىنىڭ دەڭگەيىن جانە ورىن العان پروبلەمانى رەتتەۋگە دەگەن تالپىنىسىن كورسەتەدى.
قىرعىز ۇكىمەتى وتستاۆكاعا كەتتى
قىرعىزستان پرەزيدەنتى المازبەك اتامباەۆ ۇكىمەتتى تولىق قۇرامدا وتستاۆكاعا جىبەرەتىن جارلىققا قول قويدى.
پرەزيدەنت مۇنداي جارلىققا پارلامەنتتىك باسىمدىقتاعى كواليتسيانىڭ ىدىراپ كەتۋىنە بايلانىستى قول قويدى, دەپ حابارلايدى يتار-تاسس قىرعىزستان پرەزيدەنتى اپپاراتىنان شىققان اقپاراتقا ءسىلتەمە جاساي وتىرىپ. ەندى پرەزيدەنت پارلامەنتتىك بەس فراكتسيانىڭ بىرىنە جاڭا كواليتسيا قۇرۋ ءۇشىن ماندات بەرۋگە ءتيىس. ايتا كەتۋ كەرەك, قىرعىزستان پارلامەنتىندەگى كواليتسيا 2010 جىلعى سايلاۋدىڭ قورىتىندىسى بويىنشا قۇرىلعان بولاتىن.
«ءتارتىپتى نىعايتۋ» ناۋقانى جۇرۋدە
سولتۇستىك كورەيادا قازىرگى ۋاقىتتا كاسىپورىنداردا, وقۋ ورىندارىندا, تۇرعىلىقتى جەر بويىنشا كوميتەتتەردە جاپپاي جينالىستار وتۋدە.
جينالىسقا قاتىسۋشىلارعا پارتيا مەن ارنايى قىزمەت وكىلدەرى بىزگە سەندەردىڭ قايسىلارىڭنىڭ تىيىم سالىنعان بەينەتاسپالاردى قارايتىندارىڭ جاقسى ءمالىم. دەگەنمەن ءوز كىنالارىڭدى مويىنداۋعا مۇمكىندىك بەرىلەدى. ەگەر ءوز ىستەگەندەرىڭدى قاعازعا جازىپ بەرسەڭدەر بالكىم, سەندەرگە كەشىرىم بولۋى مۇمكىن دەگەن ەسكەرتۋ جاسايدى ەكەن. بۇل جينالىستار سولتۇستىك كورەيادا ءجۇرىپ جاتقان «ءتارتىپتى نىعايتۋ» ناۋقانىنىڭ ءبىر بولىگى بولىپ تابىلاتىن كورىنەدى.
الەمدەگى ەڭ ىقپالدى ايەل كىم؟
گفر كانتسلەرى انگەلا مەركەل مەن اقش-تىڭ مەملەكەتتىك حاتشىسى حيللاري كلينتون پلانەتاداعى ەڭ ىقپالدى ايەلدەردىڭ جىل سايىنعى ءتىزىمىنىڭ باسىنا شىقتى.
امەريكالىق «فوربس» جۋرنالى جاساعان ءتىزىم بويىنشا ءۇشىنشى ورىندا برازيليا پرەزيدەنتى ديلما رۋسسەف تۇر. بۇل تىزىمگە سول سياقتى اقش-تىڭ ءبىرىنشى حانشايىمى ميشەل وباما مەن ۇلىبريتانيا كورولەۆاسى ەليزاۆەتا ءىى دە ەنگەن. ولار تيىسىنشە 7-ءىنشى جانە 26-شى ورىنداردى يەلەنىپ وتىر. وسى رەيتينگتەن بيلل گەيتستىڭ زايىبى مەليندا گەيتس پەن «ءۇندى ۇلتتىق كونگرەسى» پارتياسىنىڭ ليدەرى سونيا گاندي دە ورىن العان كورىنەدى.
بيلىك ەرەۋىلشىلەرمەن كەلىسىمگە كەلدى
تاجىكستانداعى تاۋلى باداحشاننىڭ اكىمشىلىك ورتالىعى – حوروگ قالاسىندا سانكتسيالانباعان ميتينگىگە قاتىسۋشىلار قالادان اسكەردى شىعارسا ەرەۋىلدى توقتاتاتىندارىن حابارلاعان.
مۇنداي ۋاعدالاستىققا ۇكىمەت كۇشتەرى شتابى باسشىلىعىنىڭ نارازىلىق بىلدىرۋشىلەرمەن جۇرگىزگەن كەلىسسوزدەرى بارىسىندا قول جەتكەن كورىنەدى. وكىمەت سونىمەن بىرگە ىقپالدى دالا كومانديرلەرىنىڭ ءبىرى يمومنازار يمومنازاروۆتىڭ قازا تابۋىنا بايلانىستى قوزعالعان ءىستى مۇقيات تەرگەۋ جونىندە دە ۋادە بەرىپ وتىر. ايتا كەتۋ كەرەك, بيلىك يمومنازاروۆقا مەملەكەتتىك قاۋىپسىزدىك قىزمەتىنىڭ گەنەرالىن ولتىرۋگە قاتىسى بار دەگەن ايىپ تاققان بولاتىن.
سولدات ەستەلىگى جارىق كورمەك
Dutton باسپاسىنىڭ مالىمەتتەرىنە قاراعاندا, ۋساما بەن لادەننىڭ كوزىن جويۋعا قاتىسقان امەريكالىق دەسانتشى ءالى دە قۇپيا سانالاتىن وپەراتسيا تۋرالى ەسەپ جازعان كورىنەدى.
«ۆاشينگتون پوست» گازەتىنىڭ حابارلاۋىنشا, ول ەسەپ الداعى ايدا جاريالانباق. ەگەر جازىلعاندار شىندىق بولسا, ول كىتاپ پاكستاننىڭ اببوتتاباد قالاسىنداعى بەن لادەننىڭ جاسىرىنعان جەرىنە رەيد جاساعان «تەڭىز يتبالىقتارى» كومانداسىنىڭ مۇشەلەرى ۇستانعان قۇپيانى بۇزعان بولىپ شىعادى. رەسمي ادامدار اۆتوردىڭ دا, باسپاگەرلەردىڭ دە ورتالىق بارلاۋ باسقارماسىنىڭ قورعانىس دەپارتامەنتىن كىتاپ مازمۇنىمەن الدىن-الا تانىستىرماعانىن ايتقان. كىتاپ «اۋىر كۇن: بەن لادەندى جويۋ جونىندەگى ميسسياعا قاتىسۋشىنىڭ ەسەبى» دەپ اتالادى ەكەن.
ينتەرنەت ماتەريالدارى نەگىزىندە ازىرلەندى.
