جەر داۋى قايتا كوتەرىلدى
بەيسەنبى, 23 تامىز 2012 7:29
وڭتۇستىك كورەيا جاپونيانىڭ توكتو ارالى ماسەلەسىن شەشۋ تۋرالى بۇۇ-نىڭ حالىقارالىق سوتىنا جۇگىنۋ ۇسىنىسىنان باس تارتتى. كورەيالىق «رەنحاپ» اگەنتتىگىنىڭ اقپاراتتارىنا قاراعاندا, توكتو ارالى وڭتۇستىك كورەياعا تيەسىلى.
بەيسەنبى, 23 تامىز 2012 7:29
وڭتۇستىك كورەيا جاپونيانىڭ توكتو ارالى ماسەلەسىن شەشۋ تۋرالى بۇۇ-نىڭ حالىقارالىق سوتىنا جۇگىنۋ ۇسىنىسىنان باس تارتتى. كورەيالىق «رەنحاپ» اگەنتتىگىنىڭ اقپاراتتارىنا قاراعاندا, توكتو ارالى وڭتۇستىك كورەياعا تيەسىلى.
«توكتوعا بايلانىستى اۋماقتىق داۋ بولماۋى كەرەك, – دەپ ايتىپتى وڭتۇستىك كورەيانىڭ سىرتقى ىستەر ءمينيسترى كيم سون حۆان. – توكتو تاريحي جانە گەوگرافيالىق جاعىنان دا ءبىزدىڭ جەر». بۇل ارال جاپون تەڭىزىنىڭ باتىس بولىگىندە ورنالاسقان, حح-عاسىردىڭ باسىنا دەيىن كورەياعا تيەسىلى بولىپ كەلىپتى. ال 1905 جىلى ارالدى جاپونيا پرەفەكتىسى ءوز اۋماعىنا الۋ تۋرالى وكىم شىعارعان كورىنەدى. بۇعان دەيىن جاپونيا تاراپى كورەيالىقتارعا وسى داۋلى ماسەلەگە قاتىستى سوتقا جۇگىنۋ جونىندە ەكى رەت ۇسىنىس بىلدىرگەن. ەكەۋىندە دە سەۋل باس تارتقان.
اقپارات تولى قۇجات ۇرلاندى
فرانتسيا ۇكىمەتى پرەزيدەنت سارايىنىڭ, باس بارلاۋ ورتالىق ديرەكتسياسىعيماراتىنىڭ, سونداي-اق فرانتسيا ىشكى ىستەر مينيسترلىگى مەن پاريجدەگىپوليتسيا باسقارماسى ورنالاسقان ورىن-جايدىڭ ناقتى جوسپارلارىۇرلانعانىن جاريالادى.
«اسسوشەيتەد-پرەسس» اگەنتتىگىنىڭ حابارلاۋىنشا, اتالعان عيماراتتار تۋرالى بارلىق اقپاراتتار ساقتالعان فلەشكا عيماراتقا جاڭا كوممۋنيكاتسيا جەلىلەرىن ورناتىپ جاتقان ءبىر مەردىگەردە بولعان. بەلگىسىز بىرەۋلەر الگى فلەشكانى بيزنەسمەننىڭ اۆتوكولىگىنەن ۇرلاپ كەتكەن. تەرگەۋشىلەر بۇل وقيعانىڭ الدىن الا جوسپارلانعانىن نەمەسە كەزدەيسوق ەكەنىن بىلمەي, باستارى قاتىپ وتىر. پوليتسەيلەردىڭ ايتۋىنشا, قولدى بولعان قۇجات قۇپيا ەمەس, ەل قاۋىپسىزدىگىنە ەشقانداي قاتەر توندىرمەيدى.
ساپارىن يراننان باستاماق
سولتۇستىك كورەيا باسشىسى كيم چەن ىن ءوزىنىڭ مەملەكەت باسشىسى رەتىندە شەتەلگە العاشقى ساپارىن تەھرانعا بارۋدان باستاۋى مۇمكىن. درا اگەنتتىگىنىڭ حابارلاۋىنشا, كيم چەن ىن 26-31 تامىزدا يران استاناسىندا وتەتىن قوسىلماۋ قوزعالىسى سامميتىنە قاتىسادى.
كەيبىر اقپارات كوزدەرىنە قاراعاندا, بۇل ءالى دە انىقتاۋدى قاجەت ەتەدى. ال تەھران ءسامميتى ءباسپاسوز قىزمەتىنىڭ مالىمدەۋىنشە, يران كيم چەن ىندى قۇرمەتپەن قابىلدايتىن بولادى. قوسىلماۋ قوزعالىسى اسكەري بلوكقا كىرمەيتىن 120 مەملەكەتتى بىرىكتىرەدى. سامميت ءۇش-ءتورت جىلدا ءبىر رەت ءوتىپ تۇرادى.
باسقا ەمەس, پرەزيدەنتتى «قورقىتپاق»
اقش-تىڭ قۇپيا قىزمەتى پرەزيدەنت باراك وباماعا «ولتىرەمىن» دەگەنسيپاتتاعى ەلەكتروندى پوشتامەن «قورقىتۋ» حات جولداعانى ءۇشىن سيەتلقالاسىنىڭ ءبىر تۇرعىنىن تۇتقىنعا الدى. بۇل جونىندە«اسسوشەيتەد-پرەسس» اگەنتتىگى حابارلادى.
«قورقىتۋ» حات ەلدىڭ فەدەرالدى تەرگەۋ بيۋروسىنا كەلگەن. ولار ونى دەرەۋ قۇپيا قىزمەت ورگانىنا جىبەرگەن. حاتتىڭ اۆتورى 31 جاستاعى انتون كەلۋري بولىپ شىققان. قۇپيا قىزمەتتىڭ ءىز كەسۋشىلەرى الگىنىڭ پاتەرىنە باسىپ كىرگەندە, ول ءوز ەركىمەن بەرىلۋدەن باس تارتىپ, ۇيگە بومبا قويىلعانىن مالىمدەگەن. تەكسەرە كەلگەندە, جارىلعىش حات تابىلماعان. حات جولداۋشىنىڭ اناسىنىڭ ايتۋىنشا, ا.كەلۋري جوعارى ءبىلىمدى, اسكەردە قىزمەت ەتكەن. مىنا ارەكەتى قاتەلىك بولىپ تابىلادى.
جۇزدەگەن ءۇي سۋ استىندا قالدى
كراسنودار ولكەسىنىڭ تاۋپسين اۋدانى اۋماعىنداعى نوۆوميحايلوۆ پوسەلكەسىندە 600-دەن استام تۇرعىن ءۇي, سونداي-اق كلۋب, اۋرۋحانا جانە مەكتەپ سۋ استىندا قالدى. بۇل ەلدى مەكەندە 1,5 مىڭعا جۋىق ادام تۇرىپ جاتقان ەدى.
سۋ باسقان ۇيلەردىڭ تۇرعىندارى قاۋىپسىز جەرلەرگە كوشىرىلدى, قاجەتتى كيىممەن, ازىق-ت ۇلىكپەن قامتاماسىز ەتۋ قولعا الىندى, پوسەلكە اۋماعىندا توتەنشە جاعداي رەجىمى ەنگىزىلدى. ەڭ باستىسى, ادامدار اراسىندا قايعىعا دۋشار بولعاندار جوق. ايتا كەتەيىك, وتكەن ايدا كۋباندا نوسەر جاۋىننىڭ سالدارىنان ەلدى مەكەندەردى بىرنەشە رەت سۋ باسىپ, 160-تان استام ادام قۇربان بولعان ەدى.
قىلمىسكەردى قايتارۋدى تالاپ ەتەدى
قىرعىزستان سىرتقى ىستەر مينيسترلىگى بەلورۋسسيا پروكۋراتۋراسىن ەكس-پرەزيدەنت قۇرمانبەك باكيەۆتىڭ ءىنىسى جانىش باكيەۆتى جاسىرىپ وتىرعانى ءۇشىن ايىپتاعان مالىمدەمە جاسادى.
قىرعىزستان ءسىم-ءىنىڭ كەشە تاراتقان ءباسپاسوز پاراقشاسىندا جانىش باكيەۆتىڭ حالىقارالىق ىزدەۋدە, ونىڭ ىشىندە ينتەرپول تاراپىنان دا ىزدەۋدە جۇرگەنى, قىرعىزستان تاراپى ونى قايتارۋ تۋرالى بەلورۋسسيانىڭ ءتيىستى ورگاندارىنا بىرنەشە مارتە سۇرانىس جاسالعانى, ودان ءالى كۇنگە دەيىن ەش ناتيجە شىقپاعانى كورسەتىلگەن. ال ج.باكيەۆ ءوز ەلىندە ادام ولىمىنە سوقتىرعان بىرنەشە قىلمىس بويىنشا ايىپتالىپ وتىر.
قىسقا قايىرىپ ايتقاندا:
گۆاتەمالانىڭ جوعارى شەندى بۇرىنعى وفيتسەرى پەدرو گارسيا اررەدوندو كەزىندە ادام ۇرلاعانى ءۇشىن 70 جىل تۇرمەگە وتىرۋ جازاسىنا كەسىلدى. ەلدە ازامات سوعىسى ءجۇرىپ جاتقان 1981 جىلى ول اگرونوم-ستۋدەنت ەدگار ساەنستى ۇرلاۋدى ۇيىمداستىرعان ەكەن. ونىڭ ءولى-ءتىرىسى ءالى بەلگىسىز.
اتى-ءجونىن كورسەتپەۋدى وتىنگەن سيريا ۇكىمەتتىك ارمياسىنىڭ گەنەرال-مايورى, الەپپو وپەراتسياسىنىڭ قولباسشىسى الەپپو قالاسى مەن وسىعان اتتاس پروۆينتسيانى كوتەرىلىسشىلەردەن 20 كۇن ىشىندە «تازارتۋعا» ۋادە بەردى.
اقش-تىڭ ءبىر تۇرعىنى مارتين ليۋتەر كينگپەن بولعان سۇحباتتىڭ اۋديوجازباسىن تاپتى. 1960 جىلعى 21 جەلتوقساندا جۇرگىزىلگەن بۇل سۇحبات ءالى كۇنگە دەيىن جاريالانباعان ەكەن.
تاجىكستان ارنايى قىزمەتىنىڭ گەنەرالى ا.نازاروۆتىڭ ءولىمىن ۇيىمداستىردى دەگەن كۇدىكتى ي.يمومنازاروۆتى ءوز ۇيىندە بەلگىسىز بىرەۋلەر اتىپ كەتكەن.
ينتەرنەت ماتەريالدارى نەگىزىندە ازىرلەندى.
