شار اينا
بەيسەنبى, 9 تامىز 2012 5:24
توپان سۋ استىندا قالدى
فيليپپين استاناسىندا كۇشتى تروپيكتىك جاۋىن-شاشىن جالعاسۋدا. قازىرگىتاڭدا مانيلادا سۋ تاسقىنى سالدارىنان 16 ادام وپات بولىپ, 80مىڭدايى باسپانالارىنان ايىرىلىپ وتىر. جەرگىلىكتى بيلىكمانيلانىڭ كەيبىر اۋداندارىندا سۋ دەڭگەيى ءبىر جارىم مەتردەناسقاندىعىن ايتادى.
بەيسەنبى, 9 تامىز 2012 5:24
توپان سۋ استىندا قالدى
فيليپپين استاناسىندا كۇشتى تروپيكتىك جاۋىن-شاشىن جالعاسۋدا. قازىرگىتاڭدا مانيلادا سۋ تاسقىنى سالدارىنان 16 ادام وپات بولىپ, 80مىڭدايى باسپانالارىنان ايىرىلىپ وتىر. جەرگىلىكتى بيلىكمانيلانىڭ كەيبىر اۋداندارىندا سۋ دەڭگەيى ءبىر جارىم مەتردەناسقاندىعىن ايتادى.
اۋا رايىن بولجاۋشىلار جاۋىننىڭ سارسەنبى كۇنى دە توقتامايتىندىعىن بولجاپ وتىر. اسكەريلەر, پوليتسيا مەن ەرىكتىلەر سۋ باسىپ قالعان ۇيلەردەن ادامداردى قۇتقارۋدا. الايدا كەيبىر تۇرعىندار ءوز م ۇلىكتەرىنىڭ توناۋشىلىققا ۇشىرايتىنىن العا تارتىپ, كەتۋدەن باس تارتۋدا. جالپى شىلدەنىڭ سوڭىندا ورىن العان «ساولا» تايفۋنى 50 ادامنىڭ اجالىنا الىپ كەلگەن.
سيناي تۇبەگى اۋەدەن اتقىلاندى
ەگيپەت اسكەرى يزرايل شەكاراسىنان ونشا قاشىق ەمەس سيناي تۇبەگىنەاۋەدەن بىرنەشە رەت سوققى جاسادى. ەگيپەتتەگى «ال-احرام» مەملەكەتتىكباسىلىمىنىڭ دەرەگىنە قاراعاندا, اۋە شابۋىلىنان 20 سودىرلاردىڭكوزى جويىلعان.
شەيح-زايەد قالاسىندا سودىرلارعا سوققى بەرۋ ولار تاراپىنان 5 تامىزدا ورىن العان باقىلاۋ-وتكىزۋ پۋنكتىنە جاسالعان شابۋىل سالدارىنان 16 ەگيپەتتىك شەكاراشىلاردىڭ ولىمىمەن بايلانىستىرىلىپ وتىر. ەگيپەت بيلىگى بۇل قىلمىسقا پالەستينالىق سودىرلاردىڭ قاتىسى بولۋى مۇمكىن دەگەندى ايتادى.
ءىرى ايىپپۇل سالىندى
وزبەكستاننىڭ مونوپولياعا قارسى ورگانى رەسەيلىك متس ۇيالى بايلانىسوپەراتورى بولىپ تابىلاتىن جەرگىلىكتى «ۋزدۋنروبيتا» كومپانياسىنا 80ميلليون دوللار ايىپپۇل سالدى. الايدا ۇيالى بايلانىس وپەراتورىمۇنداي شەشىممەن كەلىسپەي وتىر.
وزبەك بيلىگى مەن متس اراسىنداعى داۋ ۇستىمىزدەگى جىلدىڭ ماۋسىمىنان بەرى جالعاسىپ كەلەدى. جەرگىلىكتى قۇقىق قورعاۋ ورگاندارى «ۋزدۋنروبيتا» كومپانياسىنا سالىق تولەۋدەن جالتاردى, ساۋدا ەرەجەسىن بۇزدى جانە قارجىنى جىلىستاتۋدا دەگەن ايىپ تاعىپ وتىر. باس پروكۋراتۋرا كومپانيا باسشىلىعى اكەلگەن شىعىندى 700 ميلليارد سۋمعا (370 ميلليون دوللارعا) باعالاعان.
ارانداتۋشىلىق دەپ باعالايدى
سيريادا ءولتىرىلدى دەگەن رەسەي ارمياسىنىڭ گەنەرال-مايورى ۆلاديمير كۋجەەۆ ءتىرى بولىپ شىقتى. ول ماسكەۋدە تۇرىپ جاتىر. بۇل جونىندە رەسەيلىك كۇش قۇرىلىمدارىنىڭ دەرەگىنە سىلتەمە جاساي وتىرىپ, «ينتەرفاكس» اگەنتتىگى حابارلادى.
اگەنتتىكتىڭ تاراتقان اقپاراتتارى بويىنشا, رەسەيلىك گەنەرال شىن مانىندە سيريا قورعانىس ءمينيسترىنىڭ كەڭەسشىسى بولعان. بىراق بۇدان ءبىرشاما ۋاقىت بۇرىن ۆ.كۋجەەۆ زاپاسقا شىعىپ, سيريادان رەسەيگە ورالعان. «بۇل اقپارات مەنىڭ وتانىما جاسالعان ارانداتۋشىلىق بولىپ تابىلادى» دەگەن ول سۇحباتىندا. رەسەي گەنەرالىنىڭ ءولىمى تۋرالى كەشە ەرتەڭگىلىك «ءال-ارابيا» تەلەارناسى حابارلاعان بولاتىن.
ديپلوماتيالىق داۋعا نۇكتە قويىلدى
بەلورۋسسيا شۆەتسياداعى ەلشىلىگىنىڭ قىزمەتكەرلەرىن تولىق قۇرامدا كەرى شاقىرتىپ الاتىن بولدى. بۇل جونىندە وسى ەلدىڭ سىرتقى ىستەر ۆەدومستۆوسى مالىمدەپ وتىر. مۇنداي قادام ەكى ەل اراسىنداعى ديپلوماتيالىق داۋدان كەيىن ورىن العان.
مينيسترلىك مالىمەتىنە قاراعاندا, شۆەدتىك بيلىك بەلورۋسسيانىڭ ەكى اعا ديپلوماتىن ەلدەن شىعارىپ, جاڭادان سايلانعان بەلورۋستىق ەلشىنى قابىلداماي تاستاعان. وسىلايشا ستوكگولمدەگى ەلشىلىك ميسسياعا باسشىلىق جاساۋعا قۇزىرلارى كەمشىن ەكى كىشى ديپلوماتپەن قالعان. ەلشىلىك تولىققاندى جۇمىس ىستەي المايدى دەپ شەشكەن بەلورۋستىقتار قالعان ديپلوماتتاردى دا ەلگە كەرى شاقىرتىپ الۋ تۋرالى شەشىم قابىلداپتى.
جەردەن باسىپ الۋ باستالدى
سيريانىڭ ۇكىمەتتىك اسكەرى كەشە تاڭەرتەڭگىسىن الەپپو قالاسىنا جەردەن باسىپ الۋ وپەراتسياسىن باستادى. بەلگىلى بولعانداي, داماسك تاس جولى وتەتىن باستى سالاحۋددين اۋدانىنىڭ كوپشىلىك كۆارتالدارىن كوتەرىلىسشىلەردەن تازارتۋعا قول جەتكىزىلگەن.
الايدا باسقا دەرەك كوزدەرى جاعدايدىڭ ءتىپتى دە وزگەشە ەكەندىگىن كەلتىرەدى. ولاردىڭ مالىمەتىنشە, سالاحۋددين اۋدانى ءالى دە كوتەرىلىسشىلەر قولىندا كورىنەدى. بۇعان دەيىن سيريالىق تەلەارنا وسى اۋداندى ۇكىمەتتىك اسكەريلەرى باسىپ العاندىعىن حابارلاعان-دى, ارتىنشا وسىندا باعىتتالعان بروندى تەحنيكالار تولىق جويىلعاندىعى بەلگىلى بولعان. سوڭعى مالىمەتتەر اۋدانداعى عيماراتتاردىڭ 60 پايىزى بۇزىلعاندىعىن كەلتىرەدى.
قىسقا قايىرىپ ايتقاندا:
اقش-تاعى كاليفورنيا شتاتىنىڭ ريچموند قالاسىندا ورىن العانChevron مۇناي ايداۋ زاۋىتىنان شىققان ءورت ءبىر تاۋلىكتەن كەيىن عانااۋىزدىقتالدى. كۇنىنە 245 مىڭ باررەل مۇنايدى ايىراتىن زاۋىتتانءورت شىققاننان كەيىن بەنزين باعاسى ايتارلىقتاي قىمباتتاعان.
Lloyds بانكىنىڭ قىزمەتكەرى دجەسسيكا حارپەر الاياقتىقپەن وسى قارجىۇيىمىنان 2,5 ميلليون فۋنت ستەرلينگ ۇرلاعاندىعىن مويىنداعان.حارپەر قولدان تولەنىپ بەرۋى ءتيىس ەسەپ-شوت جاساپ, اقشانى وزىنەقالدىرىپ كەلىپتى. سونداي-اق 50 جاستاعى حارپەر اتالعان بانك جۇيەسىارقىلى ۇرلانعان قارجىلاردى اۋدارىپ وتىرعان.
نەمىس پارلامەنتىنىڭ 121 دەپۋتاتى Pussy Riot پانك-توبىنىڭ ءۇشقاتىسۋشىسىنىڭ ارقايسىسىن ءۇش جىل باس بوستاندىعىنان ايىرۋجازاسىنا كەسۋ تۋرالى شەشىمنەن قورعاۋعا قاتىستى حاتقا قول قويعان.بۋندەستاگتاعى بارلىق فراكتسيالار وكىلدەرى قول قويعان ۇندەۋ حاتگەرمانياداعى رەسەيلىك ەلشىگە تابىستالىپتى.
S&P بولجامىنشا, گرەكيانىڭ ءىجو 2012-2013 جىلدارى 10-11 پايىزعادەيىن قىسقارادى. مۇنداي تەرىس كورسەتكىش جاقىن 12-18 اي ىشىندە ەلرەيتينگىسىنىڭ تاعى تومەندەيتىندىگىن بىلدىرسە كەرەك. بۇعان دەيىنگرەكيا ۇكىمەتى قىسقا مەرزىمدىك قارىز الۋ ارقىلى دەفولتتانقۇتىلادى دەپ مالىمدەلگەن بولاتىن.
ينتەرنەت ماتەريالدارى نەگىزىندە ازىرلەندى.
