شار اينا
سەنبى, 4 تامىز 2012 7:34
مونعوليانىڭ ەكس-پرەزيدەنتى سوتتالدى
مونعوليانىڭ بۇرىنعى پرەزيدەنتى نامبارىن ەنحباياردى سوتجەمقورلىقپەن اينالىسقانى ءۇشىن 4 جىلعا باس بوستاندىعىنان ايىرىپ,دۇنيە-مۇلكىن تاركىلەدى جانە 25 ميلليون تۋگريك (18600 اقش دوللارى)ايىپپۇل سالدى.
سەنبى, 4 تامىز 2012 7:34
مونعوليانىڭ ەكس-پرەزيدەنتى سوتتالدى
مونعوليانىڭ بۇرىنعى پرەزيدەنتى نامبارىن ەنحباياردى سوتجەمقورلىقپەن اينالىسقانى ءۇشىن 4 جىلعا باس بوستاندىعىنان ايىرىپ,دۇنيە-مۇلكىن تاركىلەدى جانە 25 ميلليون تۋگريك (18600 اقش دوللارى)ايىپپۇل سالدى.
باسىندا سوت ەنحبايارعا جەتى جىل بەرگەنىمەن, ارتىنان ءۇش جىلىن قىسقارتقان. سونداي-اق بۇرىنعى پرەزيدەنتپەن بىرگە جەمقورلىقپەن اينالىستى جانە لاۋازىمدىق قىزمەتىن اسىرا پايدالاندى دەگەن كۇدىكپەن ءتورت مينيستر جانە ءبىر كاسىپكەرگە دە ايىپ تاعىلىپ وتىر. سوت شەشىمىمەن كەلىسپەگەن بۇرىنعى پرەزيدەنت جاقتاستارى پوليتسيامەن قاقتىعىسىپ قالعان.
سولتۇستىك كورەيا بۇۇ كومەگىنە ءزارۋ
كحدر بيلىگى وتكەن ايدا اۋىل شارۋاشىلىعى جەرلەرىن سۋ تاسقىنى باسىپ قالۋى سالدارىنان بۇۇ تاراپىنان كومەك كورسەتۋدى سۇرادى. بۇل ارادا ناقتى كومەك ەڭ الدىمەن ازىق ت ۇلىكپەن جانە جانار-جاعار مايمەن قامتاماسىز ەتۋ جونىندە بولىپ وتىر.
ورىن العان سول تابيعي اپاتتان 100 ادام مەرت بولىپ, ونداعان مىڭى باسپاناسىز قالعان-دى. قازىرگى قالىپتاسقان جاعدايدا كحدر ەل تۇرعىندارىن اسىراي المايتىندىعى حالىقارالىق قاۋىمداستىقتى مازالاي باستادى. بۇۇ مالىمەتىنە قاراعاندا, سۋ تاسقىنى ورىن الماي تۇرعان شاقتا ەل تۇرعىندارىنىڭ 60 پايىزى تويا تاماق ىشپەيتىن كورىنەدى.
سيريادا 50 ادام قازا تاپتى
سيريانىڭ حام قالاسىن كوتەرىلىسشىلەردەن ازات ەتۋ بارىسىندا 50 ادام قازا تاپقان. كەيبىر دەرەكتەرگە قاراعاندا, بەيبىت تۇرعىندار دا وققا ۇشقان. ونىڭ ىشىندە ۇكىمەتتىك اسكەريلەر ءۇش وتباسى مۇشەلەرىن اتىپ تاستاعان كورىنەدى. ۇكىمەتتىك اۆياتسيا قازىرگى كەزدە اۋەدەن سوققى بەرۋدى كۇشەيتە باستادى.
جالپى, باشار اساد جاقتاۋشىلارى مەن وپپوزيتسيا اراسىنداعى 17 ايعا سوزىلعان قاقتىعىستان بۇۇ مالىمەتىنشە, 20 مىڭ ادام قازا تاۋىپتى. قازىرگى تاڭدا سيريانىڭ ەكونوميكالىق استاناسى – الەپپو ءۇشىن قيان-كەسكى ۇرىس جالعاسۋدا. وسى رەتتە بۇۇ-نىڭ سيرياداعى ارنايى وكىلى كوففي اننان بەيبىت جوسپاردى جۇزەگە اسىرا الماعانى ءۇشىن ءوز لاۋازىمىنان كەتەتىنىن مالىمدەگەن.
برازيلياداعى «عاسىر داۋى»
برازيليانىڭ جوعارعى سوتىندا بۇرىنعى پرەزيدەنت لۋيسا يناسيۋ لۋلا دا سيلۆا اينالاسىنداعى 38 ادامعا سىبايلاس جەمقورلىق قىلمىسىنا قاتىستى «عاسىر داۋى» دەگەن اتاۋعا يە بولعان پروتسەسس باستالدى. اتاپ ايتقاندا, سيلۆا قۇرعان جۇمىسشى پارتياسى 2003-2005 جىلدارى قوعامدىق قارجىنى بيلىكتىك كواليتسيا قۇرۋعا جۇمساعان.
كەيبىر پارلامەنت دەپۋتاتتارىنىڭ اي سايىن اقشا الىپ تۇرعانى بەلگىلى بولدى. تولەم كولەمى كەيبىر كەزدە ايىنا 10 مىڭ اقش دوللارىنا دەيىن جەتكەن. لۋلا دا سيلۆانىڭ ءوزى بۇل جاعدايدان بەيحابارمىن دەپ مالىمدەسە, كەيبىر دەپۋتاتتار اقشا العاندارىن مويىنداپتى. بىراق سولاردىڭ كوبى بۇل اقشالار زاڭ جوبالارىن وتكىزۋگە ارنالماعان ەدى دەپ اقتالۋعا تىرىسقان.
دەپۋتات ويىننان الاستاتىلدى
ازەربايجان بوكس فەدەراتسياسىنىڭ پرەزيدەنتى, قازىرگى پارلامەنت دەپۋتاتى اگادجان ابيەۆ بوكس تۋرنيرىندە ورىن العان سۋديالىق داۋدان كەيىن لوندوندا ءوتىپ جاتقان 2012 جىلعى وليمپيالىق ويىنداردان الاستاتىلدى. فەدەراتسيا باسشىسى ەرەجەنى بۇزىپ, سايىس كەزىندە سپورتشىلارمەن سويلەسكەن كورىنەدى.
ال سۋديالىق داۋ 56 كيلو سالماقتا قولعاپ تۇيىستىرگەن جاپوندىق ساتوسي سيميتسۋ مەن ازەربايجاندىق مامەد ابدۋلگاميدوۆ ويىنىندا ورىن العان. سوڭعى راۋندتا سيميتسۋ قارسىلاسىن جەتى رەت نوكداۋنعا جىبەرسە دە, تۇركىمەنستاندىق رەفەري ويىندى توقتاتپاعان. سول ءۇشىن رەفەري يشانگۋلي مەرەتنيازوۆ ەلىنە قايتارىلدى, ال جاپوندىق سپورتشىعا جەڭىسكە جەتتى دەگەن شەشىم شىعارىلىپ بەرىلدى.
ارال اپاتى سالدارىمەن كۇرەسۋ
تۇركىمەنستان قۇرعاپ بارا جاتقان ارال تەڭىزىنىڭ ەكولوگيالىق زاردابىنان جاپا شەكپەۋ ءۇشىن جاڭا جوبا ازىرلەدى. اتالعان جوبا رەسپۋبليكا پرەزيدەنتى گۋربانگۋلى بەردىمۇحامەدوۆ تاراپىنان بۇۇ-نىڭ «ريو+20» جونىندەگى تۇراقتى دامۋ كونفەرەنتسياسى بارىسىندا باستاما رەتىندە كوتەرىلگەن.
تۇركىمەنستاننىڭ ۆيتسە-پرەمەرى انناگەلدي يازمىرادوۆتىڭ سوزىنە قاراعاندا, جوبا بويىنشا 20 مىڭ گەكتار القاپقا جاپىراقتى تالدار, سەكسەۋىل, سونداي-اق ءار ءتۇرلى وسىمدىكتەر مەن بۇتالار وتىرعىزىلاتىن بولادى. ال پرەزيدەنتتىڭ مالىمەتىنشە, ارال ماڭايىنداعى ەكولوگيالىق احۋالدى جاقسارتۋعا ونداعان ميلليون دوللار باعىشتالىپ وتىر.
قىسقا قايىرىپ ايتقاندا:
يتاليانىڭ يەمەندەگى ەلشىلىگى قاۋىپسىزدىك قىزمەتىنىڭ قىزمەتكەرى بۇعان دەيىن جەرگىلىكتى سودىرلار تاراپىنان ۇرلانعان-دى. الايدا سودىرلار ونى مۇناي شىعارۋشى مااريب پروۆينتسياسىنىڭ جەرگىلىكتى بيلىگىنىڭ قولىنا تاپسىرىپتى. ديپلومات ەندى يتاليا ەلشىسىنە قايتارىلاتىن بولادى.
يراننىڭ دەنساۋلىق ساقتاۋ مينيسترلىگى جيىرما جىلدان بەرى جۇرگىزىلىپ كەلە جاتقان ەلدەگى بالا تۋدى شەكتەۋ ساياساتىنان باس تارتاتىندىعىن راستادى. مۇنداي شەشىمنىڭ قابىلدانۋىنا اياتوللا الي حامەنەيدىڭ ەل تۇرعىندارىنىڭ سانى 150-200 ميلليون ادامدى قۇراۋى ءتيىس دەگەن مالىمدەمەسى سەبەپشى بولعان. قازىر يراندا 80 ميلليون ادام تۇرادى.
كورسيكادا 1986 جىلى ورىن العان چەرنوبىل اەس اپاتىنىڭ سالدارى ارال تۇرعىندارىنىڭ دەنساۋلىعىنا تەرىس اسەرى ءتيدى مە, دەگەن ماسەلە تالقىلانىپ جاتىر. ارال باسشىلارى تۇرعىنداردان قان اۋرۋلارىنا قاتىستى اقپاراتتار بەرۋىن سۇراپتى.
فرانتسيادا قازىرگى پرەزيدەنت فرانسۋا وللاندقا ارنالعان «پرەزيدەنتتىڭ ىزىمەن» اتتى ساياحات تۋريستەردى تارتا قويماعان. اتالعان شارا سارسەنبى كۇنى وللاند ءوزىنىڭ العاشقى ساياسي قادامىن جاساعان تيۋل قالاسىندا ءوتۋى ءتيىس بولاتىن. تۋريستەرگە وللاند ءجۇرىپ وتكەن جولدار بويىنداعى ونىڭ سۇيىكتى مەيرامحانالارىنان تاماقتانۋ ۇسىنىلعان كورىنەدى.
ينتەرنەت ماتەريالدارى نەگىزىندە ازىرلەندى.
