شار اينا
بەيسەنبى, 26 شىلدە 2012 7:44
جاڭا پرەمەر تاعايىندالدى
ەگيپەت پرەزيدەنتى موحاممەد مۋرسي بۇرىنعى سۋ رەسۋرستارى جانەيرريگاتسيا ءمينيسترى حيشام كانديلدى ەلدىڭ پرەمەر-ءمينيسترى ەتىپتاعايىندادى.
ساراپشىلار ۇكىمەتتى جاساقتاۋ كەزىندە حيشام كانديل بۇتىندەي ءبىر پروبلەمالار كەشەنىنە تاپ بولادى دەپ بولجام جاساۋدا. «مۇسىلمان باۋىرلاردىڭ» تالاپتارىن ورىنداۋ, سونىمەن بىرگە بارلىق ساياسي پارتيالاردىڭ جانە ەگيپەت قارۋلى كۇشتەرى جوعارعى كەڭەسىنىڭ قولداۋىنا يە بولۋ – بۇل جاڭا پرەمەردىڭ ەڭ ءبىرىنشى مىندەتى بولماق. جاڭا كابينەتتى تيىمدىلىك كريتەريلەرىنە جانە جوعارى بەدەلگە سايكەسەتىندەي جاساقتايمىن دەپ اتاپ ءوتتى ەلدىڭ جاڭا پرەمەر-ءمينيسترى ءباسپاسوز ءماسليحاتىندا.
بەيسەنبى, 26 شىلدە 2012 7:44
جاڭا پرەمەر تاعايىندالدى
ەگيپەت پرەزيدەنتى موحاممەد مۋرسي بۇرىنعى سۋ رەسۋرستارى جانەيرريگاتسيا ءمينيسترى حيشام كانديلدى ەلدىڭ پرەمەر-ءمينيسترى ەتىپتاعايىندادى.
ساراپشىلار ۇكىمەتتى جاساقتاۋ كەزىندە حيشام كانديل بۇتىندەي ءبىر پروبلەمالار كەشەنىنە تاپ بولادى دەپ بولجام جاساۋدا. «مۇسىلمان باۋىرلاردىڭ» تالاپتارىن ورىنداۋ, سونىمەن بىرگە بارلىق ساياسي پارتيالاردىڭ جانە ەگيپەت قارۋلى كۇشتەرى جوعارعى كەڭەسىنىڭ قولداۋىنا يە بولۋ – بۇل جاڭا پرەمەردىڭ ەڭ ءبىرىنشى مىندەتى بولماق. جاڭا كابينەتتى تيىمدىلىك كريتەريلەرىنە جانە جوعارى بەدەلگە سايكەسەتىندەي جاساقتايمىن دەپ اتاپ ءوتتى ەلدىڭ جاڭا پرەمەر-ءمينيسترى ءباسپاسوز ءماسليحاتىندا.
ۇندىستانداعى ۇلتارالىق قاقتىعىس
ءۇندىستاننىڭ اسسام شتاتىندا ورىن العان ۇلتارالىق قاقتىعىستارسالدارىنان كەم دەگەندە 32 ادام قازا تاپقان.
ورىن العان تارتىپسىزدىكتەرگە بايلانىستى اسسام شتاتىندا كومەندانتتىق ساعات جاريالانىپ وتىر. جەرگىلىكتى تۇرعىندار مەن بانگلادەشتەن كەلگەن ميگرانت-مۇسىلماندار اراسىندا بولعان قاقتىعىس سالدارىنان كوكرادجحار جانە چيرانگ اۋداندارىنىڭ 170 مىڭنان استام تۇرعىنى ءوز ۇيلەرىن تاستاپ كەتۋگە ءماجبۇر بولعان. قۇقىق قورعاۋ كۇشتەرىنە قاجەت بولعان جاعدايدا وق اتۋ جونىندە بۇيرىق بەرىلگەنى دە بەلگىلى بولىپ وتىر.
شەكارانىڭ جابىلۋى نەنى بىلدىرەدى؟
تۇركيا مەن سيريا اراسىنداعى شەكارالىق پۋنكتتەردىڭ جابىلۋىنسوعىس وپەراتسيالارىنىڭ باستالۋىن بىلدىرەتىن بەلگى رەتىندەقاراستىرۋعا بولمايدى.
ساراپشىلاردىڭ پايىمداۋىنشا, انكارا ءوز شەكارالارىن تەك قانا قاۋىپسىزدىكتى قامتاماسىز ەتۋ ماقساتىندا جاۋىپ وتىر. تۇركيا مەن سيريا اراسىنداعى 900 شاقىرىمداي قاشىقتىقتى قۇرايتىن 13 شەكارالىق پۋنكتتىڭ جابىلۋى انكارانىڭ باشار اساد رەجىمىنە قاتىستى سانكتسيالارىنىڭ جاڭا ءتۇرى بولىپ تابىلادى. قابىلدانعان شەشىمگە سايكەس سارسەنبىدەن باستاپ ەكى ەل اراسىندا جۇك كولىكتەرىنىڭ قاتىناۋىنا تىيىم سالىنادى.
يراكتا تەراكت جاساۋشىلار بەلگىلى بولدى
«ءال-كايدا» حالىقارالىق تەررورلىق ۇيىمىنا قاتىستى «يراك يسلاممەملەكەتى» توبىنىڭ سودىرلارى يراكتا بولعان بىرنەشە تەراكتىلەرءۇشىن جاۋاپكەرشىلىكتى ءوز مويىندارىنا الدى.
وسى ورايدا وتكەن دۇيسەنبىنىڭ يراكتا سوڭعى ەكى جىلداعى ەڭ «قاندى كۇن» بولعانىن ايتا كەتۋ كەرەك. يراكتىڭ 18 قالاسىندا, سونىڭ ىشىندە باعداتتا 27 جارىلىس ورىن الىپ, ءبىرنەشە شابۋىلدار جاسالدى. سونىڭ سالدارىنان 100 ادام قازا تاۋىپ, 200-دەن استام ادام جاراقاتتانعان بولاتىن. كەيبىر مالىمەتتەرگە قاراعاندا «يراك يسلام مەملەكەتى» ۇيىمىن يورداندىق تەررورشى ءابۋ مۋساب ءاز-زاركاۋي قۇرعان كورىنەدى.
قارالى ءراسىم سوڭى تۇتقىنداۋعا ۇلاستى
كۋبالىق وپپوزيتسيونەر وسۆالدو پايءدى جەرلەۋ كەزىندە 30-دان استامادام تۇتقىنعا الىنعان.
ولاردىڭ اراسىندا 2010 جىلعى ساحاروۆ اتىنداعى سىيلىقتىڭ لاۋرەاتى گيلەرمو فارينياس جانە كۋبادا اتتارى ءمالىم ساياسي بەلسەندىلەر بار كورىنەدى. جول-كولىك اپاتىنان قازا تاپقان وسۆالدو ءپايدى جەرلەۋ گاۆانادا وتكەن بولاتىن. قارالى راسىمگە بىرنەشە جۇزدەگەن ادام جينالعان. ءبىر ساتتە سولاردىڭ بىرەۋى «بوستاندىق!» دەپ ايقايلاي باستاعان. وسىدان كەيىن-اق پوليتسيا ادامداردى تۇتقىنداپ, تاياۋ جەردە تۇرعان اۆتوبۋستارعا تيەپ الىپ كەتكەن.
يندونەزيادا جەر سىلكىندى
يندونەزيانىڭ سۋماترا ارالىنىڭ باتىس جاعىندا 6,4 باللدىقۇرايتىن جەر سىلكىنىسى بولدى.
سۋماترانىڭ جانە جاقىن ورنالاسقان ارالدارداعى ءبىرقاتار قالالار مەن دەرەۆنيالاردىڭ تۇرعىندارى ۇرەيدەن كوشەلەرگە جۇگىرىپ شىققان. ءبىر ەگدە جاستاعى ادام جۇرەگى توقتاپ قالۋ سالدارىنان قايتىس بولعان كورىنەدى. سونىمەن بىرگە يندونەزيالىق مەتەورولوگتار جەر سىلكىنىسىنىڭ قۋاتى تسۋنامي تۋدىراتىنداي كۇشتى بولا العان جوق دەپ مالىمدەپ وتىر. ءسوز ورايىندا يندونەزيادا الەمدەگى ەڭ كوپ اشىق جانارتاۋلاردىڭ ورنالاسقانىن, سوعان بايلانىستى ەلدە الەم بويىنشا جەر سىلكىنىسىنىڭ وتە ءجيى بولاتىنىن ايتا كەتۋ قاجەت.
امەريكاارالىق سوتتى مويىندامايتىن بولدى
ۆەنەسۋەلا پرەزيدەنتى ۋگو چاۆەس ءوز وكىمەتىنىڭ بۇدان بىلاي ادام قۇقىقتارى جونىندەگى امەريكاارالىق سوتتى مويىندامايتىنىن مالىمدەدى.
ونىڭ ايتۋىنشا, ۆەنەسۋەلا ەل پرەزيدەنتى «ادىلدىككە پاروديا» دەپ اتاعان ۇيىم قاتارىنان شىقپاق. اتالمىش سوت بۇعان دەيىن ۆەنەسۋەلا تۇرمەدە وتىرعان راۋل دياستىڭ قۇقىقتارىن بۇرمالادى, ونىڭ تۇرمەدەگى جاعدايى ادام توزگىسىز دەپ قاۋلى قابىلداعان بولاتىن. ايتا كەتۋ كەرەك, راۋل دياسقا كاراكاستاعى يسپانيا مەن كولۋمبيانىڭ ديپلوماتيالىق وكىلدىكتەرى جانىندا جارىلىس ۇيىمداستىردى دەگەن ايىپ تاعىلىپ وتىر.
يتاليا رەسەيگە بەت بۇردى
ەۋروايماقتاعى داعدارىسقا قاراماستان يتاليا رەسەي ەكونوميكاسىنا بەلسەندى قارجى سالۋدا.
ەل پرەمەر-ءمينيسترى ماريو ءمونتيدىڭ رەسەيگە ساپارى بارىسىندا شامامەن 6 ميلليارد دوللاردى قۇرايتىن كەلىسىم-شارتتارعا قول قويىلۋى سوعان دالەل بولىپ تابىلادى. جاسالعان كەلىسىم-شارتتاردىڭ نەگىزگى بولىگى «روسنەفت» كومپانياسىمەن اراداعى بىرلەسكەن جوبالاردىڭ ۇلەسىنە تيەدى. بۇگىندە ەۋروپا, اتاپ ايتقاندا, ەۋروايماق باستان وتكەرىپ وتىرعان كۇردەلى احۋال ءبىزدىڭ ناقتى جانە ونەركاسىپتىك بايلانىستاردى نىعايتا تۇسۋىمىزگە سەبەپكەر, دەپ اتاپ كورسەتكەن مونتي پۋتينمەن كەزدەسۋ كەزىندە.
ينتەرنەت ماتەريالدارى نەگىزىندە ازىرلەندى.
