شاراينا
سارسەنبى, 4 شىلدە 2012 7:39
بيۋدجەتىن «كەسۋگە» كەڭەس بەردى
فرانتسياداعى سوتسياليستەر ۇكىمەتىنە بيۋدجەتتى رەكوردتىق قىسقارتۋقاجەت بولادى, ياعني مينيسترلەر كابينەتى 2013 جىلى بيۋدجەتتىڭشىعىس بولىگىن 33 ميلليارد ەۋروعا قىسقارتۋى ءتيىس. سوندا عانا ءىجوتاپشىلىعىن 3 پايىزعا دەيىن تومەندەتۋ مىندەتىن ورىنداۋ مۇمكىنبولماق.
سارسەنبى, 4 شىلدە 2012 7:39
بيۋدجەتىن «كەسۋگە» كەڭەس بەردى
فرانتسياداعى سوتسياليستەر ۇكىمەتىنە بيۋدجەتتى رەكوردتىق قىسقارتۋقاجەت بولادى, ياعني مينيسترلەر كابينەتى 2013 جىلى بيۋدجەتتىڭشىعىس بولىگىن 33 ميلليارد ەۋروعا قىسقارتۋى ءتيىس. سوندا عانا ءىجوتاپشىلىعىن 3 پايىزعا دەيىن تومەندەتۋ مىندەتىن ورىنداۋ مۇمكىنبولماق.
مۇنداي قورىتىندىعا فرانتسيا ەسەپ پالاتاسىنىڭ اۋديتورلارى كەلىپ وتىر. ولار وزدەرىنىڭ ەسەبىن جاڭا پرەزيدەنت فرانسۋا وللاندقا ۇسىنعان ەدى. پالاتا توراعاسى ديدە نيگونىڭ ايتۋىنشا, 2013 جىل بيۋدجەتتى تەڭەستىرۋ ۇدەرىسى ءۇشىن شەشۋشى جىل بولادى. قىسقاسى, 2012 جىلدىڭ وزىندە-اق مەملەكەتتىڭ قارىز كولەمى ءىجو-ءنىڭ 90 پايىزىنا جەتۋى ىقتيمال دەلىنىپ وتىر. ءسويتىپ, بولاشاقتا فرانتسيا يتاليا مەن يسپانيانىڭ كەبىن كيۋى ىقتيمال.
داعدارىستىڭ كەلەسى قۇربانى كىم؟
سلوۆەنيا ەو-نىڭ قارجىلاي كومەگى قاجەت بولاتىن ەۋروايماقتاعى6-شى ەل اتانۋى ىقتيمال. مۇنداي بولجامدى ەۋروپانىڭ ساراپشىلارىجاسادى. ازىرشە, ەلدەگى اسا ءىرى Nova Ljubljanska Banka بانكىن ۇكىمەتتىڭءوزى قۇتقارۋىنا تۋرا كەلدى.
ماۋسىم ايىندا سلوۆەنياداعى مەملەكەتتىك وبليگاتسيالاردىڭ ستاۆكاسى جارتى جىلدىق ماكسيمۋمعا دەيىن سەكىرىپ كەتتى. ءسويتىپ, ەل رەتسەسسيا شەگىندە قالدى. ساراپشىلار ەلدىڭ ۇستىمىزدەگى جىلعى ءىجو-ءسى 2 پايىزعا دەيىن قىسقارۋى ءتيىس دەگەن قورىتىندى شىعارىپ وتىر. ال, جوعارىدا اتالعان بانكتە رەكاپيتاليزاتسيا جاساۋ ءۇشىن 381 ميلليون ەۋرو قاجەت بولسا, بۇل – سلوۆەنيا اۋقىمى بويىنشا اسا ءىرى سوما بولىپ تابىلادى.
اسكەري ەكسپورت ەكى ەسەلەنەدى
اقش-تىڭ 2012 قارجى جىلىنداعى اسكەري ەكسپورتىنىڭ كولەمىرەكوردتى 60 ميلليارد دوللارعا جەتۋى ىقتيمال. بۇل جونىندە اقشقورعانىس ءمينيسترىنىڭ وكىلى ريچارد دجەنەيل مالىمدەدى.
پەنتاگون وكىلىنىڭ سوزىنە قاراعاندا, اسكەري ەكسپورتتىڭ رەكوردتىق ءوسىمى ساۋد ارابياسى اسكەري-اۋە كۇشتەرىنە جالپى قۇنى 29,4 ميلليارد دوللار تۇراتىن 84 ع-15 جويعىش ۇشاقتارىن ساتۋعا نەگىزدەلىپ وتىر. سونىمەن قاتار, 70 ۇشاق قايتادان جاڭعىرتىلماق. بۇدان بولەك, جاپونيا 10 ميلليارد دوللارعا 42 ع-35 جويعىش ۇشاعىن ساتىپ الۋى ىقتيمال كورىنەدى. ال رەسەي ۇستىمىزدەگى جىلى ەكسپورتقا 13,5 ميلليارد دوللاردىڭ قارۋ-جاراعى مەن اسكەري تەحنيكاسىن شىعارماق.
پاتشايىم وتباسى «قىمباتتاي» ءتۇستى
بۋكينگەم سارايىنىڭ جىل سايىنعى بايانداماسىنا سايكەسجاريالانعان دەرەكتە كورولدىك وتباسىن ۇستاپ تۇرۋ ءۇشىنجۇمسالاتىن سوما ءوتكەن قارجى جىلى 200 مىڭ فۋنت ستەرلينگكەۇلعايعانى كولدەنەڭ تارتىلادى.
ءسويتىپ, 2010/11 قارجى جىلى كورول وتباسى مۇشەلەرىنىڭ قاجەتتىلىكتەرى ءۇشىن سالىق تولەۋشىلەر 32,3 ميلليون فۋنت ستەرلينگ (شامامەن 50 ميلليون دوللار) شىعىنداعان. بۇل شىعىننىڭ ونىڭ الدىنداعى قارجى جىلىمەن سالىستىرعاندا 0,6 پايىزعا كوبەيگەنىن كورسەتەدى. ماسەلەن, كورول وتباسى مۇشەلەرىنىڭ ساياحاتتارى 100 مىڭ فۋنتقا ءوسىپ, 6,1 ميلليون فۋنتتى قۇراعان.
مەدۆەدەۆ كۋريل ارالدارىنا كەلدى
رەسەي پرەمەر-ءمينيسترى دميتري مەدۆەدەۆ كۋريل ارالدارىنا اتباسىن تىرەدى. كۋناشير ارالىندا ول جەرگىلىكتى تۇرعىندارمەن اڭگىمە-دۇكەن قۇرىپ, سالىنىپ جاتقان نىسانداردى بارىپ كوردى.
رەسەي ۇكىمەتى باسشىسىنىڭ جانىندا ۆيتسە-پرەمەر ولگا گولودەتس پەن قيىر شىعىس ىستەرى جونىندەگى مينيستر ۆيكتور يۆاشەۆ جانە وڭىرلىك دامۋ ءمينيسترى ولەگ گوۆورۋن مەن ساحالين گۋبەرناتورى الەكساندر حوروشاگين بولدى. رەسەي باسشىلارىنىڭ كۋريلگە تابان تىرەۋى جاپونيا جاعىنىڭ جۇيكەسىنە تيەتىنى بەلگىلى ءجايت. وسى ورايدا, د.مەدۆەدەۆ ۇكىمەت مۇشەلەرىنىڭ كۋريلگە بارۋلارىن اسا ماڭىزدى ماسەلە دەپ ەسەپتەيتىنىن مالىمدەدى. ونىڭ ايتۋىنشا, كۋريل رەسەي جەرىنىڭ اسا ماڭىزدى بولىگى بولىپ تابىلادى.
سۋ تاسقىنى سانسىراتىپ كەتتى
ءۇندىستاننىڭ اسسام شتاتىندا 4 كۇن بويى نوسەرلەتە جاڭبىر جاۋدى. مۋسسون جاڭبىرلارى تۋىنداتقان سۋ تاسقىنىنان 80-نەن استام ادام وپات بولدى. بۇل تۋرالى ءۇندىستان پرەمەر-ءمينيسترى مانموحان سينگحتىڭ سوزىنە سىلتەمە جاساي وتىرىپ, Associated Press اگەنتتىگى حابارلادى.
پرەمەردىڭ سوزىنە قاراعاندا, كوپ ادام ەرنەۋىنەن اسقان براحماپۋترا وزەنىنە باتىپ كەتسە, 16 ادام كوشكىننىڭ قۇربانىنا اينالعان. شتاتتا تۇراتىن 2 ميلليونعا جۋىق ادام ۇيلەرىن تاستاپ شىعۋعا ءماجبۇر بولعان. ولاردىڭ جارتى ميلليونعا جۋىعى بوسقىندار لاگەرىنەن سايا تاپسا, قالعاندارى وزدەرىنىڭ تۋىسقاندارىمەن بىرگە كوشەلەرگە تۇراقتاعان. بۇعان قوسا, كەم دەگەندە 11 ادام ءىس-ءتۇزسىز جوعالعاندار قاتارىندا.
قىسقا قايىرىپ ايتقاندا:
كوسوۆو قىركۇيەك ايىندا تولىق تاۋەلسىزدىگىنە قول جەتكىزەدى. بۇل جونىندە اۆستريانىڭ سىرتقى ىستەر ءمينيسترى ميحاەل شپيندەلەگگەرگە سىلتەمە جاساي وتىرىپ, ارا-2 اقپارات اگەنتتىگى حابارلادى.
ۆەنەسۋەلا باسشىلىعى كاراكاستاعى پرەزيدەنت سارايىندا دارىگەر بولىپ ىستەيتىن انا ماريا ابرەۋدى مەملەكەتتىك قۇپيانى جاريا ەتكەنى ءۇشىن تۇتقىنعا الدى. ونىڭ ناقتى قانداي قۇپيانى ساقتاماعانى جونىندە ەشتەڭە ايتىلمايدى.
تۇركىمەنستان پرەزيدەنتى گۋربانگۋلى بەردىمۇحامەدوۆ لەباپ ءۋالياتىنىڭ اكىمشىلىگىن جەرگىلىكتى ديقاندار مەملەكەت الدىنداعى مىندەتتەمەلەرىن تابىستى ورىنداعانى ءۇشىن ماراپاتتادى – اكىمشىلىككە «كاديللاك» كولىگىن سىيلادى.
ينتەرنەت ماتەريالدارى نەگىزىندە ازىرلەندى.
