نەمىس اسىرەۇلتشىلى كومەكتەسكەن
سەيسەنبى, 19 ماۋسىم 2012 7:48
گەرمانيا ىشكى قاۋىپسىزدىك قىزمەتى 1972 جىلعى ميۋنحەن وليمپياداسىندا جاسالعان تەراكت قۇجاتتارىن جاريا ەتتى. قۇجاتتارعا قاراعاندا, تەررورلىق ارەكەتتى پالەستينالىق «قارالى قىركۇيەك» توبىنىڭ تەررورشىلارى نەمىس اسىرەۇلتشىلىنىڭ كومەگى ارقىلى جۇزەگە اسىرعان.
پوليتسيانىڭ حابارلاۋىنشا, ونى «قارالى قىركۇيەك» توبىنىڭ سەركەسى ابۋ داۋد ۇيىمداستىرعان. ول نەمىستىڭ اسىرەۇلتشىلى ۆيللي پولەمەن جاسىرىن كەزدەسكەن. ال نەمىس بۇرىننان قۇقىق قورعاۋ ورگاندارىنىڭ ەسەبىندە تۇرعان كورىنەدى ءارى پالەستينانى ازات ەتۋ ۇيىمى مۇشەلەرىمەن بايلانىستا بولعان. سول كەزدەگى تەررورلىق ارەكەت سالدارىنان ءيزرايلدىڭ بىرنەشە سپورتشىسى مەرت بولعان ەدى.
سەيسەنبى, 19 ماۋسىم 2012 7:48
گەرمانيا ىشكى قاۋىپسىزدىك قىزمەتى 1972 جىلعى ميۋنحەن وليمپياداسىندا جاسالعان تەراكت قۇجاتتارىن جاريا ەتتى. قۇجاتتارعا قاراعاندا, تەررورلىق ارەكەتتى پالەستينالىق «قارالى قىركۇيەك» توبىنىڭ تەررورشىلارى نەمىس اسىرەۇلتشىلىنىڭ كومەگى ارقىلى جۇزەگە اسىرعان.
پوليتسيانىڭ حابارلاۋىنشا, ونى «قارالى قىركۇيەك» توبىنىڭ سەركەسى ابۋ داۋد ۇيىمداستىرعان. ول نەمىستىڭ اسىرەۇلتشىلى ۆيللي پولەمەن جاسىرىن كەزدەسكەن. ال نەمىس بۇرىننان قۇقىق قورعاۋ ورگاندارىنىڭ ەسەبىندە تۇرعان كورىنەدى ءارى پالەستينانى ازات ەتۋ ۇيىمى مۇشەلەرىمەن بايلانىستا بولعان. سول كەزدەگى تەررورلىق ارەكەت سالدارىنان ءيزرايلدىڭ بىرنەشە سپورتشىسى مەرت بولعان ەدى.
«مۇسىلمان باۋىرلار» جەڭىسكە جەتتىك دەيدى
«مۇسىلمان باۋىرلار» يسلامدىق قوزعالىسىنىڭ مۇشەلەرى ەگيپەتتە پرەزيدەنت سايلاۋىنىڭ ەكىنشى تۋرىندا ءوز كانديداتتارىنىڭ جەڭىسكە جەتكەنىن مالىمدەدى. بۇل تۋرالى كەشە رەيتەر اگەنتتىگى حابارلادى.
موحامەد ءمۋرسيدىڭ شتابى تاراتقان مالىمەتتەرگە قاراعاندا, وعان سايلاۋ ۋچاسكەلەرىنە كەلگەن سايلاۋشىلاردىڭ 52,5 پايىزى داۋىس بەرگەن. ال بۇرىنعى حوسني مۇباراك وكىمەتىندە پرەمەر-مينيستر لاۋازىمىندا بولعان احمەد شافيك 47,5 داۋىس العان. بۇل مالىمەتتى «مۇسىلمان باۋىرلار» قوزعالىسىنىڭ مۇشەلەرى بيۋللەتەندەردىڭ 98 پايىزى سانالعان سوڭ حابارلاعان. پرەزيدەنتتىك سايلاۋدىڭ رەسمي قورىتىندىسى قاشان جاريا ەتىلەتىنى ءالى بەلگىسىز.
قارىمتا شارا قولدانامىز دەپ قورقىتتى
ينتەرفاكس اگەنتتىگىنىڭ اقپاراتتارى بويىنشا, ەگەر اقش كونگرەسى «ماگنيتسكي زاڭىن» قابىلداعان جاعدايدا, رەسەي وعان قارىمتا شارا قولدانادى. مۇنى رەسەي پرەزيدەنتىنىڭ حالىقارالىق ىستەر ءجونىندەگى كومەكشىسى يۋري ۋشاكوۆ مالىمدەدى.
«بارلىعىمىزعا بەلگىلى, بۇعان رەسەي دە قارىمتا جاۋاپ قايتارادى. بىراق ودان باس تارتۋعا بولادى, – دەدى ۋشاكوۆ. – ەگەر زاڭ قابىلدانباسا, قارىمتا شارا دا بولمايدى». كومەكشى سونداي-اق قارىمتا شارانىڭ مازمۇنى قۇپيا ساقتالاتىنىن اتاعان. ۋشاكوۆ بۇل مالىمدەمەنى 18 ماۋسىمدا مەكسيكادا وتەتىن «ۇلكەن جيىرمالىقتىڭ» سامميتىندە رەسەي پرەزيدەنتى ۆلاديمير پۋتين مەن اقش پرەزيدەنتى باراك وبامانىڭ كەزدەسۋلەرى قارساڭىندا جاساپ وتىر.
قىرىق بەس ادام مەرت بولدى
نيگەريانىڭ كادۋن شتاتىنداعى تەررورلىق ارەكەتتەر مەن ءتارتىپسىزدىكتەر سالدارىنان 45 ادام وپات بولدى. بۇل جونىندە فرانس-پرەسس اقپارات اگەنتتىگى جەرگىلىكتى بيلىكتىڭ ءسىلتەمەسىنە سۇيەنە وتىرىپ حابارلادى.
اتالعان اگەنتتىكتىڭ مالىمەتتەرى بويىنشا, جارىلىس كەزىندە 19 ادام قايتىس بولىپ, جۇزدەن استام ادام جارالانعان. تەررورلىق ارەكەت تۋرالى حاباردار بولعان حريستياندار ەل استاناسىنا باراتىن جولدى جاۋىپ تاستاعان. ونىمەن قويماي اۆتوكولىكتەرگە شابۋىل جاساعان. ونىڭ سوڭى تاعى دا جيىرمادان استام ادامنىڭ ولىمىنە سوقتىرعان. قازىرگى كەزدە تەررورلىق ارەكەتتەر مەن تارتىپسىزدىكتەر ورىن العان كادۋن شتاتىندا كومەندانتتىق ساعات ەنگىزىلدى. ايتا كەتەيىك, بۇل ەلدە حريستياندار مەن مۇسىلماندار اراسىندا 1960 جىلدان بەرى وسىنداي قاقتىعىستار ءجيى بولىپ تۇرادى.
ەل اۋماعىنان شىعارۋدى باستادى
اقپارات اگەنتتىكتەرىنىڭ حابارلاۋىنشا, يزرايل وڭتۇستىك سۋداننان زاڭسىز كەلگەن ەميگرانتتاردى ەل اۋماعىنان شىعارۋدى قولعا الدى. ونى 17 ماۋسىمدا كەشكىسىن 123 سۋداندىق مىنگەن ۇشاقتىڭ تەل-اۆيۆتەن دجۋبۋعا باعىت العانى دالەلدەيدى.
كوشى-قون ۆەدومستۆوسىنىڭ وكىلى گيدون كوەننىڭ ايتۋىنا قاراعاندا, ولاردىڭ ۇيلەرىنە جەتۋ ءۇشىن ەرەسەكتەرىنە 1,3 مىڭ دوللاردان, ال بالالارعا 500 دوللاردان بەرىلگەن. سونىمەن بىرگە, سۋداندىقتارعا وزدەرىمەن بىرگە 30 كيلو جۇك الىپ جۇرۋلەرىنە رۇقسات ەتىلگەن. بۇرىنىراقتا يزرايل ىشكى ىستەر ءمينيسترى ەلي يشاي 700-1500 وڭتۇستىك سۋداندىقتى ەل اۋماعىنان شىعارۋ جوسپارلانىپ وتىرعاندىعىن مالىمدەگەن ەدى. يزرايل بيلىگىنىڭ ەسەپتەۋىنشە, بۇل ەلدە 45 مىڭنان استام زاڭسىز كەلگەندەر تۇرىپ جاتىر.
گرەكيا ەۋروايماقتا قالاتىن بولدى
گرەكياداعى سايلاۋدا «جاڭا دەموكراتيا» كونسەرۆاتيۆتىك پارتياسى جەڭىسكە جەتكەن. بيۋللەتەندەردىڭ 66 پايىزى سانالعاننان كەيىنگى قورىتىندىسىندا ولار 30,1 پايىز داۋىس جيناعان. بۇل پارتيانىڭ پارلامەنتتەگى 300 ورىننىڭ 130-ىن العاندىعىن بىلدىرەدى.
پارلامەنت سايلاۋىندا باسىم داۋىس العان پارتيا ەرەجە بويىنشا قوسىمشا تاعى 50 مانداتقا يە بولادى. ال «سيريزا» سولشىل راديكالدى كواليتسيا 26,5 پايىز داۋىس العان. ولار قازىرگە 70 ورىندى قاناعات ەتىپ وتىر. ال پاسوك سوتسياليستەرى 12,6 پايىز داۋىس جيناعان سياقتى. «جاڭا دەموكراتيا» مەن «سيريزا» پارتيالارىنىڭ ەۋرووداقپەن ىنتىماقتاستىق جانە قارجىلىق كومەك ماسەلەلەرى بويىنشا كوزقاراستارى ءبىر-بىرىنەن الشاق جاتىر. ويتكەنى, كونسەرۆاتورلار گرەتسيانىڭ ەۋرووداق قۇرامىندا قالىپ, 240 ميلليارد ەۋرو كولەمىندەگى قارجىلاي كومەكتى العىسى كەلەدى. پارلامەنتتى قۇرايتىن نەگىزگى پارتيالاردىڭ كوزقاراس الشاقتىعى جاڭا ۇكىمەتتى قۇرۋعا سالقىنىن تيگىزۋى مۇمكىن دەگەن بولجامدار ايتىلۋدا.
قىتايدىڭ عارىش كەمەسى ءتۇيىستى
سينحۋا اگەنتتىگىنىڭ حابارلاۋىنشا, «شەنچجوۋ-IX» عارىش كەمەسى «تيانگۋن-ءى» وربيتالدىق ءمودۋلىمەن تۇيىسكەن. ءتۇيىسۋ شتاتتىق رەجىمدە وتكەن.
ءۇش قىتاي ازاماتىنىڭ عارىشتا ون كۇندەي بولۋى جوسپارلانعان. ولاردىڭ ءبىرى – بۇل ەل تاريحىندا تۇڭعىش رەت عارىشقا ۇشقان ايەل ليۋ يان. ال «تيانگۋن-ءى» عارىشقا 2011 جىلعى 29 قىركۇيەكتە شىعارىلعان ەدى. ەندى قىتاي ەلى ايعا ادام اتتاندىرۋدى جوسپارلاپ وتىر.
ينتەرنەت ماتەريالدارى نەگىزىندە ازىرلەندى.
