اسكەري تىكۇشاق اپاتقا ۇشىرادى
سەنبى, 21 ءساۋىر 2012 7:44
جۇماعا قاراعان تۇندە كابۋلدە اقش-تىڭ «بلەك ناۆل» اتتى اسكەري تىكۇشاعى اپاتقا ۇشىرادى. مۇنداي تىكۇشاقتىڭ ەكيپاجى ءتورت ادامنان تۇراتىن. ءازىرگە سونىڭ قانشاسى قازا بولعانى انىقتالعان جوق.
امەريكا اسكەرلەرىنىڭ ارناۋلى وكىلى تىكۇشاققا شابۋىل جاسالۋى مۇمكىن دەگەن بولجامدى جوققا شىعارمايتىنىن مالىمدەدى. بىراق اپات اۋا رايىنىڭ قولايسىزدىعىنان بولعان شىعار دەگەن كۇدىك ازىرگە باسىمداۋ تۇر. ال بريتان اسكەريلەرى تىكۇشاقتا اعىلشىن ازاماتى جوق ەكەنىن جاريالاپ, حالقىنا «قۋانىشتى» حابارىن جەتكىزىپ ۇلگەردى.
سەنبى, 21 ءساۋىر 2012 7:44
جۇماعا قاراعان تۇندە كابۋلدە اقش-تىڭ «بلەك ناۆل» اتتى اسكەري تىكۇشاعى اپاتقا ۇشىرادى. مۇنداي تىكۇشاقتىڭ ەكيپاجى ءتورت ادامنان تۇراتىن. ءازىرگە سونىڭ قانشاسى قازا بولعانى انىقتالعان جوق.
امەريكا اسكەرلەرىنىڭ ارناۋلى وكىلى تىكۇشاققا شابۋىل جاسالۋى مۇمكىن دەگەن بولجامدى جوققا شىعارمايتىنىن مالىمدەدى. بىراق اپات اۋا رايىنىڭ قولايسىزدىعىنان بولعان شىعار دەگەن كۇدىك ازىرگە باسىمداۋ تۇر. ال بريتان اسكەريلەرى تىكۇشاقتا اعىلشىن ازاماتى جوق ەكەنىن جاريالاپ, حالقىنا «قۋانىشتى» حابارىن جەتكىزىپ ۇلگەردى.
جانكەشتىلەر چەگەمدە دە ءورىپ ءجۇر
قاپ تاۋى رەسپۋبليكالارىنداعى جانكەشتىلەر ارەكەتى باسىلار ەمەس. كەشە كاباردا-بالقار رەسپۋبليكاسىنداعى چەگەم قالاسىندا سوڭىنان اڭدىپ, اقىرى ۇستاۋعا ۇمتىلعان كەزىندە ءبىر جانكەشتى ءوزىن ءوزى جارىپ جىبەردى.
بۇل – «چەگەمنەن شىققان ساندرو» دەگەن فازيل يسكانديردىڭ رومانى ارقىلى اتى الەمگە تانىلعان قالا. قازىر مۇندا دا تىنىشتىق كەتكەن, جارىلىپ ولگەننىڭ جانىندا بولعان ەكىنشى جانكەشتى جاسىرىنىپ ۇلگەرىپتى. ۇستاۋشىلاردىڭ اراسىندا شەيىت بولعاندار جوق دەلىنىپ حابارلانعانىمەن, اۋىر جاراقات العانداردىڭ قانشا ەكەنى جاسىرىلىپ قالعان.
اۆياكومپانيانىڭ ايتقانىنا كونبەيدى
يسپانيانىڭ ەلدەگى اسا ءىرى اۆياكومپانيالارىنىڭ ءبىرى – «يۆەريا» حالىقارالىق جانە ەلىشىلىك 122 اۆيارەيستىڭ ۇشپايتىندىعىن جاريالادى. ناقتىراق ايتساق, بارلىق رەيستەردىڭ 58-ءى ەلىشىلىك, قالعانىنىڭ ءبارى حالىقارالىق. بۇل – مىڭداعان جولاۋشىنى الەككە سالعان اۋىر وقيعا بولىپ وتىر.
بارلىق ءتۇيىن بۇكىلالەمدىك داعدارىسقا تىرەلىپ تۇر. «يۆەريا» اۆياكومپانياسى ۇشقىشتار ەڭبەكاقىسىنىڭ 20 پايىزىن قىسقارتاتىنىن جاريالاعان ەكەن. بۇعان ۇشقىشتار كاسىپوداعى ورە تۇرەگەلىپ قارسىلىق ءبىلدىرىپ, وسىمەن 17-ءشى مارتە ەرەۋىلگە شىقتى. اۆياكومپانيا ەڭبەكاقىنى قىسقارتۋ ارقىلى اقشا ۇنەمدەيتىن بولساق, داعدارىسقا ءتوتەپ بەرە الامىز, دەيدى. بىراق وعان كاسىپوداق كونەتىن ەمەس.
مۇنايدىڭ فيۋچەرلىك باعاسى ارتتى
نيۋ-يوركتىڭ قور بيرجاسى امەريكالىق جەڭىل مۇنايدىڭ مامىر ايىنا سايكەس كەلەتىن فيۋچەرلىك باعاسىن انىقتادى. ول قازىرگى باعادان 0,33 دوللارعا ارتىپ, ءبىر باررەلگە 102,6 دوللاردان اينالاتىنى بەلگىلى بولدى.
بالەندەي ايىرماشىلىق بولماسا دا فيۋچەرلىك باعانىڭ وسە تۇسكەنى دەلدالداردى قينالتۋدا. ال لوندون بيرجاسىندا مۇنايدىڭ فيۋچەرلىك باعاسى 0,49 دوللارعا تومەندەپ, ءبىر باررەلىنە 117,4 دوللاردان اينالاتىن بولدى.
قايىرى جوق كوپ اقشا قايدا قالماق؟
كەشە تۇندە ماسكەۋ قالاسىندا «كونسۋلتاتسيا-ستراحوۆانيا» كومپانياسىنىڭ باس ديرەكتورى ءشامىلحان بەساەۆتى بەلگىسىز بىرەۋلەر بەگوۆايا كوشەسىندەگى ءوز ءۇيىنىڭ الدىندا اتىپ كەتتى.
52 جاستاعى بيزنەسمەننىڭ دەنەسىنە وق ءۇش جەردەن تيگەن. بولجام بويىنشا, ول تاپسىرىس بويىنشا ولتىرىلگەن. ويتكەنى, قالتاسىنداعى ءاميانى مەن قىمبات ساعاتى جانە قالتافونى ورنىندا قالعان. بىلەتىندەر بەساەۆتىڭ اسا زور تابىسكەر ازامات بولعانىن, سوندىقتان ونىڭ باسەكەلەستەرى دە كوپ بولعانىن ايتىپ, ولىمگە سولاردىڭ ءبىرى كىنالى بولۋى ىقتيمال دەگەن بولجام جاساۋدا.
«مير» ترك – گرۋزياعا قاجەتسىز ارنا
گرۋزيا پرەزيدەنتى ميحايل سااكاشۆيلي «مير» تەلەراديوكومپانياسىنىڭ ءبىر قۇرىلتايشىسى رەتىندە گرۋزيانىڭ 1994 جىلعى 24 جەلتوقساندا قول قويىلعان كەلىسىمىنىڭ كۇشى جويىلدى دەگەن جارلىق شىعاردى.
ازىرگە پرەزيدەنتتىڭ بۇل جارلىعىنا رەسمي ادامدار ەشقانداي تۇسىنىك بەرگەن جوق. بىراق بار ماسەلە گرۋزيانىڭ ماسكەۋمەن ەكى اراداعى كيكىلجىڭىندە ەكەنى ءسوزسىز. ماسكەۋدىڭ ىقپالىندا وتىرعان بۇل ارنا گرۋزيا تۋرالى شىنشىل حابارلار كورسەتۋدى شەكتەپ جۇرگەنى تۋرالى سىبىستار بۇعان دەيىن دە ايتىلىپ كەلگەن بولاتىن.
قىسقا قايىرىپ ايتقاندا:
• ماسكەۋدىڭ دومودەدوۆو اۋەجايىندا بىلتىر بولعان تەررورلىق اكتىگە بايلانىستى كولىك ميليتسياسى مەن اۆياكومپانيا باسشىلىعىنا قاتىستى قىلمىستىق ءىس «اۆيا تاسىمالداعى قاۋىپسىزدىك شارالارىنىڭ جۇيەسى» اتتى ءتارتىپ قابىلدانباي تۇرعاندا بولعان وقيعا سەبەپتى قىسقارتىلعان.
• سيرياداعى 13 ايعا سوزىلعان ساياسي داعدارىس تۇركيانىڭ تۋريزم يندۋسترياسىنا دا ءوزىنىڭ زالالىن تيگىزىپ وتىر. 2012 جىلدىڭ ەكى ايىندا بىلتىرعى جىلمەن سالىستىرعاندا تۋريستەر 1,98 ملن. ادامعا ازايىپ كەتكەن.
• سۋداننىڭ ۇلت-ازاتتىق قوزعالىسىنا قاتىسۋشىلار 20 ساۋىردە وزدەرىنىڭ تابىستى وپەراتسيا جۇرگىزگەنىن ماقتانىشپەن جاريا ەتتى. ولاردىڭ ايتۋىنا قاراعاندا, شابۋىل بارىسىندا وكىمەتتىڭ 79 وفيتسەرى مەن سولداتى جويىلعان كورىنەدى.
• رەسەيدىڭ ساحالين ارالى مەن جاپونيانىڭ حوككايدو ارالىن ءبولىپ تۇرعان لاپەرۋزا شىعاناعىندا جاپونيانىڭ «سيۋمارۋ-18» اتتى بالىقشى كەمەسى اپاتقا ۇشىرادى. جاپوننىڭ جاعالاۋ قۇتقارۋ قىزمەتى ەكيپاجدىڭ ەكى-اق مۇشەسىن قۇتقارىپ ۇلگەرگەن. اپات كەمەدەگى ورتتەن بولعان دەگەن بولجام بار.
• تاجىكستان پرەزيدەنتى ەمومالي راحمون ميليتسيانى پوليتسيا دەپ اتاۋ تۋرالى زاڭ ازىرلەۋگە تاپسىرما بەردى. ول بۇل قادامعا ميليتسيا قىزمەتكەرلەرى قاتارىنداعى سىبايلاس جەمقورلىقتىڭ ورىستەپ بارا جاتقانىن تىيۋ ماقساتىندا بارعانىن مالىمدەدى. «ميليتسيا» ءسوزى ەندى ۋكراينا, وزبەكستان, قىرعىزستان جانە بەلورۋسسيادا عانا قالدى.
ينتەرنەت ماتەريالدارى نەگىزىندە ازىرلەندى.
