شتاب-پاتەرگە شابۋىل جاسالدى
سەيسەنبى, 3 ءساۋىر 2012 8:00
بريۋسسەلدە پوليتسيا ناتو-نىڭ شتاب-پاتەرىنە شابۋىل جاساعان 483 ادامدى قاماۋعا الدى.
«ناتو, ويىن اياقتالدى» دەپ اتالعان كۇش كورسەتپەۋ اكتسياسىنا ەۋروپانىڭ بەلگيا, گەرمانيا, نيدەرلاندى, فرانتسيا, ۇلىبريتانيا, فينليانديا, شۆەيتساريا, تۇركيا, يتاليا, پورتۋگاليا جانە يسپانيا سياقتى 11 ەلىنەن 800 تارتا بەيبىتشىلىكتى جاقتاۋشى بەلسەندىلەر قاتىسقان. ءبىز چيكاگودا 20-21 مامىردا وتەتىن ناتو ەلدەرى سامميتىنە جينالاتىن مەملەكەتتەر باسشىلارىنا: زىمىرانعا قارسى قورعانىستى قالامايمىز, ليۆيادا نەمەسە اۋعانستاندا ناتو سولداتى بولعانىن قالامايمىز, يادرولىق قارۋلانۋدى قالامايمىز دەگەندى بىلدىرمەكپىز, دەپ مالىمدەگەن اكتسياعا قاتىسۋشىلار.
سەيسەنبى, 3 ءساۋىر 2012 8:00
بريۋسسەلدە پوليتسيا ناتو-نىڭ شتاب-پاتەرىنە شابۋىل جاساعان 483 ادامدى قاماۋعا الدى.
«ناتو, ويىن اياقتالدى» دەپ اتالعان كۇش كورسەتپەۋ اكتسياسىنا ەۋروپانىڭ بەلگيا, گەرمانيا, نيدەرلاندى, فرانتسيا, ۇلىبريتانيا, فينليانديا, شۆەيتساريا, تۇركيا, يتاليا, پورتۋگاليا جانە يسپانيا سياقتى 11 ەلىنەن 800 تارتا بەيبىتشىلىكتى جاقتاۋشى بەلسەندىلەر قاتىسقان. ءبىز چيكاگودا 20-21 مامىردا وتەتىن ناتو ەلدەرى سامميتىنە جينالاتىن مەملەكەتتەر باسشىلارىنا: زىمىرانعا قارسى قورعانىستى قالامايمىز, ليۆيادا نەمەسە اۋعانستاندا ناتو سولداتى بولعانىن قالامايمىز, يادرولىق قارۋلانۋدى قالامايمىز دەگەندى بىلدىرمەكپىز, دەپ مالىمدەگەن اكتسياعا قاتىسۋشىلار.
بومبالاۋ زور زارداپتار اكەلمەك
تۇرىك پرەمەر-ءمينيسترى رەدجەپ تايىپ ەردوعان يران اۋماعىنداعى يادرولىق ونەركاسىپ نىساندارىن بومبالاۋ بۇكىل ءوڭىر ءۇشىن كۇيرەتكىش زارداپتار اكەلۋى مۇمكىن دەپ مالىمدەگەن.
ونىڭ ايتۋىنشا, تەل-ءاۆيۆتىڭ بۇل جوسپارىنىڭ تۇپتەپ كەلگەندە وزىنە قاتەر ءتوندىرۋى عاجاپ ەمەس. ويتكەنى, ول سوققىنىڭ زارداپتارى امەريكالىقتاردىڭ يراكتاعى وپەراتسيالار كەزىندەگى سوققىلاردان مۇلدە وزگەشە بولماق. وسىلاي دەپ اتاپ كورسەتكەن تۇركيا پرەمەر-ءمينيسترى اتالعان ماسەلە جونىندە ءوزىنىڭ اقش پرەزيدەنتى باراك وبامامەن اڭگىمەلەسكەنىن دە جەتكىزگەن.
اسسوتسياتسيا ءوز كانديداتىن ۇسىندى
ەگيپەتتىك «مۇسىلمان باۋىرلار» اسسوتسياتسيا باسشىسىنىڭ ءبىرىنشى ورىنباسارى حەيرات اش-شاتىردى پرەزيدەنت سايلاۋىنا كانديداتتىققا ۇسىندى.
اسسوتسياتسيانىڭ شۋرا ماجىلىسىندە وسىنداي شەشىم قابىلدانعان. وندا كەڭەسكە مۇشە 108 ادامنىڭ 56-سى اش-شاتىردى قولداپ داۋىس بەرگەن كورىنەدى. 61 جاستاعى حەيرات اش-شاتىر ءوزى 1974 جىلدان بەرى مۇشەسى بولىپ تابىلاتىن «مۇسىلمان باۋىرلار» اسسوتسياتسياسىنىڭ ەڭ بەدەلدى مۇشەلەرىنىڭ ءبىرى بولىپ سانالادى. ول بيزنەس پەن ساياسي قىزمەتتە دە ۇلكەن جەتىستىكتەرگە قول جەتكىزگەن كورىنەدى.
وپپوزيتسيالىق پارتيانىڭ جەڭىسى
ميانمادا وپپوزيتسيا كوسەمى اۋن سان سۋ چجي وتكەن سايلاۋدا ءوز پارتياسىنىڭ جەڭىسكە جەتكەنىن مالىمدەدى.
وپپوزيتسياداعى دەموكراتيا جولىنداعى ۇلتتىق ليگانىڭ مالىمدەۋىنشە, پارتيا كوسەمى اۋن سان سۋ چجي مەن پارتيانىڭ وزگە دە كانديداتتارى پارلامەنت پەن جەرگىلىكتى اسسامبلەيالاردا كوپتەگەن ورىندارعا يە بولعان. ەلدىڭ ەڭ ءىرى قالاسى يانگوندا پارتيانىڭ مىڭنان استام جاقتاۋشىلارى شتاب-پاتەردىڭ الدىنا جينالىپ, پارتيانى جەڭىسكە جەتۋىمەن قۇتتىقتاعان. سونىمەن بىرگە, اسكەريلەرمەن تىعىز بايلانىستاعى بيلىك پارتياسىنىڭ ءالى دە بولسا پارلامەنتتەگى باسىمدىقتى ساقتاپ قالعانىن دا ايتا كەتۋ قاجەت.
انتيكاپيتاليستەر اكتسياسى ءوتتى
فرانكفۋرتتە كاپيتاليستەرگە قارسى ۇيىمداستىرىلعان جاپپاي ەرەۋىلدەر سوڭى تارتىپسىزدىكتەرمەن اياقتالدى.
وعان پوليتسيامەن بولعان قاقتىعىستار جاپپاي بۇلدىرۋلەر مەن قيراتۋلارعا ۇلاسىپ كەتۋى سەبەپكەر بولدى. ەرەۋىلشىلەر ەۋروپا ورتالىق بانكىنىڭ عيماراتىنا بوياۋلار جاعىپ, پوليتسيا اۆتوموبيلدەرىن قيراتقان. قاقتىعىستار سالدارىنان كوپتەگەن ادامدار دەنە جاراقاتتارىن العان, ولاردىڭ 15-ءى پوليتسيا قىزمەتكەرلەرى. سونىمەن بىرگە, 465 ەرەۋىلشىنىڭ قاماۋعا الىنعانىن دا ايتا كەتۋ قاجەت.
تۋارەگتەر شابۋىلعا شىقتى
ماليدە ەرەۋىلشى-تۋارەگتەر اسكەري حۋنتانىڭ باقىلاۋىندا تۇرعان ەلدىڭ سولتۇستىك-شىعىسىنداعى ءىرى قالا – تيمبۋكتۋدى باسىپ الدى.
كۋاگەرلەردىڭ ايتۋلارىنا قاراعاندا, تۋارەگتەر اۋەجايدى, اكىمشىلىك عيماراتتار مەن اسكەري لاگەردى باسىپ العان. ەرەۋىلشىلەر قالادا جۇرگەندە قولدارىنا ازاۆادتى ازات ەتۋ جونىندەگى ۇلتتىق قوزعالىس تۋىن ۇستاپ جۇرگەن. بۇعان دەيىن تۋارەگتەر ەلدىڭ سولتۇستىگىندەگى ستراتەگيالىق ەكى ماڭىزدى قالا – كيدال مەن گاونى باسىپ العان بولاتىن. توڭكەرىس ناتيجەسىندە بيلىككە يە بولعان اسكەري حۋنتا كونستيتۋتسيانىڭ كۇشىن توقتاتۋ تۋرالى ءوز شەشىمىنەن باس تارتىپ وتىر.
برەيۆيك ميلليونەر بولىپ شىقتى
نورۆەگيالىق تەررورشى اندەرس برەيۆيككە قارسى جاڭا ايىپتاۋلاردىڭ پايدا بولۋى مۇمكىن.
تەرگەۋ بارىسىندا انىقتالعانىنداي, وسىدان 10 جىل بۇرىن جاساندى اتتەستاتتار ساتۋمەن اينالىسا ءجۇرىپ ول ناعىز استىرتىن ميلليونەرگە اينالعان كورىنەدى. برەيۆيك ءوزىنىڭ وزگە ەلدەردەگى قۇپيا ەسەپ-شوتتارىندا 4 ميلليون كرونعا جۋىق اقشا جيناعان. بۇل شامامەن 700 مىڭ دوللاردى قۇرايدى. وسلو مەن ۋتويا ارالىندا تەررورلىق اكت جاساۋعا دايىندىق شارالارىنا دا وسى اقشا پايدالانىلعان دەگەن كۇدىك بار. لاس اقشانى زاڭداستىرۋدا تەررورشىعا ونىڭ اناسى كومەكتەسكەن كورىنەدى.
حاشەمي كاتاردى پانالادى
كەيبىر مالىمەتتەرگە قاراعاندا, يراكتىڭ بيلىكتەن قاشىپ جۇرگەن ۆيتسە-پرەزيدەنتى تاريك حاشەمي كاتارعا كەلگەن كورىنەدى.
حاشەميدىڭ حاتشىلىعىنىڭ, سونداي-اق كاتاردىڭ رەسمي جاڭالىقتار اگەنتتىگىنىڭ مالىمەتتەرى بويىنشا, ول بۇل ەلگە كەلمەس بۇرىن بىرنەشە اي يراكتاعى كۇردتەر تۇراتىن وڭىردە جاسىرىنعان. ول اتالعان وڭىرگە وتكەن جىلدىڭ سوڭىندا ونى تۇتقىنداۋعا وردەر بەرىلگەننەن كەيىن كەلگەن كورىنەدى. يراكتاعى نەعۇرلىم ىقپالدى سۇننيتتىك ساياساتكەر بولىپ سانالاتىن حاشەميگە «اجال ەسكادرونىن» ۇيىمداستىردى دەگەن ايىپ تاعىلىپ وتىر.
ىزدەستىرۋ جۇمىستارى اياقتالدى
قۇتقارۋشىلار تۇمەن قالاسىندا اپاتقا ۇشىراعان اتR-72 ۇشاعى قۇلاعان جەردەگى ىزدەستىرۋ جۇمىستارىن اياقتادى.
اۋە اپاتى سالدارىنان 31 ادام, ونىڭ ىشىندە بۇكىل ەكيپاج مۇشەلەرى قازا تاپتى. 12 ادام اۋىر جاعدايدا اۋرۋحانالارعا جەتكىزىلگەن. اپات فاكتىسى بويىنشا رەسەي قىلمىستىق كودەكسىنىڭ 263-بابىنا سايكەس قىلمىستىق ءىس قوزعالعان. ۇشۋداعى, جەردەگى قىزمەتتەردىڭ قاتەلىگى مەن تەحنيكالىق اقاۋ وقيعانىڭ ورىن الۋىنىڭ باستى سەبەپتەرى رەتىندە قاراستىرىلىپ وتىر. تەرگەۋشىلەر بۇگىندە وقيعانى كوزبەن كورگەن ادامداردى ىزدەستىرۋدە.
ينتەرنەت ماتەريالدارى بويىنشا ازىرلەندى.
