باسقا باسىلىمداردان
بەيسەنبى, 29 ناۋرىز 2012 7:47
نتۆ. بۇگىن وڭتۇستىك كورەيا استاناسىنداعى يادرولىق قاۋىپسىزدىك جونىندەگى ءسامميتتىڭ نەگىزگى كۇنى. تالقىلاناتىن پروبلەمالار اۋقىمى اسا كەڭ – يادرولىق تەرروريزمنەن ەكونوميكالىق قاۋىپسىزدىككە دەيىن.
جەكەلەگەن مالىمدەمەلەرمەن رەسەي, قۇراما شتاتتار جانە قازاقستان پرەزيدەنتتەرى ءسوز ءسويلەدى. ءۇش ەل كەڭەستىك سەمەي پوليگونىنداعى يادرولىق سىناقتار زارداپتارىن جويۋدى اياقتادى. رف پرەزيدەنتى دميتري مەدۆەدەۆ: «ءبىز بۇگىن سەمەي پوليگونى مۇلدە باسقاشا تۇردە قىزمەت ەتەدى, ونداعى بارلىق يادرولىق قاتەر جابىلدى. قازاقستان ءتيىستى اۋماقتاردى دامىتۋ ارقىلى بولاشاققا جارقىن قاراي الادى. مەن مۇنى شىندىعىندا دا, ءۇش مەملەكەت اراسىنداعى ىزگى ىنتىماقتاستىقتىڭ مىسالى دەپ ەسەپتەيمىن», – دەپ اتاپ ءوتتى.
بەيسەنبى, 29 ناۋرىز 2012 7:47
نتۆ. بۇگىن وڭتۇستىك كورەيا استاناسىنداعى يادرولىق قاۋىپسىزدىك جونىندەگى ءسامميتتىڭ نەگىزگى كۇنى. تالقىلاناتىن پروبلەمالار اۋقىمى اسا كەڭ – يادرولىق تەرروريزمنەن ەكونوميكالىق قاۋىپسىزدىككە دەيىن.
جەكەلەگەن مالىمدەمەلەرمەن رەسەي, قۇراما شتاتتار جانە قازاقستان پرەزيدەنتتەرى ءسوز ءسويلەدى. ءۇش ەل كەڭەستىك سەمەي پوليگونىنداعى يادرولىق سىناقتار زارداپتارىن جويۋدى اياقتادى. رف پرەزيدەنتى دميتري مەدۆەدەۆ: «ءبىز بۇگىن سەمەي پوليگونى مۇلدە باسقاشا تۇردە قىزمەت ەتەدى, ونداعى بارلىق يادرولىق قاتەر جابىلدى. قازاقستان ءتيىستى اۋماقتاردى دامىتۋ ارقىلى بولاشاققا جارقىن قاراي الادى. مەن مۇنى شىندىعىندا دا, ءۇش مەملەكەت اراسىنداعى ىزگى ىنتىماقتاستىقتىڭ مىسالى دەپ ەسەپتەيمىن», – دەپ اتاپ ءوتتى.
كەڭەستىك تۇڭعىش يادرولىق پوليگون 1949 جىلى قازاقستاندا جۇمىس ىستەي باستادى. 40 جىل ىشىندە سەمەي پوليگونىندا 500-گە جۋىق سىناق جاسالدى. مىنە, ەندى بۇل اۋماق قاۋىپسىز دەپ جاريالاندى.
روسسيا 1. سەۋلدە يادرولىق قاۋىپسىزدىك جونىندەگى سامميت جالعاسۋدا. نەگىزگى شارالار كەشە ءوتتى. جۇمىس وتىرىستارىنا 50-دەن استام ەلدىڭ جانە 4 حالىقارالىق ۇيىمنىڭ باسشىلارى قاتىسۋدا. كۇن ءتارتىبىندە – يادرولىق قاۋىپسىزدىك سالالارىنداعى حالىقارالىق ىنتىماقتاستىق جانە ۇلتتىق دەڭگەيدەگى قابىلداناتىن شارالار. يراننىڭ نەمەسە كحدر-ءدىڭ اتوم باعدارلامالارى سياقتى ماسەلەلەر قاراستىرىلمايدى دەپ حابارلاندى. «سامميت الاڭدارىندا» جەكە قۇرامدا بىرقاتار كەلىسسوزدەر جوسپارلانعان. قازىردىڭ وزىندە رەسەي, اقش جانە قازاقستان پرەزيدەنتتەرىنىڭ كەزدەسۋى بولدى. دميتري مەدۆەدەۆ سەمەي پوليگونى بويىنشا ءۇش مەملەكەتتىڭ ىنتىماقتاستىعى يادرولىق قاۋىپسىزدىكپەن اينالىسۋعا ناقتى مىسال بولاتىنىن اتاپ ءوتتى.
«سامميتتەر كەزدەسىپ, تەك ءبىر-ءبىرىنىڭ قولىن الۋ ءۇشىن وتكىزىلمەيدى. ول ىنتىماقتاستىقتى تەرەڭدەتۋگە قىزمەت ەتۋى ءتيىس. ءبىز 2004 جىلدان باستاپ ءۇش مەملەكەت – قازاقستان, اقش جانە رەسەي سەمەي پوليگونىن پايدالانۋدان قالعان زارداپتاردى جويۋمەن اينالىسۋدامىز, – دەدى د.مەدۆەدەۆ. – سونداي-اق مەن يادرولىق قاۋىپسىزدىك ءۇشىن ەرەكشە جاۋاپكەرشىلىك جۇكتەلگەن مەملەكەتتەر رەتىندە رەسەي فەدەراتسياسى مەن اقش-تىڭ بىرلەسە وتىرىپ, بۇل پروبلەمالارمەن اينالىسىپ جانە ونى شەشۋدە ىنتىماقتاستىق تانىتقانىن اتاپ وتكىم كەلەدى».
كومسومولسكايا پراۆدا! قازاقستان پرەزيدەنتى نۇرسۇلتان نازارباەۆ استانا يادرولىق قاۋىپسىزدىك جونىندەگى سامميتتەردىڭ ءبىرىن قابىلداۋعا دايىن ەكەندىگىن مالىمدەدى. «قازاقستان يادرولىق قاۋىپسىزدىك جونىندەگى سامميتتەردى ءار ەكى جىل سايىن وتكىزۋدى ۇسىنادى. ءبىز بولاشاقتا استانادا وسىنداي سامميتتەردىڭ ءبىرىن قابىلداۋعا دايىنبىز», – دەپ مالىمدەدى ول يادرولىق قاۋىپسىزدىك جونىندەگى سەۋل سامميتىندە سويلەگەن سوزىندە.
سامميت جۇمىسىنا 50-دەن استام ەلدىڭ باسشىلارى جانە 4 حالىقارالىق ۇيىمنىڭ وكىلدەرى قاتىسۋدا. سامميت قورىتىندىسى بويىنشا قورىتىندى قۇجات – فيزيكالىق يادرولىق قاۋىپسىزدىكتى نىعايتۋعا جانە يادرولىق تەرروريزم قاتەرىن باسەڭدەتۋگە باعىتتالعان كومميۋنيكە قابىلدانادى دەپ كۇتىلۋدە.
ۆزگلياد. يادرولىق قارۋدى ءبىرىنشى بولىپ قولدانعان مەملەكەتكە بويكوت جاريالاۋعا دەيىنگى ەڭ قاتاڭ جازا قولدانۋ قاجەت, دەپ مالىمدەدى قازاقستان پرەزيدەنتى نۇرسۇلتان نازارباەۆ سەۋلدەگى يادرولىق قاۋىپسىزدىك جونىندەگى سامميتتە سويلەگەن سوزىندە. «يادرولىق قارۋدى ءبىرىنشى بولىپ قولدانعان ەلدى وقشاۋلاۋ جانە وعان بويكوت جاريالاۋعا دەيىنگى ەڭ قاتاڭ حالىقارالىق شارانى قولدانۋ تۋرالى كەلىسۋدى ۇسىنامىن», – دەپ ن.نازارباەۆتىڭ ءسوزىن كەلتىرگەن پرەزيدەنتتىڭ ءباسپاسوز قىزمەتى.
«كەيبىر مەملەكەتتەر يادرولىق قارۋعا يە بولۋدى قاۋىپسىزدىكتىڭ فاكتورى رەتىندە قاراستىرادى. الەمدەگى ءتورتىنشى زىمىراندىق-يادرولىق ارسەنالدان ەرىكتى تۇردە باس تارتقان ءوز ەلىمنىڭ ءتاجىريبەسىنە سۇيەنە وتىرىپ مىنانى ايتا الامىن: قاۋىپسىزدىككە ناعىز سەنىمدى كەپىلدىكتى ورنىقتى الەۋمەتتىك-ەكونوميكالىق دامۋ عانا بەرە الادى», – دەپ اتاپ ءوتتى قازاقستان باسشىسى.
«بارلىق يادرولىق مەملەكەتتەردى وسىنداي ىزگى نيەت كورسەتۋگە شاقىرامىن», – دەدى ن.نازارباەۆ. قازاقستان رەسپۋبليكاسىنىڭ پرەزيدەنتى يادرولىق دەرجاۆالار يادرولىق قارۋدى يەلەنۋدەن باس تارتقان مەملەكەتتەرگە بۇۇ بەكىتكەن قاۋىپسىزدىك كەپىلدىگىن بەرۋگە ءتيىس ەكەندىگىن اتادى. «جالپىعا ورتاق يادروسىز الەم دەكلاراتسياسىن قابىلداۋ يادرولىق قارۋ جونىندەگى كونۆەنتسياعا ماڭىزدى قادام بولىپ تابىلار ەدى», – دەپ اتاپ ءوتتى قازاقستان پرەزيدەنتى.
سەيسەنبى كۇنگى سەۋلدەگى يادرولىق قاۋىپسىزدىك جونىندەگى سامميتتە سويلەگەن سوزىندە نۇرسۇلتان نازارباەۆ اقش پرەزيدەنتى باراك وبامانىڭ يادرولىق قارۋدى تاراتپاۋ تۋرالى شارت ەرەجەلەرىن ساقتاۋ جونىندەگى جاڭا ستراتەگياسىنا قولداۋ ءبىلدىردى. «قازاقستان اقش پەن رەسەي اراسىنداعى ستراتەگيالىق شابۋىلداۋ قارۋىن قىسقارتۋ تۋرالى شارتتىڭ كۇشىنە ەنۋىن قۋاتتايدى جانە پرەزيدەنت باراك وبامانىڭ جاڭا يادرولىق ستراتەگياسىن قولدايدى», – دەدى نۇرسۇلتان نازارباەۆ.
التاپرەسس.ru. سەۋلدەگى يادرولىق قاۋىپسىزدىك جونىندەگى ەكىنشى سامميت اياسىندا پرەزيدەنتتەر: قازاقستان پرەزيدەنتى نۇرسۇلتان نازارباەۆتىڭ, رەسەي پرەزيدەنتى دميتري مەدۆەدەۆتىڭ جانە اقش پرەزيدەنتى باراك وبامانىڭ ۇشجاقتى كەزدەسۋى بولدى. كەزدەسۋ قورىتىندىسى بويىنشا مەملەكەتتەر باسشىلارى بۇرىنعى سەمەي سىناق پوليگونىنا قاتىستى ۇشجاقتى ىنتىماقتاستىق جونىندە بىرلەسكەن مالىمدەمە قابىلدادى.
مالىمدەمەدە قازاقستان رەسپۋبليكاسىنىڭ, رەسەي فەدەراتسياسىنىڭ جانە امەريكا قۇراما شتاتتارىنىڭ پرەزيدەنتتەرى يادرولىق تەرروريزممەن جانە يادرولىق قارۋدىڭ تارالۋى قاۋپىمەن كۇرەستە ورتاق ماقسات ۇستاناتىنى ايتىلعان. نۇرسۇلتان نازارباەۆ سەمەي پوليگونى الەمدەگى اسا ءىرى پوليگونداردىڭ ءبىرى ەكەنىن اتاپ ءوتتى.
«مەنىڭ جارلىعىممەن وسىدان 20 جىل بۇرىن ءبىز سەمەي سىناق پوليگونىن جاپتىق. بىرنەشە جىلدان بەرى قازاقستان, رەسەي جانە اقش سىناقتاردىڭ زارداپتارىن جويۋ جونىندە بىرلەسكەن جۇمىستار جۇرگىزىپ كەلەدى. ءبىز وسى كومەكتەرى ءۇشىن ءوزىمىزدىڭ ارىپتەستەرىمىزگە العىس ايتامىز», – دەدى قازاقستان رەسپۋبليكاسىنىڭ پرەزيدەنتى.
