ءزىلزالا قۇرباندارىن ەسكە الدى
دۇيسەنبى, 12 ناۋرىز 2012 8:16
كەشە دۇنيە ءجۇزىن ءدۇر سىلكىندىرگەن جاپونياداعى ءزىلزالا تۋىنداتقان تسۋنامي اپاتىنا ءبىر جىل تولدى. تسۋنامي سالدارىنان قازا تاپقاندار ءبىر ءمينوت ۇنسىزدىكپەن ەسكە ءتۇسىرىلدى.
تسۋنامي قۇرباندارى 19 مىڭ ادامدى قۇراسا, «فۋكۋسيما-1» اتوم ەلەكتر ستانساسىنداعى اپاتتان كەيىن 160 مىڭداي ادام ءوز ۇيلەرىن تاستاپ شىعۋعا ءماجبۇر بولعان ەدى. قارالى شارالار بۇكىل ەل بويىنشا ۇيىمداستىرىلدى. توكيوداعى ۇلتتىق تەاتردا پرەمەر-مينيستر ەسيحيكو نودا مەن يمپەراتور اكيحيتو ءۇنسىز دۇعا وقىدى.
دۇيسەنبى, 12 ناۋرىز 2012 8:16
كەشە دۇنيە ءجۇزىن ءدۇر سىلكىندىرگەن جاپونياداعى ءزىلزالا تۋىنداتقان تسۋنامي اپاتىنا ءبىر جىل تولدى. تسۋنامي سالدارىنان قازا تاپقاندار ءبىر ءمينوت ۇنسىزدىكپەن ەسكە ءتۇسىرىلدى.
تسۋنامي قۇرباندارى 19 مىڭ ادامدى قۇراسا, «فۋكۋسيما-1» اتوم ەلەكتر ستانساسىنداعى اپاتتان كەيىن 160 مىڭداي ادام ءوز ۇيلەرىن تاستاپ شىعۋعا ءماجبۇر بولعان ەدى. قارالى شارالار بۇكىل ەل بويىنشا ۇيىمداستىرىلدى. توكيوداعى ۇلتتىق تەاتردا پرەمەر-مينيستر ەسيحيكو نودا مەن يمپەراتور اكيحيتو ءۇنسىز دۇعا وقىدى.
گازا سەكتورىنا سوققى جاسادى
يزرايل اسكەري-اۋە كۇشتەرى جەكسەنبىگە قاراعان ءتۇنى گازا سەكتورىنا جاڭادان سوققى جاسادى. پالەستينا مەديتسينا قىزمەتتەرىنىڭ دەرەك كوزدەرى ارنايى وپەراتسيا سالدارىنان ءبىر ادام قازا تاپسا, ۇشەۋى شابۋىل كەزىندە كوز جۇمعانىن ايتىپ وتىر.
جاڭا بومبالاۋلاردى قوسا العاندا, 7 ناۋرىزدا باستالعان اۋە شابۋىلى سالدارىنان قازا تاپقان پالەستينالىقتاردىڭ جالپى سانى 16 ادامعا جەتكەن. ال پالەستينا تاراپى سوڭعى تاۋلىكتەردە يزرايلگە ءجۇز شاقتى ءتۇرلى زىمىراندار جىبەرگەن. بىرنەشە ادام جاراقاتتانىپتى. يزرايل اۋماعىن اتقىلاۋ 7 ناۋرىزدا يزرايل ۇشاقتارى گازا سەكتورىنا اۋەدەن سوققى بەرگەننەن كەيىن باستالعان بولاتىن.
ەۋرووداقتاعى ەلشىلەرىن كەرى شاقىرادى
سيريا بىرقاتار ەو ەلدەرىندەگى ەلشىلەرىن كەرى شاقىرىپ الادى. بۇل تۋرالى «Reuters» اگەنتتىگى حابارلادى. داماسك مۇنداي قادامعا ەۋروپا ەلدەرى پرەزيدەنت باشار اسادتىڭ قاتاڭ ءىس-ارەكەتىنە جاۋاپ رەتىندە سيريا ەلشىلەرىن ءوز ەلدەرىنەن شىعارىپ جىبەرەدى دەپ قاۋىپتەنگەندىكتەن بارىپ وتىر, دەيدى اگەنتتىك.
اتالعان اگەنتتىكتەگى دەرەك كوزىنىڭ ايتۋىنشا, سيريانىڭ ەو-نىڭ بىرقاتار ەلدەرىندەگى ەلشىلەرى وتاندارىنا ورالۋعا دايىندالىپ جاتىر. ال اڭگىمە قاي ەلدەر تۋرالى ەكەنى ناقتىلانبايدى. ماسەلەن, داماسكىمەن ديپلوماتيالىق قارىم-قاتىناس دەڭگەيىن تومەندەتۋ جونىندە فرانتسيا ۇسىنىس بىلدىرگەن ەدى. الايدا, بۇعان بايلانىستى ەۋروپا ەلدەرى ازىرشە كەلىسىمگە كەلە قويعان جوق.
وباما ءپۋتيندى جەڭىسىمەن قۇتتىقتادى
9 ناۋرىز, جۇما كۇنى اقش پرەزيدەنتى باراك وباما ۆلاديمير ءپۋتيندى رەسەيدە وتكەن پرەزيدەنتتىك سايلاۋداعى جەڭىسىمەن قۇتتىقتادى. تەلەفون قۇلاعىنداعى اڭگىمە شامامەن جيىرما مينوتكە سوزىلسا, ول «بەيرەسمي» سيپاتتا وربىگەن.
رەسەي پرەمەر-ءمينيسترىنىڭ حالىقارالىق ىستەر ءجونىندەگى كومەكشىسى يۋري ۋشاكوۆتىڭ ايتۋىنشا, اقش پرەزيدەنتى پۋتينگە «رەسەيدىڭ سايلانعان پرەزيدەنتىمەن تىعىز جۇمىس ىستەۋگە» دايىن ەكەنىن بىلدىرگەن. پۋتين ءوز كەزەگىندە وباماعا ونىڭ سايلاۋالدى ناۋقانىنا تابىس تىلەگەن. سۇحباتتاستار سونداي-اق رف – اقش ءسامميتىن وتكىزۋ, ت.ب. ماسەلەلەردى تالقىلاعان.
باكيەۆتىڭ باۋىرى كولونيادان قاشتى
قىرعىزستاندا تاعىنان تايدىرىلعان پرەزيدەنت قۇرمانبەك باكيەۆتىڭ باۋىرى – احمات باكيەۆتىڭ كولونيا-قونىستان قاشۋىنا بايلانىستى قىلمىستىق ءىس قوزعالدى. ا.باكيەۆ ءتۇرلى قىلمىستار جاسادى دەپ ايىپتالىپ, كولونيا-قونىسقا جىبەرىلگەن بولاتىن.
قىلمىستىق ءىس «بوستاندىعىنان ايىرىلعان جەردەن نەمەسە كۇزەتتەن قاشۋ» بابى بويىنشا قوزعالدى. سونداي-اق, قۇقىق قورعاۋ قىزمەتكەرلەرىنە قاتىستى ءوز مىندەتىنە سالدىر-سالاق قاراۋ بويىنشا تاعى ءبىر قىلمىستىق ءىس قوزعالىپ وتىر. ق.باكيەۆتىڭ بيلىگى كەزىندە ونىڭ ءىنىسى ا.باكيەۆ جالالاباد وبلىسىنىڭ «كولەڭكەلى گۋبەرناتورى» ەسەپتەلىپ كەلگەن ەدى. ناقتىسىندا ول جەرگىلىكتى كەڭەستىڭ دەپۋتاتى عانا بولاتىن.
بەيبىت تۇرعىندارعا قارۋ قولداندى
اۋعانستاننىڭ وڭتۇستىگىندە قىزمەتىن وتەپ جۇرگەن امەريكالىق سولدات بەيبىت تۇرعىندارعا قاراتا وق اتقان. قانداعار پروۆينتسياسى گۋبەرناتورىنىڭ سوزىنە قاراعاندا, وقيعا بولعان جەردە 16 ادام قازا تاپقان.
وقيعا سولدات قىزمەتىن وتەپ جۇرگەن اسكەري بازادان تىس جەردە ورىن العان. امەريكالىقتىڭ نە سەبەپتى قارۋ قولدانعانى ازىرشە بەيمالىم. ۆۆس News-ءتىڭ دەرەكتەرىنشە, اسكەري جۇيكەسى سىر بەرگەننەن كەيىن قارۋعا جۇگىنۋى ىقتيمال. بازاعا ورالعان سوڭ سولدات قاماۋعا الىنعان. اۋعانستانداعى قاۋىپسىزدىككە ىقپال ەتۋ جونىندەگى حالىقارالىق كۇشتەردىڭ ءباسپاسوز قىزمەتى قازا تاپقانداردىڭ وتباسىنا كوڭىل ايتقان.
قىسقا قايىرىپ ايتقاندا:
گرەكيا قارجى ءمينيسترى ەۆانگەلوس ۆەنيزەلوس زەينەتكەردىڭ شابۋىلىنا ۇشىرادى. جەرگىلىكتى ارداگەر وعان قاعاز قوراپقا سالىنعان يوگۋرت لاقتىرعان. مينيستردى شابۋىلداعان زەينەتكەردىڭ كىم ەكەنى ناقتىلانبايدى.
ۋكراينانىڭ بۇرىنعى ۇكىمەت باسشىسى يۋليا تيموشەنكونىڭ وكىلەتتىلىگىن اسىرا پايدالاندى دەپ جەتى جىلعا باس بوستاندىعىنان ايىرىلعانى بەلگىلى. ەندى ول رەجىمدىك تالاپتاردى ساقتاۋدان باس تارتىپ وتىر ەكەن. مىسالى, ول تۇرمە كيىمىن كيۋدەن ات-تونىن الا قاشقان.
تاجىكستان پرەزيدەنتى ەمومالي راحمون جالا جانە ءتىل تيگىزۋ تۋرالى باپتاردى قىلمىستىق كودەكستەن اكىمشىلىك كودەكسكە اۋىستىرۋ تۋرالى ۇسىنىس ءتۇسىردى. قازىرگى كەزدە كىنالى دەپ تابىلعان ادام قك-ءنىڭ اتالعان باپتارى بويىنشا ايىپ تولەيدى, تۇزەۋ جۇمىستارىنا بارادى نەمەسە ەكى جىلعا دەيىن سوتتالادى.
ينتەرنەت ماتەريالدارى نەگىزىندە ازىرلەندى.
