ەۋروپالىق وداقتىڭ وڭىردەگى ماڭىزدى ارىپتەسى
سەنبى, 4 اقپان 2012 8:15
2 اقپاندا بريۋسسەلدە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ ەۋروپالىق وداقتىڭ شەتەل ىستەرى جانە قاۋىپسىزدىك ساياساتى جونىندەگى جوعارى وكىلى كەترين ەشتونمەن كەزدەسىپ, كەلىسسوز جۇرگىزدى.
قازاقستاندىق جانە ەۋروپالىق ديپلوماتيا باسشىلارىنىڭ جىلدىڭ باسىنداعى تۇراقتى كەزدەسۋلەرى ىزگى داستۇرگە اينالعان. جۇزدەسۋلەر بارىسىندا ەكى جاقتى قارىم-قاتىناستىڭ اعىمداعى كوكەيكەستى ماسەلەلەرى مەن پەرسپەكتيۆالارى تالقىلانىپ ءجۇر.
قازاقستاننىڭ ەۋروپالىق وداقپەن ىنتىماقتاستىعى ءبىزدىڭ ەلىمىز سىرتقى ساياساتىنىڭ ستراتەگيالىق باسىمدىقتارىنىڭ ءبىرى بولىپ تابىلادى.
سەنبى, 4 اقپان 2012 8:15
2 اقپاندا بريۋسسەلدە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ ەۋروپالىق وداقتىڭ شەتەل ىستەرى جانە قاۋىپسىزدىك ساياساتى جونىندەگى جوعارى وكىلى كەترين ەشتونمەن كەزدەسىپ, كەلىسسوز جۇرگىزدى.
قازاقستاندىق جانە ەۋروپالىق ديپلوماتيا باسشىلارىنىڭ جىلدىڭ باسىنداعى تۇراقتى كەزدەسۋلەرى ىزگى داستۇرگە اينالعان. جۇزدەسۋلەر بارىسىندا ەكى جاقتى قارىم-قاتىناستىڭ اعىمداعى كوكەيكەستى ماسەلەلەرى مەن پەرسپەكتيۆالارى تالقىلانىپ ءجۇر.
قازاقستاننىڭ ەۋروپالىق وداقپەن ىنتىماقتاستىعى ءبىزدىڭ ەلىمىز سىرتقى ساياساتىنىڭ ستراتەگيالىق باسىمدىقتارىنىڭ ءبىرى بولىپ تابىلادى.
بۇعان بىلتىرعى كەزدەسۋلەر اياسىندا قازاقستان پرەزيدەنتى نۇرسۇلتان نازارباەۆ پەن ەۋروپالىق كوميسسيانىڭ توراعاسى جوزە مانۋەل بارروزۋدىڭ جانە ەۋروپالىق وداقتىڭ ءتوراعاسى حەرمان ۆان رومپەيمەن كەزدەسۋلەرى بارىسىندا قول جەتكىزىلگەن ۋاعدالاستىقتار ايعاق بولىپ تابىلادى.
ەۋروپالىق وداق ءبىزدىڭ ەلىمىزدىڭ اسا ءىرى ەكونوميكالىق ارىپتەسى بولىپ قالىپ وتىر. ەو ۇلەسىنە قازاقستاندىق سىرتقى ساۋدا اينالىمىنىڭ جارتىسى جانە قازاقستان ەكونوميكاسىنا تارتىلعان شەتەل ينۆەستيتسيالارىنىڭ ۇشتەن ءبىرى تيەسىلى.
ماسەلەن, 2011 جىلى قازاقستاننىڭ ەو ەلدەرىمەن سىرتقى تاۋار اينالىمى 50 ملرد. اقش دوللارىنا جەتسە, بۇل 2010 جىلعى كورسەتكىشتەن ايتارلىقتاي كوپ (38 ملرد. اقش دوللارى).
1993-2011 جىلدار ارالىعىندا ەو ەلدەرىنەن قازاقستان ەكونوميكاسىنا قۇيىلعان تىكەلەي جالپى ينۆەستيتسيالار اعىنى 65,7 ملرد. اقش دوللارى (بارلىق تارتىلعان ينۆەستيتسيالاردىڭ اۋقىمى 137 ملرد. اقش دوللارىن قۇرايدى) بولدى. ءوزارا ساۋدا-ساتتىقتىڭ ايتارلىقتاي وسىمىنە «ەۋروپاعا جول» ءۇش جىلدىق مەملەكەتتىك باعدارلاماسىن جۇزەگە اسىرۋ وڭ ىقپال ەتتى.
قازىرگى كەزدە جوعارىداعى ىنتىماقتاستىقتىڭ زاڭدى جالعاسى رەتىندە قازاقستان رەسپۋبليكاسى مەن ەۋروپالىق وداق اراسىندا تەرەڭدەتىلگەن ارىپتەستىك پەن ىنتىماقتاستىق تۋرالى جاڭا كەلىسىم دايىنداۋ بويىنشا بىرلەسكەن جۇمىستار جۇرگىزىلىپ جاتىر. بۇل قۇجات ساياسي, ەكونوميكالىق جانە گۋمانيتارلىق قارىم-قاتىناستىڭ بارلىق باعىتىن قامتيتىن بولادى.
قازاقستاندىق مينيستر ەلىمىزدىڭ بۇكىلالەمدىك ساۋدا ۇيىمىنا كىرۋى بويىنشا كەلىسسوزدەر ۇدەرىسى تاياۋ ۋاقىتتا اياقتالاتىنىنا سەنىم ءبىلدىردى. ەستەرىڭىزگە سالا كەتسەك, 2010 جىلى تاراپتار تاۋارلاردىڭ رىنوكقا قولجەتىمدىلىگى بويىنشا بارلىق شارتتاردى كەلىسكەن بولسا, بىلتىر قىزمەت كورسەتۋ رىنوگىنا قولجەتىمدىلىك جونىندەگى ەكى جاقتى كەلىسسوزدەردىڭ اياقتالعانى تۋرالى حاتتاماعا قول قويدى.
وسى ورايدا ە.قازىحانوۆ قازاقستانعا تاياۋ ۋاقىتتاردا «نارىقتىق ەكونوميكالى ەل» ءمارتەبەسىن بەرۋ قاجەتتىگىن اتاپ ءوتتى. ءسوز رەتىندە, بۇل مارتەبەنىڭ ەو تاراپىنان دەمپينگكە قارسى تەكسەرۋ جۇرگىزىلگەننەن كەيىن بەرىلەتىنىن ايتا كەتەيىك.
قازاقستان ديپلوماتياسىنىڭ باسشىسى ەۋروپالىق تاراپتى ءوزارا سەنىمدىلىك نەگىزىندە ۆيزالىق رەجىمدى وڭتايلاندىرۋعا شاقىردى. وسىعان بايلانىستى قازاقستان رەسپۋبليكاسى مەن ەۋروپالىق وداق اراسىندا ازاماتتاردىڭ جانە رەادميسسيانىڭ ساپارلارىن قاراپايىمدانعان رەجىم بويىنشا الماسۋ تۋرالى كەلىسىم جونىندە كەلىسسوزدەر ءجۇرگىزگەن ءجون دەگەن ۇستانىمىن ءبىلدىردى.
تاراپتار وڭىرلىك ىنتىماقتاستىقتى دامىتۋدى جالعاستىرۋ مەن ەو جانە ورتالىق ازيا ەلدەرى اراسىنداعى «جاڭا ءارىپتەستىك ستراتەگياسىن» ودان ءارى جۇزەگە اسىرۋدىڭ ماڭىزىن اتاپ كورسەتتى.
مينيستر ك.ەشتوندى قازاقستان پرەزيدەنتىنىڭ تاياۋداعى حالىققا جولداۋىندا العا قويىلعان ءىرى جوبالار مەن الەۋمەتتىك-ەكونوميكالىق مىندەتتەر جانە ەلىمىزدە وتكەن پارلامەنتتىك سايلاۋ تۋرالى جان-جاقتى حاباردار ەتتى.
ك.ەشتون كوپ پارتيالى پارلامەنتتىڭ قالىپتاسۋىن قۇپتايتىنىن بىلدىرە كەلىپ, ەۋروپالىق وداقتىڭ ءبىزدىڭ ەلىمىزدى دەموكراتيا جولىندا ودان ءارى قاراي دا قولداۋعا دايىن ەكەنىن قۋاتتادى.
ەو-نىڭ جوعارى وكىلى ءوزىنىڭ جوعارى الەۋەتى مەن مۇمكىندىگىنىڭ, حالىقارالىق ارەناداعى بەلسەندى ۇستانىمدارىنىڭ ارقاسىندا قازاقستان ەۋروپالىق وداقتىڭ وڭىردەگى ماڭىزدى ءارىپتەسى بولىپ تابىلاتىنىن اتاپ كورسەتتى.
تاراپتار يران مەن سيريا توڭىرەگىندەگى احۋالدى قوسا العاندا, حالىقارالىق كۇن ءتارتىبىندەگى بىرقاتار ماسەلەلەر بويىنشا پىكىر الماستى. ك.ەشتون قازاقستاننىڭ يسلام ىنتىماقتاستىعى ۇيىمىنداعى توراعالىق قىزمەتىنە قولداۋ ءبىلدىردى.
ە.قازىحانوۆ ەۋروپا ديپلوماتياسىنىڭ باسشىسىن رەسمي ساپارمەن قازاقستانعا كەلىپ قايتۋعا شاقىردى.
«ەگەمەن-اقپارات».
