قازاقستانداعى سايلاۋ شەتەلدىكتەر كوزىمەن
بەيسەنبى, 19 قاڭتار 2012 7:22
جوعارعى وكىلدىڭ مالىمدەمەسى
ەۋروپالىق وداقتىڭ جوعارعى وكىلى ك.ەشتون قازاقستانداعى پارلامەنتتىك سايلاۋعا قاتىستى مالىمدەمە جاريالادى.
ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى, ەۋروكوميسسيانىڭ ۆيتسە-پرەزيدەنتى كەترين ەشتوننىڭ ءمالىمدەمەسىندە بىلاي دەلىنەدى:
«مەن قازاقستان حالقىن 15 قاڭتاردا زاڭ شىعارۋشى ورگانعا سايلاۋ كەزىندە ءوزىنىڭ دەموكراتيالىق قۇقىعىن پايدالانۋىنا وراي قۇتتىقتاعىم كەلەدى. سونىمەن قاتار مەن پارلامەنتتە بۇدان بىلاي ءۇش پارتيا بولاتىندىعى تۋرالى حاباردى جىلى قابىلدايمىن, ال مۇنىڭ ءوزىن قازاقستاندا پليۋراليزم مەن دەموكراتيالىق ساياسي مادەنيەت قالىپتاستىرۋعا جەتەلەيتىن وڭ قادام دەپ بىلەمىن.
بەيسەنبى, 19 قاڭتار 2012 7:22
جوعارعى وكىلدىڭ مالىمدەمەسى
ەۋروپالىق وداقتىڭ جوعارعى وكىلى ك.ەشتون قازاقستانداعى پارلامەنتتىك سايلاۋعا قاتىستى مالىمدەمە جاريالادى.
ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى, ەۋروكوميسسيانىڭ ۆيتسە-پرەزيدەنتى كەترين ەشتوننىڭ ءمالىمدەمەسىندە بىلاي دەلىنەدى:
«مەن قازاقستان حالقىن 15 قاڭتاردا زاڭ شىعارۋشى ورگانعا سايلاۋ كەزىندە ءوزىنىڭ دەموكراتيالىق قۇقىعىن پايدالانۋىنا وراي قۇتتىقتاعىم كەلەدى. سونىمەن قاتار مەن پارلامەنتتە بۇدان بىلاي ءۇش پارتيا بولاتىندىعى تۋرالى حاباردى جىلى قابىلدايمىن, ال مۇنىڭ ءوزىن قازاقستاندا پليۋراليزم مەن دەموكراتيالىق ساياسي مادەنيەت قالىپتاستىرۋعا جەتەلەيتىن وڭ قادام دەپ بىلەمىن.
قازاقستان ەو-نىڭ ماڭىزدى ارىپتەسى جانە ءبىز ونداعى ساياسي رەفورمالاردىڭ جۇزەگە اسۋىنا قولداۋىمىزدى جالعاستىرا بەرۋگە ءازىرمىز».
تابىستى سايلاۋمەن قۇتتىقتادى
قازاقستان رەسپۋبليكاسى ورتالىق سايلاۋ كوميسسياسىنىڭ شاقىرۋى بويىنشا پارلامەنت ءماجىلىسى مەن ءماسليحاتتار سايلاۋىنا يسلام ىنتىماقتاستىعى ۇيىمى باس حاتشىلىعىنان بايقاۋشىلار دەلەگاتسياسى كەلىپ قاتىسقان بولاتىن. دەلەگاتسيا قۇرامىنا يوردانيا حاشيميتتىك كورولدىگىنەن ءۇش ادام كىرگەن ەدى.
دەلەگاتسيا مۇشەلەرى جۇمىس رەجىمىندە استانا قالاسىنداعى ءىرى سايلاۋ ۋچاسكەلەرىندە بولىپ, داۋىس بەرۋدىڭ بارلىق كەزەڭدەرىنە بايقاۋدى جۇزەگە اسىردى. ولار سايلاۋشىلاردىڭ جوعارى بەلسەندىلىگىن اتاپ كورسەتىپ, داۋىس بەرۋ ۇدەرىستەرىنىڭ قالىپتى جاعدايدا جانە زاڭ بۇزۋشىلىقسىز وتكەنىنە ەكپىن ءتۇسىردى.
يىۇ باس حاتشىسى پروفەسسور ەكمەلەددين يحسانوعلى سايلاۋ وتكىزۋدىڭ جالپى ۇدەرىسىنە قاناعات سەزىمىن ءبىلدىرىپ, قازاقستان حالقىن ۇلتتىق ءبىرلىكتى ىلگەرىلەتۋگە تاعى دا ۇلكەن قىزىعۋشىلىق تانىتقانىمەن جانە ءوز ەلىنىڭ دەموكراتيالىق ينستيتۋتتارىن نىعايتۋعا ۇلەس قوسقانىمەن قۇتتىقتادى.
يىۇ باس حاتشىسى سونداي-اق قازاقستان بيلىگىنە سايلاۋ وتكىزۋدەگى كاسىبيلىگى مەن ۇيىمداستىرۋشىلىق شەبەرلىگى ءۇشىن ءوزىنىڭ ريزاشىلىعىن ءبىلدىردى.
دوستاستىقتاعى بىرەگەي ەل
مەن جاڭاوزەن قالاسىنداعى ءبىرقاتار سايلاۋ ۋچاسكەلەرىندە بولىپ, شىن قاناعاتتانعاندىق سەزىمدە بولعانىمدى اتاپ كورسەتەمىن. قالاداعى سايلاۋ ۋچاسكەلەرىندەگى داۋىس بەرۋ ماسەلەسى قالىپتى جاعدايدا, ۇيىمداسقان تۇردە ءوتتى. داۋىس بەرۋگە كەلگەن سايلاۋشىلار قاتارى دا از بولعان جوق. مەنىڭ ويىمشا, قازاقستان پرەزيدەنتى نۇرسۇلتان نازارباەۆ ءتوتەنشە جاعداي جاريالانعان جاڭاوزەن قالاسىندا سايلاۋ وتكىزۋ ءجونىندە وتە دۇرىس شەشىم قابىلدادى. سەبەبى, ادامدار داۋىس بەرۋ قۇقىن تولىق پايدالانۋعا ءتيىس.
سىزدەردىڭ ەلدەرىڭىزدىڭ پرەزيدەنتى بۇل ايماققا ەرەكشە ماڭىز بەرىپ وتىر. ماسەلەن, 16 جەلتوقساندا بولعان وقيعادان كەيىن ول جاڭاوزەن قالاسىنا ءوزى ۇشىپ كەلىپ, قالىپتاسقان جاعدايمەن تىكەلەي تانىسىپ, ناقتى شەشىمدەر قابىلدادى.
قازاقستان – تمد مەملەكەتتەرىنىڭ ىشىندە دەموكراتيالىق دامۋ پرينتسيپتەرىن ۇستاناتىن بىرەگەي مەملەكەت. كوپ پارتيالى پارلامەنت – بۇل ءارتۇرلى تاڭداۋ, جان-جاقتى پىكىر, ياعني پىكىر-سايىس ورگانى. ەگەر قازاقستاننىڭ جاڭا پارلامەنتىندە وپپوزيتسيانىڭ وكىلدەرى بولاتىن بولسا, بۇل ءوز كەزەگىندە ەلدىڭ دەموكراتيالىق بەينەسىن كورسەتەدى. جالپى العاندا قازاقستان ءبىرتىن-ءبىرتىن دەموكراتيالىق دامۋ ۇردىسىنە ءتۇسىپ كەلەدى.
ۇلىبريتانيا پارلامەنتىنىڭ ءتاۋەلسىز مۇشەسى رەتىندە, سونىمەن بىرگە قازاقستان بويىنشا ۇكىمەتارالىق توپتىڭ بۇكىلپارتيالىق ءتوراعاسى رەتىندە ماعان الداعى ۋاقىتتا قازاقستاندىق پارلامەنتپەن تىكەلەي جۇمىس ىستەۋگە تۋرا كەلەدى. ءوز تاراپىمنان ايتارىم, ۇلىبريتانيا قازاقستاندى قولدايدى جانە جان-جاقتى كومەك كورسەتۋگە دايىن.
لورد دجون اندەرسون ۆەيۆەرلي, ۇلىبريتانيا پارلامەنتى لوردتار پالاتاسىنىڭ مۇشەسى.
