قازا تاپقاندار سانى 100-دەن استى
سارسەنبى, 21 قاراشا 2012 7:10
يزرايل مەن پالەستينا اراسىنداعى احۋال ءالى دە ۋشىعىپ تۇر. دۇيسەنبى پالەستينالىقتار ءۇشىن اسا قارالى كۇن بولدى. سول ءبىر كۇننىڭ ىشىندە 30-دان استام جەرگىلىكتى تۇرعىن كوز جۇمدى. قازا تاپقان پالەستينالىقتاردىڭ جالپى سانى, سوڭعى مالىمەت بويىنشا, 109 ادام دەلىنىپ وتىر.
وسى ارالىقتا يزرايل پوليتسەيلەرى تەل-اۆيۆتەگى اقش ەلشىلىگىنىڭ كۇزەتشىسىنە شابۋىل جاساعان ەر ادامدى تۇتقىندادى. جەرگىلىكتى قۇقىق قورعاۋ ورگاندارىنىڭ مالىمەتىنشە, اتى-ءجونى بەلگىسىز ادام كۇزەتشىنى ولتىرۋگە ارەكەت جاساعان. تەرگەۋشىلەر ونىڭ كۇزەتشىگە نە سەبەپتى شابۋىل جاساعانىن تەكسەرۋ ۇستىندە.
سارسەنبى, 21 قاراشا 2012 7:10
يزرايل مەن پالەستينا اراسىنداعى احۋال ءالى دە ۋشىعىپ تۇر. دۇيسەنبى پالەستينالىقتار ءۇشىن اسا قارالى كۇن بولدى. سول ءبىر كۇننىڭ ىشىندە 30-دان استام جەرگىلىكتى تۇرعىن كوز جۇمدى. قازا تاپقان پالەستينالىقتاردىڭ جالپى سانى, سوڭعى مالىمەت بويىنشا, 109 ادام دەلىنىپ وتىر.
وسى ارالىقتا يزرايل پوليتسەيلەرى تەل-اۆيۆتەگى اقش ەلشىلىگىنىڭ كۇزەتشىسىنە شابۋىل جاساعان ەر ادامدى تۇتقىندادى. جەرگىلىكتى قۇقىق قورعاۋ ورگاندارىنىڭ مالىمەتىنشە, اتى-ءجونى بەلگىسىز ادام كۇزەتشىنى ولتىرۋگە ارەكەت جاساعان. تەرگەۋشىلەر ونىڭ كۇزەتشىگە نە سەبەپتى شابۋىل جاساعانىن تەكسەرۋ ۇستىندە.
اۋعانستانداعى ميسسياسىن اياقتادى
فرانتسيا اۋعانستانداعى ءوزىنىڭ سوڭعى اسكەري ميسسياسىن اياقتادى. كەشە فرانتسۋز اسكەريلەرى كاپيس پروۆينتسياسىنداعى نيدجراب بازاسىنان شىعارىلدى. بۇل فرانتسۋزداردىڭ كابۋلدان تىسقارى جەردەگى سوڭعى فورپوستى بولىپ تابىلادى. فرانتسيانىڭ اسكەري بولىمدەرى اۋعانستاندى جەلتوقسان ايىندا تولىق تاستاپ شىعادى.
فرانتسيا اۋعان ناۋقانىنا 2001 جىلدىڭ اياعىندا قوسىلعان بولاتىن. فرانتسۋز كونتينگەنتى اۋقىمى جونىنەن اقش-تان, بريتانيادان, گەرمانيادان جانە يتاليادان كەيىنگى بەسىنشى ورىندا ەدى. 11 جىل ىشىندە فرانتسۋزدار 88 اسكەري قىزمەتكەرىنەن ولىدەي ايىرىلدى. قازىرگى كەزدە اۋعانستاندا شامامەن 2,2 مىڭ فرانتسۋز اسكەريى بار.
ايىپ كولەمى – 200 مىڭ رۋبل
«ءبىرتۇتاس رەسەي» دەپۋتاتتارى زاڭسىز ميگرانتتارعا بىرنەشە مارتە باسپانا ۇسىنعاندار ءۇشىن 200 مىڭ رۋبل كولەمىندە ايىپپۇل سالۋ تۋرالى ۇسىنىس جاسادى. قۇجاتقا سايكەس, اتالعان زاڭ بۇزۋشىلىق ءۇشىن قىلمىستىق جاۋاپكەرشىلىك ەنگىزىلەتىن بولادى.
200 مىڭ رۋبلگە بالاما جازا رەتىندە 360 ساعاتقا دەيىن مىندەتتى جۇمىس قاراستىرىلعان. 1 جىلعا دەيىنگى مەرزىمگە تۇزەۋ جۇمىستارى نەمەسە 2 جىلعا دەيىن ماجبۇرلەپ جۇمىس ىستەتۋ دە كوزدەلەدى. ەگەر ميگرانتتاردى ءبىر توپ ادام الدىن الا كەلىسىم بويىنشا قونىستاندىراتىن بولسا, وندا ءتارتىپ بۇزۋشىلار ءۇش جىلعا دەيىن باس بوستاندىقتارىنان ايىرىلۋى مۇمكىن. ارينە, مۇنىڭ ءبارى زاڭ كۇشىنە ەنگەن جاعدايدا عانا جۇزەگە اسپاق.
3 ميلليارد دوللارىنان ايىرىلدى
قىتايداعى اسا باي ايەل ۋ ياچجۋن ءوزىنىڭ جۇبايى كاي كيۋيمەن اجىراسۋى سالدارىنان 3 ميلليارد دوللاردان استام قاراجاتىن جوعالتتى. ءسويتىپ,Longfor كومپانياسى باسشىسىنىڭ بايلىعى 72-دەن 43 پايىزعا دەيىن ازايىپ كەتسە, ەسەسىنە ونىڭ بۇرىنعى جۇبايىنىڭ ۇلەسى 29 پايىزعا كوتەرىلگەن.
وسىلايشا ۋ ءياچجۋننىڭ قارجىسى بۇعان دەيىنگى 7,3 ميللياردتىڭ ورنىنا 4,2 ميلليارد دوللارعا دەيىن ازايعان. ءسويتىپ, ەڭ باي قىتايلىق ايەل مارتەبەسى Country Garden Holding كومپانياسىنىڭ يەسى يان حۋيۋانعا اۋىسىپ وتىر. ونىڭ بايلىعى 5 ميلليارد دوللار دەپ ەسەپتەلەدى. ال ەڭ باي قىتايلىق الكوگولسىز Wahaha ىشىمدىگىن ءوندىرۋشى تسزۋن تسينحوۋ بولىپ قالۋدا. ونىڭ بايلىعى 19 ميلليارد دوللارعا تەڭ كورىنەدى.
وزدەرىن وزدەرى ورتەمەك بولدى
قىرعىزستان استاناسىندا كوممەرتسيالىق قۇرىلىمدارعا قارىزدارى سالدارىنان م ۇلىكتەرىنەن ايىرىلعان ادامداردىڭ جاپپاي وزدەرىن وزدەرى ورتەۋگە جاساعان ارەكەتتەرىنىڭ الدى الىندى. كەشە ارەكەت يەلەرى بىشكەكتەگى گوركي اتىنداعى ساياباققا جينالىپ, وسىنداي قادامدارعا بارماق بولعان.
ولاردىڭ كەيبىرى ۇكىمەتكە قارسى سيپاتتاعى ۇراندار ايتىپ, ەل پرەزيدەنتى المازبەك اتامباەۆتى قوسا العاندا, بارلىق رەسپۋبليكا باسشىلىعىنىڭ وتستاۆكاعا كەتۋلەرىن تالاپ ەتكەن. 40 ادام وزدەرىن ورتەپ جىبەرمەكشى بولعان. ولاردىڭ باسىم كوپشىلىگى ايەلدەر مەن ەگدە تارتقان ادامدار ەكەن. ەرەۋىلشىلەردىڭ پىكىرلەرىنشە, ءبارى ار-ۇياتتان بەزگەن قارجى ۇيىمدارىنىڭ ءىس-ارەكەتتەرىنەن زارداپ شەككەن.
ساقالدىڭ ۇزىندىعى شەكتەۋلى
تاجىكستانداعى ۇلەمدەر كەڭەسى (يسلامدى جەتىك بىلەتىن بەدەلدىلەر) ەرلەردىڭ ساقال قويۋ مەن ايەلدەردىڭ كيىم كيۋ نورمالارىن بەلگىلەدى. بۇل ەرەجەنىڭ سۇننيتتەردىڭ حانافي مازحابىن ۇستاناتىندارعا قاتىسى بار كورىنەدى. ويتكەنى, تاجىكستاندا يسلامنىڭ وسى باعىتى رەسمي بولىپ تابىلادى جانە رەسپۋبليكا مۇسىلماندارىنىڭ كوپشىلىگى ۇستانادى.
ەرەجەگە سايكەس, ەر ادام ساقالىنىڭ كولەمى ءوزىنىڭ جۇدىرىعىنان اسپاۋى ءتيىس. ايەلدەر ءۇشىن كيىم ونىڭ بەتى, قولى جانە تابانىنان باسقا جەرىنىڭ ءبارىن تولىق جاۋىپ تۇرۋى شارت. تاجىكستاننىڭ يسلام ورتالىعىندا ۇلەمدەر كەڭەسى جۇمىس ىستەسە, ولار بۇل نورمانى ءدىن ىستەرى جونىندەگى كوميتەتتىڭ ءوتىنىشى بويىنشا بەلگىلەپتى. ەلدە شامامەن 3 مىڭداي مەشىت پەن 20 شاقتى ءدىني ءبىلىم بەرۋ مەكەمەلەرى جۇمىس ىستەيدى.
قىسقا قايىرىپ ايتقاندا:
فرانتسۋز وپپوزيتسياسى ءوز سەركەسىن سايلادى. «حالىقتىق قوزعالىس ءۇشىن وداعى»وپپوزيتسيالىق پارتياسىنىڭ باسىنا جان-فرانسۋا كوپە كەلدى. ول قارسىلاسى,بۇرىنعى پرەمەر-مينيستر فرانسۋا فيوننان 98 داۋىس ارتىق العان.
گرۋزيا پارلامەنتىنىڭ ادام قۇقىعىن قورعاۋ كوميتەتى بۇرناعى كۇنى ەلدەءتۇرلى باپتار بويىنشا 180 ادام ساياسي تۇتقىن دەپ جاريالانعانىنحابارلادى. تاعى 22 ادام ساياسي قۋعىن-سۇرگىندە جۇرگەن كورىنەدى.
تەرگەۋشىلەردىڭ دەرەكتەرىنشە, پولشادا ىشكى قاۋىپسىزدىك اگەنتتىگىنىڭقىزمەتكەرلەرى بيلىك ورگاندارىنىڭ وكىلدەرىنە قارسى لاڭكەستىكۇيىمداستىرماق بولعان ەر ادامدى تۇتقىنداعان. كۇدىكتى كراكوۆتا قاماۋعا تۇسكەن.
ينتەرنەت ماتەريالدارى نەگىزىندە ازىرلەندى.
