2019 جىلدىڭ 1 قاڭتارىنان باستاپ ەلىمىزدە بىرىڭعاي جيىنتىق تولەم (بجت) ىسكە قوسىلدى. بىرىڭعاي جيىنتىق تولەم ءوزىن-ءوزى جۇمىسپەن قامتۋشى جەكە تۇلعالاردىڭ بەيرەسمي قىزمەتىن تىركەۋدى وڭايلاتۋعا باعىتتالعان. سول ارقىلى ءتورت مىندەتتى تولەمدى: مەملەكەتتىك كىرىستەر ورگانىنا تولەنەتىن جەكە تابىس سالىعىن, بىرىڭعاي جيناقتاۋشى زەينەتاقى قورىنا تولەنەتىن مىندەتتى زەينەتاقى جارنالارىن, مەملەكەتتىك الەۋمەتتىك ساقتاندىرۋ قورىنا تولەنەتىن الەۋمەتتىك اۋدارىمدى جانە مىندەتتى الەۋمەتتىك مەديتسينالىق ساقتاندىرۋ قورىنا تولەنەتىن الەۋمەتتىك اۋدارىمدى ءبىر تولەممەن جۇزەگە اسىرۋعا بولادى. وسىلايشا بجت تولەۋ مۇمكىندىگىنە يە ازاماتتار بارلىق تولەمدەردى وڭايلاتىلعان تارتىپتە تولەپ, الەۋمەتتىك قامسىزداندىرۋ جۇيەسىنە قاتىسا الادى, دەپ حابارلايدى زەينەتاقى قورىنىڭ ءباسپاسوز قىزمەتى.
بۇدان باسقا بجت تولەۋشى قازاقستاندىقتار جيناقتاۋشى زەينەتاقى جۇيەسىنە قاتىسىپ, جيناقتارىن مولايتادى جانە قاتىسۋ وتىلىنە قاراي مەملەكەتتىك بازالىق زەينەتاقىنى جوعارى مولشەردە الۋعا ءۇمىت ارتا الادى.
ايناش ەسالي,
«Egemen Qazaqstan»
الماتى
