بۇل تۋرالى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى مەن «شىمكەنت – ادالدىق الاڭى» جوبالىق كەڭسەسى ۇيىمداستىرعان ۇكىمەتتىك ەمەس ۇيىمداردىڭ وكىلدەرىنە ارنالعان ترەنينگتە ايتىلدى.
قوعامدا سىبايلاس جەمقورلىققا قارسى مادەنيەتتى قالىپتاستىرۋ ماقساتىندا وتكىزىلگەن جيىندا دەپارتامەنت باسشىسىنىڭ ورىنباسارى ايبەك ءشىلمانوۆ سىبايلاس جەمقورلىقتىڭ الدىن الۋداعى ۇەۇ-دىڭ رولىنە توقتالىپ, سىبايلاس جەمقورلىقپەن كۇرەس قوعامنىڭ بەلسەنە اتسالىسۋىنا مۇقتاج ەكەندىگىن جەتكىزدى.
«مەملەكەتتىك قىزمەتتەردى كورسەتۋدى جەتىلدىرۋ - سىبايلاس جەمقورلىقتىڭ الدىن الۋدىڭ نەگىزى. ەلەكتروندى تۇردە قىزمەت الۋدىڭ تيىمدىلىگى كوپ. بىرىنشىدەن, ازاماتتار مەملەكەتتىك مەكەمەگە بارمايدى, ياعني ازاماتتار مەن مەملەكەتتىك قىزمەتشىلەر تىكەلەي جولىقپايدى. ەكىنشىدەن, كەزەك كۇتپەيدى, بارلىعى جىلدام جۇرەدى. بۇگىنگى تاڭدا كورسەتىلەتىن قىزمەتتەردىڭ 86 پايىزى ەلەكتروندى تۇردە الىنۋدا. بۇل باعىتتاعى جۇمىستىڭ باعىتى ايقىن», دەيدى سالا جاۋاپتىسى.
سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ شىمكەنت قالاسى بويىنشا دەپارتامەنتىنىڭ ماماندارى سىبايلاس جەمقورلىق فاكتىلەرى بايقالعان جاعدايدا اگەنتتىكتىڭ 1424 call-ورتالىعىنا حابارلاۋ قاجەتتىگىن ايتتى.
نۇرشات توكەن,
«Egemen Qazaqstan»
شىمكەنت
