ءمينيستردىڭ اناسى ۇرلاندى
سەيسەنبى, 11 جەلتوقسان 2012 7:23
نيگەريادا بەلگىسىز بىرەۋلەر ەلدىڭ قارجى ءمينيسترى نگوزي وكوندجو يۆەلانىڭ اناسىن ۇرلاپ كەتكەن. «فرانس-پرەسس» اگەنتتىگىنىڭحابارلاۋىنشا, ءمينيستردىڭ اناسى پروفەسسور كامەنە وكوندجو وتكەنجەكسەنبى كۇنى ءوز ۇيىندە ۇرلانعان.
سەيسەنبى, 11 جەلتوقسان 2012 7:23
نيگەريادا بەلگىسىز بىرەۋلەر ەلدىڭ قارجى ءمينيسترى نگوزي وكوندجو يۆەلانىڭ اناسىن ۇرلاپ كەتكەن. «فرانس-پرەسس» اگەنتتىگىنىڭحابارلاۋىنشا, ءمينيستردىڭ اناسى پروفەسسور كامەنە وكوندجو وتكەنجەكسەنبى كۇنى ءوز ۇيىندە ۇرلانعان.
قارجى مينيسترلىگىنىڭ تاراتقان اقپاراتتارىنا قاراعاندا, بۇل قىلمىستىق ارەكەتتىڭ ارتىندا كىمدەر تۇرعانى ازىرگە بەلگىسىز. مينيسترلىك وكىلدەرى بۇل ادەيى, الدىن الا ويلاستىرىلعان ارەكەتتەر بولۋى مۇمكىن دەگەن بولجام جاسايدى. سەبەبى, بۇرىنىراقتا نگوزي وكوندجو يۆەلانىڭ اتىنا بولۋى ىقتيمال ارەكەتتەر جونىندە اقپارات تۇسكەن ەكەن. جەرگىلىكتى باق-تار قارجى ءمينيسترىنىڭ ەلدەگى سىبايلاس جەمقورلىقپەن بەلسەندى كۇرەسۋشى تۇلعا ەكەنىن جازادى. كەيبىر دەرەك كوزدەرى بويىنشا, ءمينيستردىڭ اناسىنىڭ ۇرلانۋى ودان وتەماقى تالاپ ەتۋىندە جاتىر. ەلدە مۇنداي جاعدايلار ءجيى بولىپ تۇراتىن سياقتى.
مۇراگەرىنىڭ اتى-ءجونىن اتادى
ۆەنەسۋەلا پرەزيدەنتى ۋگو چاۆەس ەگەر ول دەنساۋلىعىنا بايلانىستى مەملەكەت باسشىسى مىندەتىن اتقارا المايتىن جاعدايدا, ءوزىنىڭ مۇراگەرىنىڭ كىم بولاتىنىن اتادى. ەل باسشىسى قازىرگى كەزدە كۋبادا راكتان ەمدەلىپ جاتىر.
«رەيتەر» اگەنتتىگىنىڭ جازۋىنشا, سايلاۋ بولا قالعان جاعدايدا, ۋگو چاۆەس ۆەنەسۋەلا حالقىن 50 جاستاعى ۆيتسە-پرەزيدەنت نيكولاس مادۋروعا داۋىس بەرۋگە شاقىردى. «ول – ناعىز رەۆوليۋتسيونەر, ءوز ىسىنە شىن بەرىلگەن تۇلعا», – دەپتى ۋگو چاۆەس. دەگەنمەن, ساياساتتانۋشىلار ن.مادۋرودا ونداي قاسيەتتەر كەمشىن سوعىپ جاتاتىنىن, اسىرەسە, ول اسكەريلەردىڭ ىقىلاسىنا بولەنە المايتىنىن العا تارتادى. ويتكەنى, ۇكىمەت بيلىگىندەگى بىرقاتار ورىنداردا اسكەريلەر وتىر. ۋ.چاۆەستەن وسى جىلدىڭ 8 جەلتوقسانىندا قاتەرلى ىسىك اۋرۋىنىڭ جاڭا بەلگىلەرى تابىلعانى مالىمدەلگەن ەدى.
پرەزيدەنتتىككە قايتا سايلاندى
دجون دراماني ماحاما گانانىڭ پرەزيدەنتى بولىپ قايتا سايلاندى. «فرانس-پرەسس» اگەنتتىگىنىڭ اقپاراتتارى بويىنشا, ەلدىڭ قازىرگى پرەزيدەنتى سايلاۋشىلاردىڭ 50,7 پايىزىن, ال ونىڭ نەگىزگى باسەكەلەسى نانا اكۋفو-اددو 47,74 پايىز داۋىس العان.
جەڭىلگەن ساياساتكەر ن.اكۋفو-اددو داۋىس بەرۋدىڭ الدىن الا ناتيجەسى شىعا سالعاندا-اق, ول سايلاۋ ورەسكەل بۇرمالاۋشىلىقتارمەن وتكەنىن مالىمدەپتى. سونداي-اق, ونىڭ پارتيالاستارى سايلاۋدىڭ ءادىل وتپەگەندىگىن ايعاقتايتىن مالىمەتتەر مەن دالەلدەر جەتكىلىكتى ەكەندىگىن ايتقان. ءاسىلى, جەڭىسكە اكۋفو-اددو جەتتى دەگەن بولجامدى العا تارتادى. پرەزيدەنتتىك سايلاۋعا اتتارى اتالعان كانديداتتارمەن بىرگە, تاعى التى ۇمىتكەر قاتىسقان ەدى. د.ماحاما وسى جىلدىڭ شىلدەسىندە, پرەزيدەنت دجون اتتا قايتىس بولعاننان كەيىن پرەزيدەنتتىكتى قولعا العان بولاتىن.
قىسقا قايىرىپ ايتقاندا:
پرەزيدەنت يسلام كاريموۆ 2013 جىلدى وزبەكستاننىڭ ءوسىپ-وركەندەۋ جىلى دەپ جاريالادى. مۇنى ول ەل كونستيتۋتسياسىنىڭ 20 جىلدىعىنا بايلانىستى سالتاناتتى جيىندا مالىمدەدى.
مەكسيكالىق قۇتقارۋشىلار بورتىندا ءانشى دجەنني ريۆەردىڭ جانە ءتورت جولاۋشى مەن ەكى ەكيپاج مۇشەلەرىنىڭ ءمايىتتەرى بار ۇشاق سىنىقتارىن تاپتى.
مىسىرداعى احۋال ءالى تىنشىماي تۇر. پرەزيدەنت موحامماد ءمۋرسيدىڭ جاقتاستارى مەن قارسىلاستارى اراسىنداعى داۋ-داماي جالعاسۋدا.
يران قۇقىق قورعاۋ ورگاندارى ەلدىڭ پاكستانمەن شەكاراسىنا جاقىن ماڭدا 11 توننا ەسىرتكى تاركىلەدى. بۇل ەل تاريحىندا بۇرىن-سوڭدى كەزدەسپەگەن وقيعا دەپ باعالانۋدا.
ودەسسا وبلىسىنىڭ پروكۋراتۋراسى ادام ولىمىنە سوقتىرعان «بەلليني» كلۋبىنداعى اتىس تۋرالى قىلمىستىق ءىستى قايتا جالعاستىردى.
بۇرىنعى باسشىنىڭ قاتەلىكتەرىن تۇزەتۋدە
رەسەي قورعانىس ءمينيسترى سەرگەي شويگۋ بۇرىنعى مينيستر اناتولي سەرديۋكوۆتىڭ كەزىندە قارۋلى كۇشتەر قاتارىنان بوساتىلعان وفيتسەرلەردى قايتا قىزمەتكە الۋعا ۋادە بەردى. بۇل جونىندە «نوۆوستي» اقپارات اگەنتتىگى حابارلادى.
«عىلىم مەن اسكەري ءبىلىم بەرۋدىڭ ماقتانىشىنا اينالعان وفيتسەرلەردى قايتادان قارۋلى كۇشتەر قاتارىنا الامىز», – دەدى مينيستر پرەزيدەنت ۆلاديمير ءپۋتيننىڭ سەنىمدى وكىلىمەن كەزدەسۋ بارىسىندا. ا.سەرديۋكوۆتىڭ تۇسىندا وفيتسەرلەر كورپۋسىن قىسقارتۋ رەسەي قارۋلى كۇشتەرىن رەفورمالاۋ اياسىندا جۇزەگە اسىرىلعان ەدى. وسىعان بايلانىستى وفيتسەرلەر قۇرامى 335 مىڭنان 220 مىڭ ادامعا دەيىن قىسقاردى. كەيبىر باسىلىمداردا جارىق كورگەن ماتەريالداردا قورعانىس مينيسترلىگىندە بۇعان دەيىن جۇرگىزىلگەن رەفورمالارعا كوپشىلىك قاناعاتتانبايدى. سوندىقتان جاڭا مينيستر قارۋلى كۇشتەردىڭ مارتەبەسىن كوتەرۋگە كۇش سالۋى قاجەت. ا.سەرديۋكوۆ «وبورونسەرۆيستەگى» جەمقورلىققا بايلانىستى مينيستر قىزمەتىنەن كەتكەن بولاتىن.
قورقىتامىن دەپ قىزمەتىمەن قوشتاستى
جەرگىلىكتى باسىلىمداردىڭ جازۋىنشا, پەرۋدىڭ ەڭبەك ءمينيسترى حوسە ۆيللەنا ارەكيپ قالاسىنداعى اۋەجايدا بولعان ورەسكەل جاعدايلارعا بايلانىستى مينيستر قىزمەتىمەن قوش ايتىسقان. بۇعان ونىڭ اۋەجاي قىزمەتكەرلەرىن بالاعاتتاعانى سەبەپ بولعان.
Lan Peru اۆياكومپانياسى قىزمەتكەرىنىڭ سوزىنە قاراعاندا, مينيستر حوسە ۆيللەنا اۋەجايعا كەشىگىپ كەلگەن. بۇل كەزدە ۇشاق ۇشۋ-قونۋ الاڭىندا ۇشۋعا دايار تۇرعان. ال مينيستر بولسا, اۋەجاي قىزمەتكەرلەرىنەن ۇشاقتى توقتاتۋدى تالاپ ەتكەن كورىنەدى. ال ولار ءمينيستردىڭ تالابىن قابىلداماعان. ول اۋەجاي قىزمەتكەرلەرىن جۇمىستان بوساتقىزامىن دەپ قورقىتقان دا سياقتى. ءتىپتى بىرەۋىن ۇرىپ تا جىبەرىپتى. قاتەلىگىن كەش تۇسىنگەن مينيستر وتستاۆكاعا كەتۋگە ءماجبۇر بولدى.
قىلمىسكەردى ەلىنە قايتاردى
بىرىككەن اراب امىرلىكتەرى قىرعىزستان قۇقىق قورعاۋ ورگاندارىنا ەلدەگى اسا ءىرى قىلمىستىق توپتىڭ جەتەكشىسى قامچىبەك كولباەۆتى تاپسىردى.
«نوۆوستي» اقپارات اگەنتتىگىنىڭ مالىمەتتەرى بويىنشا, ق.كولباەۆ قازىرگى كەزدە بىشكەكتەگى تەرگەۋ اباقتىسىندا. كولباەۆ سونداي-اق «كوليا-قىرعىز» دەگەن لاقاپ اتىمەن قىلمىس الەمىنە تانىمال. ول 2000 جىلى بىرنەشە ادامدى ولتىرگەنى ءۇشىن 25 جىلعا سوتتالعان, التى جىل بۇرىن تۇرمەدەن قاشىپ كەتكەن. ۇستالعانعا دەيىن بىرىككەن اراب امىرلىكتەرىندە بوي تاسالاپ كەلىپتى.
ينتەرنەت ماتەريالدارى نەگىزىندە ازىرلەندى.
