شاراينا
بەيسەنبى, 27 جەلتوقسان 2012 7:51
جاڭا كونستيتۋتسياعا داۋىس بەردى
ەگيپەتتىڭ سايلاۋ كوميسسياسى ەلدىڭ جاڭا كونستيتۋتسياسىنىڭ تاعدىرىندا شەشۋشى ءرول اتقارۋى ءتيىس بولعان رەفەرەندۋمنىڭ رەسمي قورىتىندىلارىن جاريالادى. بۇل جونىندە «فرانس-پرەسس» اگەنتتىگى حابارلادى. اگەنتتىكتىڭ حابارلاۋىنا قاراعاندا, قۇجاتتى داۋىس بەرگەندەردىڭ 63,8 پايىزى قولداعان.
بەيسەنبى, 27 جەلتوقسان 2012 7:51
جاڭا كونستيتۋتسياعا داۋىس بەردى
ەگيپەتتىڭ سايلاۋ كوميسسياسى ەلدىڭ جاڭا كونستيتۋتسياسىنىڭ تاعدىرىندا شەشۋشى ءرول اتقارۋى ءتيىس بولعان رەفەرەندۋمنىڭ رەسمي قورىتىندىلارىن جاريالادى. بۇل جونىندە «فرانس-پرەسس» اگەنتتىگى حابارلادى. اگەنتتىكتىڭ حابارلاۋىنا قاراعاندا, قۇجاتتى داۋىس بەرگەندەردىڭ 63,8 پايىزى قولداعان.
سايلاۋشىلاردىڭ داۋىس بەرۋ ۋچاسكەلەرىنە كەلۋ كولەمى 32,9 پايىز عانا بولعان. داۋىس بەرۋگە قۇقىعى بار مىسىرلىقتاردىڭ جالپى سانى 52 ميلليون ەكەنىن ەسكەرسەك, مۇنى از دا, كوپ تە دەپ وي تۇيۋگە نەگىز بار. سايلاۋ كوميسسياسىنىڭ باسشىسى سامير ابۋ مۋاتي وپپوزيتسياشىلار مالىمدەگەن داۋىس بەرۋ بارىسىنداعى بۇرمالاۋشىلىقتاردى تەرىسكە شىعاردى. ەندى ەلدە تىنىشتىق ورناعانىن قالايتىندار كوپ, شىرقىن بۇزعىسى كەلەتىندەر دە جوق ەمەس.
جاپونياداعى جاڭا دا ەسكى پرەمەر
جاپونيانىڭ جاڭا پرەمەر-ءمينيسترى بولىپ ليبەرال-دەموكراتيالىق پارتيانىڭ سەركەسى سيندزو ابە سايلاندى. ول ۇكىمەت باسشىسىنىڭ ورىنتاعىندا دەموكراتيالىق پارتيانىڭ وكىلى ەسيحيكو نودانى الماستىردى. بۇل جاڭالىقتى دا «فرانس-پرەسس» اگەنتتىگى تاراتتى.
ەندى سيندزو ابە جاقىن بولاشاقتا جاڭا ۇكىمەت جاساقتاۋى ءتيىس. ءبىر ايتا كەتەتىن جايت, ول 2006-2007 جىلدارى دا جاپونيا ۇكىمەتىنىڭ باسىندا بولعان. جالپىسىندا, سيندزو ابە ەكىنشى دۇنيەجۇزىلىك سوعىستان كەيىنگى جاپونيا تاريحىندا ۇكىمەت باسشىلىعىنا ەكىنشى رەت كەلىپ وتىرعان العاشقى ادام. ال ەسيحيكو نودا ەلدەگى كوپشىلىككە ۇناماعان سالىق ساياساتى ءۇشىن ورىنتاعىنان ايىرىلعان ەدى.
جولداۋىن سيريا مەن قىتايعا ارنادى
ريم پاپاسى بەنەديكت ءحVى ءداستۇرلى جاڭا جىلدىق جولداۋىن بۇل جولى سيرياداعى جانە افريكاداعى اسكەري جانجالدارعا, سونداي-اق قىتايدىڭ ءدىني سەنىم-نانىم بوستاندىعىنا قاتىستى ساياساتىنا ارنادى, دەپ حابارلاپ وتىر «فرانس-پرەسس» اگەنتتىگى.
ريمدەگى اۋليە پەتر عيباداتحاناسىنىڭ بالكونىنان 40 مىڭدىق كاتوليكتەرگە ارناعان جانە تەلەديداردان كورسەتىلگەن ءوزىنىڭ سوزىندە پونتيفيك سيرياداعى قانتوگىستى توقتاتۋعا شاقىردى. جالپى, پاپا وسى ەلدەگى جانجالدى ساياسي جولمەن شەشۋگە بولادى دەپ ەسەپتەيدى. بەنەديكت ءحVى, سونداي-اق يزرايل مەن پالەستينا اۆتونومياسىنا, نيگەرياعا, كونگو دەموكراتيالىق رەسپۋبليكاسىنا, كەنيا مەن ماليگە بەيبىتشىلىك تىلەدى. قىتايدىڭ جاڭا باسشىلىعى ەلدە باۋىرلاستىق قوعام قۇرا الادى دەگەن سەنىم ءبىلدىردى.
مەملەكەتتىك دۋما تاراتىلا ما؟
«نوۆايا گازەتا» ءوزىنىڭ سايتىندا مەملەكەتتىك دۋمانى تاراتۋ ءۇشىن قول جيناۋدى باستادى. ءسويتىپ, باسىلىم 2013 جىلدىڭ 1 اقپانىندا رەسەي پرەزيدەنتى مەن ورتالىق سايلاۋ كوميسسياسىنا جينالعان قول مەن بۇكىلحالىقتىق رەفەرەندۋم وتكىزۋ تۋرالى ءوتىنىشتى قوسا تاپسىرماق. جالپىعا ورتاق داۋىسقا پارلامەنتتىڭ تومەنگى پالاتاسىنا سەنىمسىزدىك كورسەتۋ ماسەلەسىن شىعارۋ ۇسىنىلادى.
ەگەر ازاماتتار پارلامەنت جۇمىسىنا كوڭىلدەرى تولمايتىن بولسا, بيلىك نە ىستەۋ كەرەك ەكەنىن شەشسىن. مۇنى جۇزەگە اسىرۋدىڭ ءبىر جولى – ازاماتتاردىڭ مەملەكەتتىك دۋماعا سەنىمسىزدىگى ماسەلەسىن قويۋلارىنا مۇمكىندىك بەرەتىن جاڭا زاڭ, دەيدى «نوۆايا گازەتا» ءباسپاسوز قىزمەتىنىڭ جەتەكشىسى نادەجدا پرۋسەنكوۆا. ونىڭ ايتۋىنشا, بۇل جەردە گازەت وزىنە زاڭنىڭ باستاماشىسى ءرولىن المايدى, تەك ءوزىنىڭ سايتىن قوعامدىق كوڭىل-كۇي ءبىلدىرىلەتىن ۇنقاتىسۋ الاڭى رەتىندە ۇسىنادى.
جاڭا جىلدى اۋعانستاندا قارسى الادى
گرۋزيا پرەزيدەنتى ميحايل سااكاشۆيلي جاڭا جىل قارساڭىندا گرۋزين اسكەري قىزمەتشىلەرى قىزمەت اتقارىپ جاتقان اۋعانستانعا اتتانباقشى. بۇل جونىندە پرەزيدەنت اكىمشىلىگىنە سىلتەمە جاساي وتىرىپ, «ترەند» اگەنتتىگى حابارلادى.
اگەنتتىكتىڭ ايتۋىنشا, سااكاشۆيلي گەلمەند پروۆينتسياسىنا كەلىپ, اسكەريلەردى مەرەكەمەن قۇتتىقتايدى جانە جاڭا جىل ءتۇنىن سولارمەن بىرگە وتكىزەدى. بۇل گرۋزيا باسشىسىنىڭ اۋعانستانعا ەكىنشى ساپارى بولماق. العاشقىسى ۇستىمىزدەگى جىلدىڭ اقپان ايىندا جاسالعان ەدى. گرۋزيانىڭ اسكەري كونتينگەنتى اۋعانستاندا 2009 جىلدان بەرى قىزمەت ەتۋدە, قۇرامى – 18 ادام. ءبىر اسكەري قىزمەتكەر جەلتوقسان ايىنىڭ ورتاسىندا جوعالىپ كەتكەن-ءتىن.
اعايىندىلار ەرتەگىلەرىنە – 200 جىل
گەرمانيانىڭ كاسسەل قالاسىندا اعايىندى گريممدەر ەرتەگىلەرىنىڭ العاشقى باسپا كورۋىنىڭ 200 جىلدىعىنا ارنالعان اعايىندى گريممدەر جىلىنىڭ سالتاناتتى اشىلۋى ءوتتى. كاسسەل اعايىندىلار 1798-1841 جىلدار ارالىعىندا ۇزىلىستەرمەن تۇرعان ولاردىڭ تۋعان قالاسى بولىپ تابىلادى.
جىلدىڭ شارىقتاۋ شەگى كاسسەلدە الداعى جىلدىڭ 27 ءساۋىرى مەن 8 قىركۇيەگى ارالىعىندا وتەتىن «گريمم ەكسپەديتسياسى» كورمەسى بولادى. وندا جۇرتشىلىق نازارىنا جازۋشىلاردىڭ قولجازبالارى مەن جەكە زاتتارى ۇسىنىلماق. اعايىندىلار ەرتەگىلەرىنىڭ ىشىندەگى اسا تانىمالدارى «قاسقىر مەن جەتى لاق», «كۇل قىز», «قىزىل تەلپەك», «برەمەن مۋزىكانتتارى», «ۇيقىداعى ارۋ» جانە «اقشاقار» ەكەنى بەلگىلى. بارلىعى فولكلورشىلار 200-دەن استام ەرتەگى باستىرىپ شىعارسا, ولاردىڭ كوپشىلىگى بويىنشا فيلمدەر مەن مۋلتفيلمدەر تۇسىرىلگەن.
قىتايداعى ەڭ جۇردەك پويىز
قىتاي استاناسى – بەيجىڭ قالاسى مەن گۋاندۋن پروۆينتسياسىنىڭ ورتالىعى – گۋانچجوۋ قالالارىنىڭ اراسىن جالعايتىن العاشقى جۇردەك پويىز جولعا شىقتى. ول ساعاتىنا 305 شاقىرىم جىلدامدىقپەن جۇرە الادى.
ەكى قالانىڭ اراسى 2200 شاقىرىمدى قۇراسا, بۇعان دەيىنگى جۇرەتىن پويىزدار ەكى ارالىقتى ەڭسەرۋ ءۇشىن 24 ساعات كەتىرەتىن, ەندى جولاۋشىلار جۇردەك پويىزدىڭ ارقاسىندا بۇل ارالىقتى بار بولعانى 8 ساعاتتىڭ ىشىندە ءجۇرىپ وتەدى. كوپتەگەن جولاۋشىلار بۇل قۇرامنىڭ ۇشاققا قاراعاندا تيىمدىلىگى كوپ ەكەنىن ايتادى. ويتكەنى, ۇشاققا وتىرۋ ءۇشىن كوپتەگەن تەكسەرۋلەردەن ءوتىپ, جۇكتى تاپسىرۋعا تۋرا كەلەدى. اۋەجايدان قالاعا جەتۋ دە ايتارلىقتاي ۋاقىت الادى. پويىزعا وتىرساڭ, مۇنداي ماشاقاتتىڭ بارىنەن قۇتىلاسىڭ.
ينتەرنەت ماتەريالدارى نەگىزىندە ازىرلەندى.
