راقىمشىلىق جاريالادى
بەيسەنبى, 12 قاڭتار 2012 7:45
سولتۇستىك كورەيادا مەملەكەت باسشىسىنىڭ اكەسى مەن اتاسىنىڭ تۋعان كۇندەرىنىڭ قۇرمەتىنە وراي راقىمشىلىق جاريالاندى.
راقىمشىلىقتىڭ قىلمىسكەرلەرگە مە, الدە ساياسي تۇتقىندارعا ما, كىمدەرگە جاسالاتىنى, قانشا ادامنىڭ بوستاندىققا شىعاتىنى ازىرگە بەلگىسىز. بەلگىلىسى راقىمشىلىق تۋرالى شەشىمدى ەل پارلامەنتى قابىلداعان, ول 1 اقپاننان باستاپ كۇشىنە ەنەدى. ساۋىردە سولتۇستىك كورەيا مەملەكەتتىڭ نەگىزىن قالاۋشى كيم ير سەننىڭ 100 جىلدىعىن, ال اقپاندا كيم چەن ءيردىڭ 70 جىلدىعىن اتاپ وتەتىن بولادى. ايتا كەتۋ كەرەك, وسىعان دەيىن بۇل ەل 2002 جىلى دا راقىمشىلىق جاريالاعان بولاتىن.
بەيسەنبى, 12 قاڭتار 2012 7:45
سولتۇستىك كورەيادا مەملەكەت باسشىسىنىڭ اكەسى مەن اتاسىنىڭ تۋعان كۇندەرىنىڭ قۇرمەتىنە وراي راقىمشىلىق جاريالاندى.
راقىمشىلىقتىڭ قىلمىسكەرلەرگە مە, الدە ساياسي تۇتقىندارعا ما, كىمدەرگە جاسالاتىنى, قانشا ادامنىڭ بوستاندىققا شىعاتىنى ازىرگە بەلگىسىز. بەلگىلىسى راقىمشىلىق تۋرالى شەشىمدى ەل پارلامەنتى قابىلداعان, ول 1 اقپاننان باستاپ كۇشىنە ەنەدى. ساۋىردە سولتۇستىك كورەيا مەملەكەتتىڭ نەگىزىن قالاۋشى كيم ير سەننىڭ 100 جىلدىعىن, ال اقپاندا كيم چەن ءيردىڭ 70 جىلدىعىن اتاپ وتەتىن بولادى. ايتا كەتۋ كەرەك, وسىعان دەيىن بۇل ەل 2002 جىلى دا راقىمشىلىق جاريالاعان بولاتىن.
فرانتسيانىڭ كوزدەگەنى نە؟
فرانتسيا ارمياندار گەنوتسيدى پروبلەماسىن پايدالانىپ, تۇركياعا قىسىم جاساۋدى ودان ءارى جالعاستىرۋعا دايىن دەپ مالىمدەگەن كاۆكاز ينستيتۋتىنىڭ ديرەكتورى, ساياساتتانۋشى الەكساندر يسكانداريان.
ونىڭ ايتۋىنشا, ارميان گەنوتسيدىن تەرىسكە شىعارۋدى كريمينالداندىرۋ توڭىرەگىندە فرانتسيادا بولىپ جاتقان وقيعالار ارمەنيا ءۇشىن ونشا تۇسىنىكتى بولىپ وتىرعان جوق. ولار ونى ارميان ءلوبيى دەپ بىلۋدە. فرانتسيانىڭ بۇل ماسەلەدەگى ساياساتى الداعى پرەزيدەنت سايلاۋىنا جانە تۇركيانىڭ تاياۋ شىعىستاعى رولىنە بايلانىستى تۋىنداپ وتىر.
يندونەزيا جاعالاۋىنداعى ءزىلزالا
وتكەن تۇندە يندونەزيانىڭ سۋماترا ارالى جاعالاۋىندا 7,3 باللدىق جەر سىلكىنىسى بولدى.
اقش گەولوگيالىق قىزمەتىنىڭ مالىمەتتەرى بويىنشا, ءزىلزالانىڭ وشاعى باندا-اچەح قالاسىنان وڭتۇستىك-باتىستا 420 شاقىرىم قاشىقتىقتا تەڭىزدە بولعان. ەل وكىمەتى تسۋنامي قاۋپى بولۋى مۇمكىن ەكەنىن ەسكەرتىپ, جاعالاۋداعى اۋداندار تۇرعىندارى كوشىرىلە باستاعان. بىراق كەيىن ءتونىپ تۇرعان ۇلكەن قاتەردىڭ جوق ەكەندىگى حابارلانعان. قازا بولعاندار مەن قيراعان عيماراتتار تۋرالى اقپارات جوق.
احمادينەجادتىڭ لاتىن امەريكاسىنا ساپارى
يران پرەزيدەنتى ماحمۋد احمادينەجاد لاتىن امەريكاسىنىڭ ءوزى بۇرىننان جاقسى قارىم-قاتىناستاعى ءتورت ەلىنە رەسمي ساپارىن باستادى.
ۆەنەسۋەلا دا يران سياقتى وپەك-كە مۇشە. مەملەكەتتەر بىرنەشە رەت جۇزدەگەن ميلليون دوللارعا كەلىسىم-شارتتار جاساسىپ, بىرلەسىپ دامۋ بانكىن دە تاعايىنداعان بولاتىن. ال ەكۆادورمەن اراداعى بايلانىستار رافاەل كوررەا ەل پرەزيدەنتى بولعان 2007 جىلدان بەرى نىعايا ءتۇستى. سول سياقتى نيكاراگۋا مەن كۋبا دا يرانمەن تىعىز قارىم-قاتىناستار ورناتقان ەلدەر قاتارىندا.
اكىمشىلىك باسشىسى اۋىستى
اقش تاريحىندا تۇڭعىش رەت پرەزيدەنت اكىمشىلىگىن ورتودوكسالدىق ەۆرەي باسقاراتىن بولدى.
باراك وباما اكىمشىلىگىنىڭ باسشىسى ۋيليام دەيليدىڭ وتستاۆكاعا كەتۋىنە بايلانىستى ونىڭ ورنىنا ورتودوكسالدىق ەۆرەي دجەيكوب ليۋ كەلەتىن بولدى. د.ليۋ 1955 جىلى 29 تامىزدا نيۋ-يوركتە ادۆوكاتتىڭ وتباسىندا تۋعان. ول گارۆارد كوللەدجىندە جانە دجوردجتاۋن ۋنيۆەرسيتەتىنىڭ زاڭ ورتالىعىندا وقىعان. وباما اكىمشىلىگىندە ول اكىمشىلىك-بيۋدجەتتىك باسقارماعا جەتەكشىلىك ەتكەن بولاتىن.
كەمەدە تۇتانعان ءورت
انتاركتيدادا كەمە وتقا ورانىپ, وعان سۋعا باتىپ كەتۋ قاۋپى تونۋدە.
انتاركتيدا جاعالاۋىندا جۇرگەن وڭتۇستىك كورەيانىڭ بالىقشى كەمەسىندە ورىن العان ءورت سالدارىنان 3 ادام حابار-وشارسىز كەتكەن. 40 ادامنان تۇراتىن كوماندا قۇرامىندا رەسەيدىڭ, قىتايدىڭ, يندونەزيانىڭ, ۆەتنامنىڭ جانە وڭتۇستىك كورەيانىڭ وكىلدەرى بولعان. جاڭا زەلانديانىڭ قۇتقارۋ قىزمەتى 37 ادامنىڭ ءومىرىن اراشالاپ قالعان, ال 3 ادامنىڭ تاعدىرى بەلگىسىز.
رەفەرەندۋم 2014 جىلى بولادى
شوتلانديانىڭ ۇلىبريتانيادان تاۋەلسىزدىگى تۋرالى رەفەرەندۋم 2014 جىلى وتەدى, دەپ مالىمدەدى ەلدىڭ ءبىرىنشى ءمينيسترى الەكس سالموند.
شوتلانديا ۇكىمەتى باسشىسىنىڭ پىكىرىنشە, داۋىس بەرۋدىڭ مۇنداي مەرزىمى حالىقتىڭ ەل بولاشاعى تۋرالى ويلاستىرىلعان شەشىم قابىلداۋىنا جاعداي جاسايدى. ال بريتان پرەمەر-ءمينيسترى دەۆيد كەمەرون بولسا, شوتلانديانىڭ بولاشاعىنا قاتىستى بەلگىسىزدىك ەل ەكونوميكاسىنا نۇقسان كەلتىرەدى دەپ مالىمدەگەن.
«ياندەكستىڭ» اۆتورى ومىردەن ءوتتى
«ياندەكستىڭ» نەگىزىن قالاۋشىلاردىڭ ءبىرى – بەن كوۋل 88 جاسىندا ومىردەن ءوتتى.
ول سوناۋ 1993 جىلدىڭ وزىندە بوستوندا رەسەي مەن تمد ەلدەرىندەگى جوعارى تەحنولوگيالىق جوبالارعا ماماندانعان Cole Management ينۆەستيتسيالىق كومپانياسىنىڭ نەگىزىن قالاعان بولاتىن. ونىڭ باسشىلىعىمەن «ياندەكس» رەسەيدە ەڭ ءىرى ينتەرنەت-كومپانيالاردىڭ بىرىنە اينالدى. وسى اتتاس ىزدەستىرۋ جۇيەسى بۇگىندە وڭدەلگەن سۇراۋ سالۋلار سانى جونىنەن الەمدە بەسىنشى ورىن الادى.
قىزاناق ەڭ پايدالى تاعام
امەريكالىق عالىمدار جۇرگىزىلگەن زەرتتەۋلەرگە ارقا سۇيەي وتىرىپ, 2012 جىلعى ەڭ پايدالى ءونىمدى اتاعان.
ديەتولوگتاردىڭ پىكىرلەرى بويىنشا, بۇل ورايدا قۇرامىندا كوپتەگەن انتيوكسيدانتتار بار قىزاناق كوش باسىندا تۇرعان كورىنەدى. سول سياقتى توماتتىڭ قۇرامىندا گليۋكوزا مەن فرۋكتوزى, يود, ناتري, ماگني, مارگانەتس, تسينك جانە ا, ۆ, ۆ2, ۆ6, ك, رر, ە دارۋمەندەرى بار. ولار ادامعا كۇش بەرىپ, اعزانىڭ دۇرىس جۇمىس ىستەۋىنە جاردەمدەسەدى. ەكىنشى ورىندى ءتاتتى بۇرىش يەلەنسە, ءۇشىنشى ورىن جيدەكتەردىڭ ۇلەسىنە تيگەن.
ينتەرنەت ماتەريالدارى نەگىزىندە ازىرلەنگەن.
