دەنساۋلىق ساقتاۋ مينيسترلىگى, پەدياتريا جانە بالالار حيرۋرگياسى عىلىمي ورتالىعى, «پەدياترلار وداعى» قوعامدىق بىرلەستىگى مەن س.اسفەندياروۆ اتىنداعى قازۇمۋ-دىڭ بالالار اۋرۋلارى كافەدراسىنىڭ ۇيىمداستىرۋىمەن وتەتىن جيىرعا رەسەي, وزبەكستان, قىرعىز جانە ءوز ەلىمىزدىڭ 100-دەن استام زەرتتەۋ جۇمىسىمەن اينالىساتىن جاس پەدياترلار مەن بالالار حيرۋرگ-دارىگەرلەرى قاتىسادى.
حالىقارالىق دەڭگەيدەگى كونفەرەنتسيادا بالالارى اۋرۋلارىن ەمدەۋ مەن دياگنوستيكالاۋدىڭ زاماناۋي ادىستەرى, مەديتسينالىق كومەك بەرۋدى ۇيىمداستىرۋ اسپەكتىلەرى, سيرەك اۋرۋلاردى ەمدەۋ مەن دياگنوستيكالاۋدى جەتىلدىرۋ, ءتۇرلى حيرۋرگيالىق جانە سوماتيكالىق پاتولوگيالارى بار بالالاردى وڭالتۋ, پسيحولوگيالىق جانە مەديتسينالىق-الەۋمەتتىك بەيىمدەۋ, بالالار جاسىنداعى ينتەنسيۆتى تەراپيا مەن انەستەزيولوگيا, دياگنوستيكالاۋ مەن ەمدەۋ بارىسىندا قولدانىلاتىن زاماناۋي مەديتسينالىق تەحنولوگيالار ماسەلەلەرى تالقىلانىپ, عىلىمي جوبالار ۇسىنىلاتىن بولادى.
كونفەرەنتسيانىڭ اشىلۋ سالتاناتىندا قر دەنساۋلىق ساقتاۋ مينيسترلىگىنىڭ وكىلدەرى, ەلىمىزدىڭ جەتەكشى مەديتسينالىق جوعارى وقۋ ورىندارىنىڭ رەكتورلارى, مەديتسينا سالاسىنا ەڭبەك سىڭىرگەن قايراتكەرلەر جاس عالىمدار الدىندا العى ءسوز سويلەيدى.
كونفەرەنتسيا – جاس عالىمداردىڭ عىلىمي الەۋەتىن ارتتىرۋ, پەدياتريا جانە بالالار حيرۋرگياسى سالاسىنداعى وزەكتى ماسەلەلەردى كوتەرۋ, دامۋى مەن كەلەشەگىن سارالاۋ, جاس مامانداردى عىلىممەن اينالىسۋعا شاقىرۋ, دەنساۋلىق سالاسىنداعى مەملەكەتتىك باعدارلامالاردى ىسكە اسىرۋدا جاس دارىگەرلەردىڭ ءرولىن ارتتىرۋدى كوزدەيدى.
سونداي-اق عىلىمي كونفەرەنتسياعا ۇسىنىلعان باياندامالار ءۇش اتالىم بويىنشا انىقتالىپ, ماراپاتتالادى:
1. «ۇزدىك بايانداما» (3-ورىن);
2. «ۇزدىك ماقالا» (3-ورىن);
3. «ۇزدىك پوستەرلىك بايانداما» (3-ورىن).
كونفەرەنتسيا ماتەريالدارى «پەدياتريا جانە بالا حيرۋرگياسى» عىلىمي جۋرنالىندا جاريالاناتىن بولادى.
ايناش ەسالي,
«Egemen Qazaqstan»
الماتى
