ساقتانعاننىڭ قورعانىشى مىقتى
جۇما, 20 شىلدە 2012 7:27
جاز ايلارى ءتۇرلى جۇقپالى اۋرۋلارعا جول اشاتىن مەزگىل. وسى كەزدە, اسىرەسە, تىرىسقاق, بەزگەك سىندى دەرتتەردىڭ ءورشيتىنى بەلگىلى. ونىڭ سان ءتۇرلى سەبەبى بار دەسەك تە, ادامداردىڭ ءوز دەنساۋلىقتارىنا نەمقۇرايدىلىقپەن قاراۋى دا كوپ جاعدايدا وكىنىشكە ۇرىندىرىپ جاتادى. دەنساۋلىق ساقتاۋ مينيسترلىگىندە سانيتارلىق-ەپيدەميولوگيالىق قاداعالاۋ كوميتەتىنىڭ توراعاسى جانداربەك بەكشين وتكىزگەن بريفينگتە وسىنداي دا ويلار ايتىلدى.
جۇما, 20 شىلدە 2012 7:27
جاز ايلارى ءتۇرلى جۇقپالى اۋرۋلارعا جول اشاتىن مەزگىل. وسى كەزدە, اسىرەسە, تىرىسقاق, بەزگەك سىندى دەرتتەردىڭ ءورشيتىنى بەلگىلى. ونىڭ سان ءتۇرلى سەبەبى بار دەسەك تە, ادامداردىڭ ءوز دەنساۋلىقتارىنا نەمقۇرايدىلىقپەن قاراۋى دا كوپ جاعدايدا وكىنىشكە ۇرىندىرىپ جاتادى. دەنساۋلىق ساقتاۋ مينيسترلىگىندە سانيتارلىق-ەپيدەميولوگيالىق قاداعالاۋ كوميتەتىنىڭ توراعاسى جانداربەك بەكشين وتكىزگەن بريفينگتە وسىنداي دا ويلار ايتىلدى.
اعىمداعى جىلدىڭ ءبىرىنشى جارتىسىندا ەلىمىزدەگى سانيتارلىق-ەپيدەميولوگيالىق جاعداي تۇراقتى دەۋگە بولادى. تۇرعىنداردىڭ تىرىسقاق, ءىش سۇزەگى, پاراتيف, وبا, كۇيدىرگى, ديفتەريا, سىرەسپە, اۋسىل اۋرۋلارىمەن سىرقاتتانۋ جاعدايلارى تىركەلگەن جوق. ەسەسىنە تۋليارەميانىڭ, بەزگەكتىڭ, تريحەنەللەزدىڭ بىرەن-ساران جاعدايى بايقالدى, دەدى ج.بەكشين مىرزا.
ونىڭ ايتۋىنشا, وتكەن جىلعا قاراعاندا, بيىل ءجىتى ۆيرۋستىق گەپاتيتپەن سىرقاتتانۋشىلار 38,6 پايىزعا, ونىڭ ىشىندە ا ۆيرۋستىق گەپاتيتى 39,3 پايىزعا, ۆ ۆيرۋستىق گەپاتيتى 32,6 پايىزعا, قىزىلشا 39,5 پايىزعا, سارپ اۋرۋى 22,6 پايىزعا, تىنىس الۋ اعزالارىنىڭ تۋبەركۋلەزى 7,8 پايىزعا, سونداي-اق ۆيچ اۋرۋىنا شالدىققاندار 15,1 پايىزعا كەمىگەن.
ۇستىمىزدەگى جىلى ەلىمىزدىڭ جەتى وڭىرىندە ىشەك ينفەكتسياسىن جاپپاي جۇقتىرۋ فاكتىلەرى ورىن الدى. ءۇي جاعدايىندا جانە ءارتۇرلى مەرەكە-تويلار وتكىزۋ بارىسىندا قوعامدىق تاماقتاندىرۋ ورىندارىندا دايىندالعان تاماقتاردىڭ ساپاسىزدىعىنان بولعان مۇنداي جاعدايلار تۋرالى باق كەزىندە جازعان بولاتىن.
ەلىمىزدىڭ باس سانيتار دارىگەرى ءتۇرلى جۇقپالى اۋرۋلاردىڭ شەكارا اسىپ كەلەتىنىن دە جاسىرمادى. ويتكەنى, ەلىمىز وزگە ەلدەرمەن ساۋدا-ساتتىق جانە تۋريستىك بايلانىس ورناتقان اشىق مەملەكەتتەر قاتارىندا. اسىرەسە, رەسەي, تۇركيا, شري-لانكا, تايلاند سيياقتى مەملەكەتتەرمەن قارىم-قاتىناستا ساقتىق شارالارىن ۇمىتپاعان ءجون. ماسەلەن, بيىلدىڭ ءوزىندە رەسەيدە «ءسىبىر كۇيدىرگىسى», نەگىزگى وتانى تايلاند بوپ ەسەپتەلەتىن قىرىم-كونگو قاندى بەزگەگى وشاقتارى انىقتالدى. سونداي-اق, الىس-بەرىسىمىز ءبىرشاما ءتاۋىر ەلدەردىڭ قاتارىنداعى ءتۇركيادا قىزىلشا, بەزگەك, تىرىسقاق اۋرۋلارىن جۇقتىرۋ قاۋپى بار.
ايگۇل سەيىلوۆا,
«ەگەمەن قازاقستان».
