سپورت • 20 اقپان, 2019

الەكسەي لۋتسەنكو تاعى دا توپ جاردى

374 رەت
كورسەتىلدى
1 مين
وقۋ ءۇشىن

بۇل كۇندەرى ارابيا تۇبەگىندە ءوتىپ جاتقان «ومان تۋرىندا» «استانانىڭ» نامىسىن قورعاپ جۇرگەن قازاقستاندىق ۆەلوشاباندوز الەكسەي لۋتسەنكو كەرەمەت ونەر كورسەتۋدە.

الەكسەي لۋتسەنكو تاعى دا توپ جاردى

وسىعان دەيىن ايتۋلى جارىستىڭ ەكى كەزەڭىندە جەڭىمپازى اتانىپ, جالپى ەسەپتە كوش باستاپ كەلە جاتقان جەرلەسىمىز كەشەگى باسەكەدە نەبارى 12-ورىندى قاناعات تۇتقان ەدى. ال بۇگىن ول قايتا «قاھارىنا» ءمىنىپ, قاشىقتىعى 152 شاقىرىمدى قۇراعان بەسىنشى كەزەڭدە شاشاسىنا شاڭ جۇقتىرمادى. لۋتسەنكو ەكىنشى ورىن العان فرانتسيالىق فابەن گرەلەدەن جەتى سەكۋند وزدى. ءۇشىنشى ورىندا – يتاليالىق دومەنيكو پوتستسوۆيۆو.   

جالپى ەسەپتە الەكسەي لۋتسەنكو جەكە-دارا كوش باستاپ تۇر. ونىڭ كورسەتكىشى ­– 18:38:39. بۇگىنگى تابىسىنىڭ ارقاسىندا دومەنيكو پوتستسوۆيۆو ەكىنشى ورىنعا كوتەرىلدى. ول جەرلەسىمىزدەن 44 سەكۋند قالىپ كەلەدى. ءۇشىنشى ورىندا ­– يسپانيالىق حەسۋس ەررادا. 

 عالىم سۇلەيمەن,

«Egemen Qazaqstan»

سوڭعى جاڭالىقتار

قالا كوركىنە اينالماق ەكو-پارك

ەكولوگيا • بۇگىن, 13:23