وسى جارىستا جەرلەسىمىز 37 جاستاعى جەرگىلىكتى بوكسشى مايك گايمەن جۇدىرىقتاسادى. امەريكالىق سپورتشىنىڭ كاسىپقويلار اراسىندا كۇش سىناسىپ جۇرگەنىنە 10 جىل بولدى. سول ارالىقتا ول 13 كەزدەسۋ وتكىزىپ, 9 رەت جەڭىسكە جەتتى. 5 باسەكەنى مەرزىمىنەن بۇرىن اياقتادى. 3 رەت ۇتىلىپ, تاعى ءبىر جەكپە-جەكتە تەڭ ەسەپ تىركەلدى.
الماتى وبلىسىنىڭ تۋماسى ءالي احمەدوۆ 23 جاستا. ونىڭ كاسىپقوي رينگتە جۇرگەنىنە ءۇش جىلعا جۋىقتاپ قالدى. سول ارالىقتا 13 جەكپە-جەك وتكىزىپ, بارلىعىندا باسىمدىق تانىتتى. 10 كەزدەسۋدە قارسىلاستارىن ەسىنەن تاندىردى. تاياۋدا عانا ول WBC نۇسقاسى بويىنشا جاستار اراسىندا الەم چەمپيونى اتانعان بولاتىن. بۇل – ءاليدىڭ سۋپەر ورتا سالماقتاعى العاشقى ايقاسى.
عالىم سۇلەيمەن,
«Egemen Qazaqstan»
