«باقىتتى وتباسى» باعدارلاماسى اياسىندا از قامتىلعان وتباسىلار ءۇشىن ەكىنشى بالادان باستاپ بالاباقشالارعا تەگىن باراتىن بولادى», - دەدى ب.بايبەك بۇگىن حالىقپەن ەسەپتى كەزدەسۋ بارىسىندا.
بۇل رەتتە, اكىم اتاپ وتكەندەي, بۇل بىلتىرمەن سالىستىرعاندا مەمتاپسىرىستى 1,8 ملرد تەڭگەگە ارتتىرۋ ەسەبىنەن مۇمكىن بولدى.
«بارىمىزگە بەلگىلى, اتا-انالار بالاباقشالارداعى بالالاردىڭ تاماقتانۋىنا عانا 18 مىڭ تەڭگە تولەيدى, قالعان 27 مىڭ تەڭگەسىن مەملەكەت سۋبسيديالايدى. تەك بىلتىر عانا مەملەكەت تاپسىرىسى بويىنشا بالاباقشالارداعى 51 مىڭ ورىنعا 16 ملرد تەڭگە ءبولىندى. بيىل بۇل سوما 1,8 ملرد-قا كوپ», - دەپ اتاپ ءوتتى ب. بايبەك.
قالا اكىمى كەلتىرگەن اقپار بويىنشا, بۇگىندە از قامتىلعان وتباسىلاردان شىققان 14 مىڭ بالا مەكتەپتەردە ىستىق تاماق ىشەدى, 3475 بالا – مەكتەپ فورماسىن, 2333 بالا - قارجىلاي كومەك, 4050 بالا جازعى دەمالىس لاگەرلەرىنە جولداما الدى.
