«دوستىق كەرۋەنى»: استانادا كەزدەسكەنشە!..
بەيسەنبى, 17 مامىر 2012 7:53
وڭىرىمىزگە شىعىس قازاقستان وبلىستىق ءماسليحاتىنىڭ حاتشىسى گريگوري پينچۋك, جەرگىلىكتى قازاقستان حالقى اسسامبلەياسىنىڭ مۇشەلەرى: لەو شين, ەركىنبەك ايازباەۆ باستاعان «دوستىق كەرۋەنى» توبىنىڭ مۇشەلەرى كەلىپ, وبلىس ورتالىعىنداعى «دوستىق ۇيىندە» كەزدەسۋ وتكىزدى. ەكى وبلىس وكىلدەرى قاتىسقان بۇل جيىنعا وبلىس اكىمىنىڭ ورىنباسارى ارىن ورساريەۆ, وبلىستىق ءماسليحاتتىڭ حاتشىسى ماناپ كوبەنوۆ, ەتنومادەني بىرلەستىكتەردىڭ مۇشەلەرى قاتىستى.
بەيسەنبى, 17 مامىر 2012 7:53
وڭىرىمىزگە شىعىس قازاقستان وبلىستىق ءماسليحاتىنىڭ حاتشىسى گريگوري پينچۋك, جەرگىلىكتى قازاقستان حالقى اسسامبلەياسىنىڭ مۇشەلەرى: لەو شين, ەركىنبەك ايازباەۆ باستاعان «دوستىق كەرۋەنى» توبىنىڭ مۇشەلەرى كەلىپ, وبلىس ورتالىعىنداعى «دوستىق ۇيىندە» كەزدەسۋ وتكىزدى. ەكى وبلىس وكىلدەرى قاتىسقان بۇل جيىنعا وبلىس اكىمىنىڭ ورىنباسارى ارىن ورساريەۆ, وبلىستىق ءماسليحاتتىڭ حاتشىسى ماناپ كوبەنوۆ, ەتنومادەني بىرلەستىكتەردىڭ مۇشەلەرى قاتىستى.
قوناقتاردىڭ ايتۋىنشا, جالپى ەلىمىز بويىنشا وبلىستار اراسىندا العاش رەت «دوستىق ءۇيى» شىعىس قازاقستاندا, وسكەمەن قالاسىندا اشىلىپتى. بيىل ونىڭ قۇرىلعانىنا 20 جىل تولعان. «ءبىزدىڭ ەلىمىزدەگى ىنتىماق پەن بىرلىك, تۇراقتىلىق – ورتاق مۇددەمىز. تۇتاستىققا سىزات تۇسىرمەي ساقتاۋ ءۇشىن بارشامىزدىڭ ماقساتىمىز ءبىر جەردەن شىعۋى كەرەك», دەيدى «دوستىق كەرۋەنىنىڭ» مۇشەلەرى.
شىعىس قازاقستان وبلىسىندا بۇگىندە 9 دوستىق ءۇيى مەن 82 ەتنومادەني بىرلەستىك ءوز جۇمىسىن جۇرگىزۋدە. ۇلتارالىق تۇراقتىلىق پەن كەلىسىمدى ساقتاۋ جولىندا ايتۋلى شارالار جۇزەگە اسىرىلىپ كەلە جاتقان وڭىردەن كەلگەن دەلەگاتسيا ساپارىنىڭ ماقساتى – باسقا ءوڭىرلەردەگى ورتالىقتارمەن تاجىريبە الماسۋ, ارالاسىپ, بارىس-كەلىس جاساپ تۇرۋ.
– ءبىزدىڭ وڭىردە دە شىعىسقازاقستاندىقتار سياقتى تۇراقتىلىق پەن ىنتىماقتى نىعايتا ءتۇسۋ ماقساتىندا بىرقاتار يگىلىكتى ىستەر اتقارىلىپ جاتىر. ەلباسىنىڭ قازاقستان حالقى اسسامبلەياسىنىڭ ءحىح سەسسياسىندا العا قويعان مىندەتتەرى مەن ماقساتتارىن جۇزەگە اسىرۋدا بىرلەسكەنىمىز ابزال. وسى ورايدا, بۇگىنگى ەكى ءوڭىردىڭ وكىلدەرى ىنتىماقتاسىپ, جۇزدەسىپ وتىرۋى ايتۋلى شارا بولىپ تابىلادى, – دەدى وبلىس باسشىسىنىڭ ورىنباسارى ارىن ورساريەۆ.
پاۆلودار وبلىسىندا دا ەلىمىز بويىنشا تۇڭعىش رەت ۇلتتىق جاڭعىرۋ مەكتەبى قۇرىلىپ, وندا بۇگىندە جۇزدەگەن ءارتۇرلى ۇلت وكىلدەرى – شاكىرتتەر وقىپ ءبىلىم الۋدا. وتىرىس بارىسىندا ەكىجاقتى تاجىريبە الماسىپ, ىنتىماقتاسا جۇمىس جۇرگىزۋدىڭ ماڭىزدىلىعى ءسوز بولدى. «دوستىق كەرۋەنىنىڭ» ارى قاراي جالعاساتىندىعى دا ايتىلدى. شىعىس قازاقستان وبلىسى قازاقستان حالقى اسسامبلەياسىنىڭ اتقارۋشى حاتشىسى ەركىنبەك ايازباەۆ:
– ءبىز بۇگىن «دوستىق كەرۋەنىنىڭ» ەستافەتاسىن پاۆلودارلىقتارعا تابىستاپ وتىرمىز. ەندىگى كەزەكتە سىزدەر كەلەسى وڭىرلەرگە وسىناۋ تۇتاستىقتىڭ تۋىن جەلبىرەتىپ جەتكىزۋلەرىڭىز قاجەت. ءبىر ءۇيدىڭ بالالارىنداي بەرەكەلى, مەرەكەلى كۇن كەشۋىمىز ءۇشىن وسىنداي شارالار قاجەت. جىلى شىرايمەن قارسى العاندارىڭىزعا ريزامىز, – دەدى.
شىعىس قازاقستان وبلىسىنىڭ قحا وكىلدەرى «دوستىقتىڭ جول كارتاسى» اكتسياسىن وتكىزۋ, سونداي-اق ۇلتارالىق قارىم-قاتىناستى نىعايتۋ بويىنشا ەتنومادەني بىرلەستىكتەردىڭ جۇمىسىن جانداندىرۋ, وڭىرلەردىڭ ەتنومادەني بىرلەستىكتەرىمەن بايلانىس ورناتۋ, شىعارماشىلىق ۇجىمدارى مەن حالىق ونەرىنىڭ شەبەرلەرىن تانىتۋ جايلى اڭگىمەلەپ بەردى.سونىمەن قاتار, «دوستىقتىڭ جول كارتاسى» باعدارلاماسى اياسىندا دوڭگەلەك ۇستەلدەر, ءباسپاسوز ءماسليحاتى, شىعارماشىلىق جانە قولدانبالى ونەر كورمەسى, گالا-كونتسەرتتەر ۇيىمداستىرىلاتىن بولادى.
ءبىزدىڭ وبلىسقا دەيىنگى جولدى شىعىسقازاقستاندىقتاردىڭ «دوستىق كەرۋەنى» وبلىستاعى 9 «دوستىق ءۇيىنىڭ» ەڭ جاسى بولىپ سانالاتىن دەگەلەڭ دالاسىندا ورنالاسقان كۋرچاتوۆ قالاسىنداعى «دوستىق ۇيىندە» 24 ساۋىردە باستاعان ەكەن. كەرۋەن استانا قالاسىنىڭ تۋعان كۇنىندە ەلىمىزدىڭ بارلىق ەتنومادەني ۇيىمدارى وكىلدەرىنىڭ باس قوسۋىمەن اياقتالادى», دەدى وسكەمەندەگى «دوستىق ءۇيىنىڭ» ديرەكتورى ەلدار تولەۋبەكوۆ.
كەزدەسۋ سوڭى ەستاي اقىن اتىنداعى قالالىق مادەنيەت سارايىندا شىعىس قازاقستان وبلىستىق «دوستىق ءۇيى» ونەرپازدارىنىڭ كونتسەرتىنە ۇلاستى. كورشى ءوڭىردىڭ تىنىس-تىرشىلىگىن كورسەتەتىن كوشپەلى كورمە اشىلدى. ەندىگى «دوستىق كەرۋەن» جولىن پاۆلودارلىقتار قاراعاندىعا جەتكىزەدى.
فاريدا بىقاي,
«ەگەمەن قازاقستان».
پاۆلودار.
