ساردارلاردىڭ التىن ۇياسى
سەنبى, 5 مامىر 2012 8:28
بۇگىنگى تاڭدا ۇلتتىق قورعانىس ۋنيۆەرسيتەتىندە قورعانىس مينيسترلىگى, ۇلتتىق قاۋىپسىزدىك كوميتەتىنىڭ شەكارا قىزمەتى, ىشكى ىستەر مينيسترلىگىنىڭ ىشكى ءاسكەرلەرى, رەسپۋبليكالىق ۇلان ساردارلارى جانە ۇجىمدىق قاۋىپسىزدىك كەلىسىم ۇيىمىنا كىرەتىن قىرعىزستاننان 7, تاجىكستاننان 11 وفيتسەر ءبىلىم الۋدا. ۋنيۆەرسيتەتتە تىڭداۋشىلارعا بارلىق قولايلى جاعدايلار جاسالعان. وقۋ زالىنداعى كىتاپ قورىنىڭ ءوزى 57 مىڭ دانانى قۇرايتىنى, وندا ەلەكتروندى كىتاپحانا ۇيىمداستىرىلعانى عىلىمي الەۋەتتىڭ جىل ساناپ قۋاتتانىپ كەلە جاتقاندىعىن بىلدىرەدى.
سەنبى, 5 مامىر 2012 8:28
بۇگىنگى تاڭدا ۇلتتىق قورعانىس ۋنيۆەرسيتەتىندە قورعانىس مينيسترلىگى, ۇلتتىق قاۋىپسىزدىك كوميتەتىنىڭ شەكارا قىزمەتى, ىشكى ىستەر مينيسترلىگىنىڭ ىشكى ءاسكەرلەرى, رەسپۋبليكالىق ۇلان ساردارلارى جانە ۇجىمدىق قاۋىپسىزدىك كەلىسىم ۇيىمىنا كىرەتىن قىرعىزستاننان 7, تاجىكستاننان 11 وفيتسەر ءبىلىم الۋدا. ۋنيۆەرسيتەتتە تىڭداۋشىلارعا بارلىق قولايلى جاعدايلار جاسالعان. وقۋ زالىنداعى كىتاپ قورىنىڭ ءوزى 57 مىڭ دانانى قۇرايتىنى, وندا ەلەكتروندى كىتاپحانا ۇيىمداستىرىلعانى عىلىمي الەۋەتتىڭ جىل ساناپ قۋاتتانىپ كەلە جاتقاندىعىن بىلدىرەدى.
بيىلعى جىلدىڭ اقپان ايىندا ۇلتتىق قورعانىس ۋنيۆەرسيتەتىنىڭ قۇرىلعانىنا 15 جىل تولدى. وسى جىلدار ىشىندە ورتالىق ازياداعى بىرەگەي وقۋ ورنىنىڭ ۇجىمى كوپتەگەن ايتۋلى جەتىستىكتەرگە قول جەتكىزگەنى انىق. مۇنى 34 وفيتسەرىمىزدىڭ ۋنيۆەرسيتەتتى ۇزدىك باعامەن بىتىرگەنىمەن دالەلدەي الامىز. وسى جىلدار ارالىعىندا ۋنيۆەرسيتەتتى بىتىرگەن 9 ادام گەنەرال اتاعىن الدى. كونتر-ادميرال جانداربەك جانۇزاقوۆ ەلىمىزدىڭ اسكەري-تەڭىز كۇشتەرىنىڭ باس قولباسشىسى, گەنەرال-مايور تالعات قويباقوۆ «وڭتۇستىك» ايماقتىق اسكەرلەرىنىڭ باسقارۋشىسى, گەنەرال-مايور اسحات رىسپاەۆ قر قۇرىلىقتاعى اسكەرلەر ينستيتۋتىنىڭ باستىعى بولسا, داۋلەت وسپانوۆ پەن ەركىن بوتاقانوۆ اەروۇتقىر جانە ىشكى اسكەرلەر باستىقتارىنىڭ ءبىرىنشى ورىنباسارلارى قىزمەتتەرىن اتقارۋدا. سونداي-اق, ۋنيۆەرسيتەتتە ءار جىلداردا ەسىمدەرى ەلگە بەلگىلى گەنەرال-لەيتەنانتتار باقىتجان ەرتاەۆ, بولات جاناساەۆ, اباي تاسبولاتوۆتاردىڭ باسقارعانىن ايتا كەتۋگە ءتيىسپىز. بيىل ءى كۋرستا قازاقستاننىڭ حالىق قاھارمانى كاپيتان ازامات جۇمادىلوۆ وقىپ جاتىر.
2006 جىلدان باستاپ حالىقارالىق ءبىلىم بەرۋ ستاندارتتارىنا سايكەس ۇلتتىق قورعانىس ۋنيۆەرسيتەتى قازاقستاننىڭ ءاسكەري ءبىلىم بەرۋ جۇيەسىندە العاشقىلاردىڭ ءبىرى بولىپ نەسيەلىك ءبىلىم بەرۋ جۇيەسىنە كوشىپ, ءبىلىم بەرۋ باعدارلاماسىن جانە زەرتتەۋ جۇمىسىن تابىستى يگەرگەن تۇلەكتەرىنە «ماگيستر» اكادەميالىق دارەجەسىن بەرە باستادى.
2008 جىل ۇلتتىق قورعانىس ۋنيۆەرسيتەتى ءۇشىن ماڭىزدى بولىپ ەسەپتەلەدى, سەبەبى وسى جىلى قازاقستان رەسپۋبليكاسى ءبىلىم جانە عىلىم ءمينيسترلىگىنىڭ شەشىمىمەن ۋنيۆەرسيتەت جانىنان العاش رەت حالىقارالىق دارەجەسى بار دوكتورلىق ديسسەرتاتسيالىق كەڭەس قۇرىلدى. ونىڭ قۇرامىنا ۇجىمدىق قاۋىپسىزدىك ۇيىمىنا مۇشە ءۇش مەملەكەتتىڭ 18 عىلىم دوكتورى ەنگەن. سونىمەن قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرامالارىنىڭ اسكەري قىزمەتكەرلەرى ءۇشىن عىلىم دوكتورى جانە عىلىم كانديداتى عىلىمي دارەجەگە يە بولۋ ءۇشىن دوكتورلىق جانە كانديداتتىق ديسسەرتاتسيالاردى قورعاۋ مۇمكىندىگى تۋدى. ناتيجەسىندە, 2008-2010 جىلدار ارالىعىندا ۇلتتىق قورعانىس ۋنيۆەرسيتەتى جانىنداعى دوكتورلىق ديسسەرتاتسيالىق كەڭەستە 6 دوكتورلىق جانە 23 كانديداتتىق ديسسەرتاتسيالار تابىستى قورعالدى.
2011 جىلدىڭ 1 قىركۇيەگى – ءبىلىم كۇنى – قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ سالتاناتتى تۇردە اسكەري جانە مەملەكەتتىك باسقارۋ فاكۋلتەتىن, دوكتورانتۋرانى جانە قر ءىىم ىشكى ءاسكەرلەر فاكۋلتەتىن اشتى. ءسويتىپ, ورتالىق ازيا اۋماعىندا جوعارىدان كەيىنگى كاسىبي اسكەري ءبىلىم بەرۋ باعدارلاماسى بويىنشا ماگيستراتۋرادا جانە دوكتورانتۋرادا اسكەري, عىلىمي جانە پەداگوگيكالىق كادرلاردى دايىندايتىن بىردەن-ءبىر اسكەري وقۋ ورنىنىڭ جاڭا تاريحي بەتى اشىلدى.
داستان كەنجالين,
اقمولا وبلىسى,
بۋراباي كەنتى.
