«ەلىمنىڭ ايبىنى بولعىم كەلەدى»
جۇما, 4 مامىر 2012 8:26
اكتسياعا قاتىسقان ءار جاستىڭ جۇرەگىنە وسىنداي وي ۇيالادى
رەسپۋبليكالىق «بولاشاق بۇگىننەن باستالادى» اكتسياسىنىڭ اياسىندا قىزىقتى ءىس-شارالار جالعاسىن تاۋىپ وتىر. جاقىندا قوستاناي قالاسىندا «مەن اسكەرگە شاقىرىلدىم» شاراسى ءوتتى. وعان وبلىس ورتالىعىنداعى مەكتەپتەردىڭ جوعارى سىنىپ وقۋشىلارى مەن كوللەدجدەر ستۋدەنتتەرى, اسكەري-پاتريوتتىق كلۋبتار مۇشەلەرى قاتىستى.
جۇما, 4 مامىر 2012 8:26
اكتسياعا قاتىسقان ءار جاستىڭ جۇرەگىنە وسىنداي وي ۇيالادى
رەسپۋبليكالىق «بولاشاق بۇگىننەن باستالادى» اكتسياسىنىڭ اياسىندا قىزىقتى ءىس-شارالار جالعاسىن تاۋىپ وتىر. جاقىندا قوستاناي قالاسىندا «مەن اسكەرگە شاقىرىلدىم» شاراسى ءوتتى. وعان وبلىس ورتالىعىنداعى مەكتەپتەردىڭ جوعارى سىنىپ وقۋشىلارى مەن كوللەدجدەر ستۋدەنتتەرى, اسكەري-پاتريوتتىق كلۋبتار مۇشەلەرى قاتىستى.
جاستار الدىمەن قوستاناي قالالىق قورعانىس ىستەرى ءجونىندەگى باسقارماسىندا بولىپ, ونىڭ جۇمىسىمەن تانىستى. باسقارما باستىعى وركەن وتەباسوۆ ولارعا جاستاردى اسكەرگە شاقىرۋ ناۋقانىنداعى جۇمىستار جونىندە ايتىپ بەردى. ول شارت جاساسۋ مەن سالاعا ەنگىزىلەتىن تىڭ جاڭالىقتاردى دا ورتاعا سالدى.
اسكەر قاتارىنا كوكتەمگى شاقىرۋ جۇمىستارى ءساۋىر ايىندا باستالدى. بيىل اقتاۋ قالاسىنداعى ەلىمىزدىڭ اسكەري تەڭىز فلوتىنا وبلىستان العاش رەت 25 جاۋىنگەر اتتاندىرىلدى. بۇرىن قوستاناي وڭىرىنەن قورعانىس سالاسىنداعى مۇنداي باعىتقا سۇرانىس از بولاتىن. وبلىستا اسكەري ماماندىققا جاستاردى باۋلۋ جۇمىستارى دا جەمىستى جۇرگىزىلىپ كەلەدى. شاراعا جينالعان جاستاردىڭ ءاسكەري جوعارى وقۋ ورىندارىنا ءتۇسۋ ءۇشىن قانداي تالاپتار قويىلاتىندىعى تۋرالى ساۋالدارىنا دا ماماندار جاۋاپ بەردى.
جاستار وسى كەزدەسۋدە ءىىى دارەجەلى «ايبىن» وردەنىنىڭ يەگەرى سامات تۇرماعانبەتوۆپەن ەركىن اڭگىمەلەستى. بۇگىندە قوستاناي قالالىق قورعانىس ىستەرى جونىندەگى باسقارما كەلىسىم-شارتپەن قىزمەت ەتەتىن اسكەري قىزمەتكەرلەردى جيناۋ ءبولىمىنىڭ باستىعى لاۋازىمىنداعى س.تۇرماعانبەتوۆتى ارىپتەستەرى ەلدىڭ ناعىز پاتريوتى دەپ بىلەدى. ول دا بۇگىنگى جاستارداي وتان الدىنداعى اسكەري بورىشىن وتەۋگە قوستاناي اۋدانىنان اتتانعان بولاتىن. قاپشاعاي قالاسىنداعى اسكەري ءبولىمشەدەگى ينجەنەرلىك ساپەر بريگاداسىندا التى اي دايىندىقتان ءوتتى. بىلىكتى ماماندى قاراعاندى وبلىسىنىڭ بالقاش قالاسىنداعى ارتيللەريالىق قويمادان ءورت شىققاندا وق-دارىلەردى زالالسىزداندىرۋ ءۇشىن جەدەل سوندا جىبەرىلدى.
– 2001 جىلى سول جەردەگى قويمادا ءورت شىعىپ, وق-دارىلەر جارىلدى. وت ءتيىپ ۇلگەرمەگەن وق-دارىلەردى ءبىز زالالسىزداندىردىق, – دەدى س.تۇرماعانبەتوۆ بولاشاق ساربازداردىڭ الدىندا. سول جولى ول مىڭنان استام وقتى جارىلۋعا جەتكىزبەي جىلدامدىقپەن زالالسىزداندىرىپ ۇلگەرگەن ەدى. ونىڭ توبى ورتەنىپ جاتقان قىزىل وتتىڭ ىشىندە ەرجۇرەكتىك تانىتتى. مۇنى سامات ەرلىك ەمەس, وتان الدىنداعى پارىزىمىز دەپ بىلەدى. ەرلىك ءىسى مەملەكەتتىك ناگرادامەن اتالىپ وتكەن ساربازعا سول جولى اسكەر قاتارىندا قالىپ, كەلىسىم-شارت بويىنشا قىزمەت ىستەۋ ۇسىنىلدى. ول ءبۇگىنگى كۇنى اسكەري قىزمەتتە تابىستى ەڭبەك ەتىپ كەلەدى.
جاستار №6697 اسكەري ءبولىمشەسىنە كەلىپ, ساربازدار ءومىرىمەن تانىستى. ولار كينولوگتار ۇيرەتكەن يتتەرمەن جۇرگىزىلەتىن جۇمىستاردى تاماشالادى. سونداي-اق, بولاشاق ساربازدار اسكەري بولىمشەدەگى بۇگىنگى قولدانىستاعى اسكەري تەحنيكالار مەن قارۋ-جاراق تۇرلەرىمەن تانىستى. ولاردىڭ نازارىنا ءتۇرلى قورعانىس كورىنىستەرى ۇسىنىلدى.
شاراعا قاتىسقان اۆتوموبيل جولدارى كوللەدجىنىڭ ستۋدەنتى زاكىر سايدۋللاەۆ – قالاداعى «قايسار» اسكەري-پاتريوتتىق كلۋبىنىڭ بەلسەندى ءمۇشەسى. ول وقۋىن بىتىرگەن سوڭ, وتان الدىنداعى اسكەري بورىشىن وتەپ, ودان ءارى اسكەري قىزمەتكەر بولۋدى ارماندايدى.
– مەن بۇگىن كوڭىلىمە كوپ نارسە ءتۇيدىم. ءبىز ساربازداردىڭ پارادقا دايىندىعىن دا قارادىق. ءبىزدىڭ كلۋب تا پارادقا دايىندىق ۇستىندە. مۇنداي شارا جاستاردىڭ اراسىندا ءجيى وتكىزىلۋى ءتيىس. ويتكەنى, جىگىتتەردىڭ بارلىعى دا وتان الدىنداعى اسكەري بورىشىن وتەۋگە قازىردەن دايىن بولۋى كەرەك, – دەيدى ز.سەيدۋللاەۆ.
«بولاشاق بۇگىننەن باستالادى» اكتسياسى مۇنىمەن شەكتەلىپ قالعان جوق, ونىڭ شەڭبەرىندە قوستاناي قالاسىنىڭ ىرگەسىندەگى زاتوبول كەنتىندەگى ستاديوندا ۇلكەن شارا ءوتتى. ستاديوندا قوستانايدىڭ «توبىل» فۋتبول كومانداسى مەن قىزىلوردالىق «قايسار» كەزدەسكەن بولاتىن.
– ۇلى وتان سوعىسى ارداگەرلەرىن ماڭگى ەستە ۇستاۋ كەرەكتىگىن ستاديونعا جينالعان جانكۇيەرلەر مەن سپورتشىلاردىڭ ەسىنە سالعىمىز كەلدى. ويتكەنى, ولار ىستەگەن ەرلىك ەشقاشان ۇمىتىلۋعا ءتيىس ەمەس, – دەيدى وسى شارانى ۇيىمداستىرعان بالالار مەن جاستار ۇيىمدارى قاۋىمداستىعىنىڭ ءتورايىمى گ.قاپەنوۆا.
ءنازيرا جارىمبەتوۆا,
قوستاناي.
