بيىل «نۇرلى جەر» باعدارلاماسى شەڭبەرىندە تۇرمىسى تومەن 100 وتباسىعا باسپانا ساتىپ الۋ قۇقىعىنسىز جالعا بەرىلمەك. بىلتىر ااتالعان جوبا ارقىلى 260 سولتۇستىكقازاقستاندىققا پاتەردىڭ كىلتى تابىس ەتىلگەن بولاتىن. سولاردىڭ ءبىرى كوپبالالى انا بارحات ناعىمەتوۆا باسپانا كەزەگىنە 12 جىل بويى تۇرىپ كەلگەن. كەڭ دە جارىق 3 بولمەلى ۇيگە قول جەتكىزىلگەلى تۇرمىسى تۇزەلىپ, جاعدايى جاقسارىپ قالىپتى.
باسپانالار بەلگىلى ءبىر ءتارتىپ بويىنشا ۇلەستىرىلەتىن بولادى. پەتروپاۆل قالاسى تۇرعىن ءۇي-كوممۋنالدىق شارۋاشىلىق ءبولىمى كوممۋنالدىق جانە يپوتەكالىق تۇرعىن ءۇيدى ەسەپكە الۋ جانە ءبولۋ سەكتورى مەڭگەرۋشىسىنىڭ مىندەتىن اتقارۋشى ەلميرا سماعۇلوۆانىڭ ايتۋىنشا, ءبىرىنشى كەزەكتە ۇوس ارداگەرلەرىنە, جەتىم بالالارعا جانە وزگە ەل اۋماعىندا اسكەري ءىس-ارەكەتتەرگە قاتىسقان جاندارعا بەرىلەدى. ودان كەيىن 9 ساناتتان تۇراتىن حالىقتىڭ الەۋمەتتىك ءالجۋاز توبى ءۇمىت ارتا الادى. ياعني, ۇيلەر تولىق ەمەس وتباسى مۇشەلەرىنە, كوپبالالى وتباسىلارعا, زەينەتكەرلەرگە, مۇگەدەكتەرگە, ورالماندارعا ۇلەستىرىلەدى.
ايتا كەتكەن ءجون, وتباسى تۇگەلىمەنباسقا جاققا كوشەتىن بولسا ءۇي قايتارىلىپ الىنادى. ءسويتىپ, نىسان جالپى كەزەكتەگى كەلەسى جانعا بەرىلەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
