مەن بىلەتىن بولات
سەنبى, 28 ءساۋىر 2012 1:20
«الىپ انادان تۋادى», دەگەن جاقسى ءبىر ناقىل ءسوز بار. قازاق حالقى اقىنعا دا, باتىرعا دا, داناعا دا, كوسەمگە دە كەندە ەمەس. تۋعان ەلىنىڭ باعىنا تۋىپ, بۇكىل ءومىرىن سول جولعا ارناعان اتاقتى ادامدار قانشاما؟! ولار تۋرالى ايتىلىپ تا, جازىلىپ تا ءجۇر. حالىق جۇرەگىنەن ورىن العان مۇنداي جاندار قاشاندا قۇرمەتكە لايىق. مەنىڭ ايتپاعىم, قاراپايىم قازاقتىڭ قارا شاڭىراعىندا دۇنيەگە كەلىپ, جاستايىنان كوپتىڭ اۋزىنا ىلىككەن, قاتارداعى جاۋىنگەردەن گەنەرال-لەيتەنانت دارەجەسىنە دەيىن جەتكەن اسكەري ارىپتەسىمىز ءارى دوسىمىز بولات باقىتجان ۇلى جاناساەۆ تۋرالى بولىپ وتىر.
سەنبى, 28 ءساۋىر 2012 1:20
«الىپ انادان تۋادى», دەگەن جاقسى ءبىر ناقىل ءسوز بار. قازاق حالقى اقىنعا دا, باتىرعا دا, داناعا دا, كوسەمگە دە كەندە ەمەس. تۋعان ەلىنىڭ باعىنا تۋىپ, بۇكىل ءومىرىن سول جولعا ارناعان اتاقتى ادامدار قانشاما؟! ولار تۋرالى ايتىلىپ تا, جازىلىپ تا ءجۇر. حالىق جۇرەگىنەن ورىن العان مۇنداي جاندار قاشاندا قۇرمەتكە لايىق. مەنىڭ ايتپاعىم, قاراپايىم قازاقتىڭ قارا شاڭىراعىندا دۇنيەگە كەلىپ, جاستايىنان كوپتىڭ اۋزىنا ىلىككەن, قاتارداعى جاۋىنگەردەن گەنەرال-لەيتەنانت دارەجەسىنە دەيىن جەتكەن اسكەري ارىپتەسىمىز ءارى دوسىمىز بولات باقىتجان ۇلى جاناساەۆ تۋرالى بولىپ وتىر.
جاستىقتىڭ وتىن جالىنداتىپ, ۇنەمى ىزدەنىس پەن العا ۇمتىلعان گەنەرالدىڭ ءومىر جولى كىمگە دە بولسىن ۇلگى-ونەگە. ول الدىنا قويعان ماقساتىنا جەتۋ ءۇشىن پوليتەحنيكالىق ينستيتۋتتىڭ ءىىى كۋرسىندا ءجۇرگەن كەزىندە وقۋدى تاستاپ, قيىنشىلىقتارعا قاراماستان, ءاسكەري ۋچيليششەگە ءتۇسىپ, اسكەري سالاعا بەت بۇردى. بۇل – سول كەزدەگى ءاربىر جاستىڭ تاۋەكەلگە بەل بۋىپ بارا بەرمەيتىن ەرەكشەلىكتەرىنىڭ ءبىرى. ول كەزدە ءاسكەر اتانۋ, اسكەري سالانى باتىل مەڭگەرۋ – كوپتەگەن جاستاردىڭ ارمانى ەدى. ءسويتىپ, بويداعى ەرىك-جىگەر جاس جىگىتتى وسىنداي اسۋ-بەلەستەردى باعىندىرۋ ءۇشىن العا ۇمتىلدىردى. اقىرى مۇنداي جىگەرلىلىك ونىڭ بويىندا كومانديرلىك قاسيەتتى قالىپتاستىردى. ۋاقىت وتە كەلە ەڭ جاس باسشىلاردىڭ ءبىرى اتانىپ ەل اۋزىنا ىلىكتى, كوپ ۇزاماي گەنەرال دارەجەسىنە جەتتى.
ءالى ەسىمدە جاسىنداي جارقىلداعان بولاتتىڭ بويىنداعى ەلدى سوڭىنا ەرتە بىلەتىن كومانديرلىك قاسيەتتى سوناۋ 70-جىلداردا ءبىلدىم. كەڭەس وكىمەتىنىڭ دۇركىرەپ تۇرعان كەزەڭدەرىندە ءبىز وقىعان ۋچيليششەگە سول كەزدەگى قازاقستان كومپارتياسى ورتالىق كوميتەتىنىڭ ءبىرىنشى حاتشىسى دىنمۇحاممەد احمەت ۇلى قوناەۆ كەلىپ, ۋچيليششە كۋرسانتتارىمەن كەزدەسىپ, جاۋىنگەر كۋرسانتتاردىڭ تۇرمىس-ءتىرشىلىگىمەن جان-جاقتى تانىستى. پىكىر الماستى, قوردالانعان ءماسەلەلەردى وزىنە ءتۇرتىپ الدى. ءسوزىن قورىتىندىلاپ كەتۋگە وقتالا بەرە: «قانە, كىمدە قانداي سۇراق بار؟ – دەپ زالعا كوز جۇگىرتتى. ءدال سونى كۇتكەندەي: «مەندە ساۋال بار ەدى», دەگەن اشىق داۋىس ساڭق ەتە قالدى. سويتكەن جاس كۋرسانت جاناساەۆ اتى دارداي ۋچيليششەنىڭ مادەنيەت سارايى جوق ەكەنىن جانە دە ۋچيليششەدە وقيتىن تالانتتى جاستاردىڭ ساباقتان بوس ۋاقىتتا ءبىر باس قوساتىن ورىنعا ءزارۋ ەكەنىن ايتتى.
وسىلايشا زالدا وتىرعان كۋرسانتتاردى وزىنە باۋراپ العان بولاتتىڭ ءوتىنىشى دەرەۋ قولعا الىنىپ, ۋچيليششەگە ءزاۋلىم ءمادەنيەت سارايى تەز ارادا تۇرعىزىلدى. ءوزىنىڭ تالاپشىلدىعى مەن ىسكەرلىگىن كورسەتە بىلگەن بولات دارالانا ءتۇستى.
اسكەري بورىشىن وتەۋ – ءاربىر ازاماتتىڭ وتان الدىنداعى پارىزى. مۇنى جەتىك تۇسىنەتىن بولات جاناساەۆتىڭ ءومىر جولى ادام مەن تۇلعا قالىپتاسۋىنىڭ ونەگەلى كورىنىسى بولىپ تابىلادى. جاستايىنان اسكەري ءومىردىڭ قىر-سىرىن مەڭگەرگەن بولات ۋچيليششەدەن سوڭ جاس لەيتەنانت شەنىندە اسكەري ءومىرىن گەرمانياداعى كەڭەس اسكەري توبىندا قىزمەت ەتۋدەن باستادى. ودان 1987 جىلى ماسكەۋدەگى م.ۆ.فرۋنزە اتىنداعى اسكەري اكادەميانى دا ويداعىداي ءبىتىرىپ شىقتى. ءبىر ورىندا تۇراقتاپ قالماي ۇنەمى ءبىلىمىن جەتىلدىرۋدى اڭسايتىن جاس تالاپ 2008 جىلى ماسكەۋدەگى رەسەي فەدەراتسياسى قارۋلى كۇشتەرى باس شتابى اسكەري اكادەمياسىن دا ۇزدىك ءبىتىردى. بۇل اسكەري سالادا قىزمەت اتقاراتىن كەز كەلگەن وفيتسەردىڭ اڭسايتىن ارمانى. دەمەك, بولات باقىتجان ۇلىنىڭ اسكەري قىزمەتىن سارالاي كەلە, ۆزۆود كومانديرىنەن قازاقستان رەسپۋبليكاسى قورعانىس مينيسترىنىڭ ورىنباسارىنا, لەيتەنانتتان – گەنەرال-لەيتەنانتقا دەيىن ءوسۋ كىمگە دە بولسا ونەگە. وسىنىڭ بارلىعى بولاتتىڭ تەمىردەي ءتارتىپكە باس ءيىپ, اسكەري جارعىلاردى بۇلجىتپاي ورىنداۋى جاقسى ازامات بولىپ قالىپتاسۋىنا كومەگىن تيگىزدى. كەڭەس وكىمەتى تۇسىنداعى قيىن كەزەڭدە ىشكى اسكەر پولك شتابىن باسقارىپ, فەرعانا وبلىسىندا بولعان جاپپاي كەلەڭسىزدىكتەردى بولدىرماۋدا قوعامدىق ءتارتىپتى ورناتۋعا بارىنشا اتسالىستى. وسىنداي قىم-قۋىت اسكەري ءومىرمەن عىلىمدى شەبەر ۇيىمداستىرعان بولات كانديداتتىق ديسسەرتاتسياسىن قورعادى. بۇنىڭ ءبارى ونىڭ ءوزىن-ءوزى جەتىلدىرىپ, ۇنەمى ىزدەنۋدە ءجۇرەتىندىگىن كورسەتتى.
اسكەري ءومىر ەر-جىگىتتى پاتريوتتىققا تاربيەلەپ, جاس كۇنىنەن باستاپ, حالىق الدىنداعى مىندەتىن سەزىنۋگە ءمۇمكىندىك بەردى. ول اتاق-داڭققا, باسقا دا ماراپاتقا دا كەندە ەمەس. بولاتتىڭ بارىنشا قاراپايىمدىلىعىمەن كورەگەندىلىگى, ادامي قاسيەتىمەن ءبىردەن ادامدى باۋراپ الۋى, پاراساتتى تۇلعاسىن بيىكتەتكەن ۇستىنە بيىكتەتە تۇسەدى.
اباي تاسبولاتوۆ, پارلامەنت ءماجىلىسىنىڭ دەپۋتاتى, گەنەرال-لەيتەنانت.
