تاعدىر سىيلاعان قۋانىش
بەيسەنبى, 26 ءساۋىر 2012 7:19
مەن وتكەنى ەرتەگى, ەرتەڭى ەڭسەلى قازاقستاندا, الەم تامسانعان استانامىزعا ىرگەلەس شورتاندىنىڭ نوۆوكۋبانكا اۋىلىندا تۋىپ-وسكەنىمە قۋانامىن. اۋىلىمىزداعى جيىرمادان استام ۇلت پەن ۇلىس وكىلدەرى تاتۋ-ءتاتتى تۇرمىس كەشىپ, ادال ەڭبەكتەرىمەن ابىرويىمىزدى اسىرۋدا. سوناۋ بالتىق جاعالاۋىن مەكەندەگەن اكەم ارتۋرس سەكسەنىنشى جىلدارى وسىندا قونىس اۋدارعان ەكەن. قاراپايىم ءماشينە جۇرگىزۋشى. ەشقاشان جامان اتىن ەستىمەگەنبىز. اعام ارتەم ەكەۋمىزدىڭ عانا ەمەس, بۇكىل اۋىلدىڭ سىيلىسى دەسە بولارلىقتاي. انامىز ەرتە قايتىس بولعانىمەن, ەل ىشىندە جەتىمدىك كورگەن جوقپىز.
بەيسەنبى, 26 ءساۋىر 2012 7:19
مەن وتكەنى ەرتەگى, ەرتەڭى ەڭسەلى قازاقستاندا, الەم تامسانعان استانامىزعا ىرگەلەس شورتاندىنىڭ نوۆوكۋبانكا اۋىلىندا تۋىپ-وسكەنىمە قۋانامىن. اۋىلىمىزداعى جيىرمادان استام ۇلت پەن ۇلىس وكىلدەرى تاتۋ-ءتاتتى تۇرمىس كەشىپ, ادال ەڭبەكتەرىمەن ابىرويىمىزدى اسىرۋدا. سوناۋ بالتىق جاعالاۋىن مەكەندەگەن اكەم ارتۋرس سەكسەنىنشى جىلدارى وسىندا قونىس اۋدارعان ەكەن. قاراپايىم ءماشينە جۇرگىزۋشى. ەشقاشان جامان اتىن ەستىمەگەنبىز. اعام ارتەم ەكەۋمىزدىڭ عانا ەمەس, بۇكىل اۋىلدىڭ سىيلىسى دەسە بولارلىقتاي. انامىز ەرتە قايتىس بولعانىمەن, ەل ىشىندە جەتىمدىك كورگەن جوقپىز.
قاراپايىم تسىگان بالاسىنىڭ باقىتتى عۇمىرى قازاقستان تاۋەلسىزدىگىمەن تىعىز بايلانىستى دەگىم كەلەدى. 1991 جىلدىڭ 16 جەلتوقسانىندا دۇنيەگە كەلگەنىمدى ماقتان ەتەمىن, بىراق وزگە قۇربى-قۇرداستارىمنان ەشقانداي ەرەكشەلىگىم جوق. قايتا موينىمداعى جاۋاپكەرشىلىك باسقالارعا قاراعاندا سالماقتىراق ەكەنىن سەزىنەمىن. بۇل ەلدە تاۋەلسىزدىككە قاتىستى قۇندىلىقتار ايرىقشا قاستەرلەنەدى. مەن 10 جاسقا تولعان كۇنىمدە قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ شاقىرۋىمەن استاناداعى سالتاناتتى قابىلداۋدا بولدىم. ەلباسىنىڭ قولىنان ەلەكتروندى ۇيىمداستىرۋ قۇرالدارىمەن قاتار, ءۇش تىلدە جازىلعان «قازاق ەرتەگىلەرىن» الۋىم مەنى كوپ ويعا قالدىردى.
بالالاردىڭ ارمانى شەكسىز ءارى اساۋ كەلەتىنى بار. مەن اسكەري قىزمەتشى, دارىگەر, مۇعالىم, ءتىپتى, گەولوگ بولۋدى دا ارماندايتىنمىن. نوۆوكۋبانكا ورتا مەكتەبىنىڭ ديرەكتورى فرانتس يۋليانوۆيچ راكوۆسكي اتتەستات العاننان كەيىن ماعان اقپارات سالاسىنداعى ماماندىقتى تاڭداۋىما كەڭەس بەردى. ءوزىمىزدىڭ جشس ديرەكتورى شوتا دوبروسكوك تا اۋىلعا وسىنداي ينجەنەرلەر اۋاداي قاجەتتىگىن ايتقانى جاقسى ۇمىتتەرگە جەتەلەدى. مىنە, قازىر كوكشەتاۋداعى ا.مىرزاحمەتوۆ اتىنداعى ۋنيۆەرسيتەتتە «اقپاراتتىق جۇيەلەر» ماماندىعى بويىنشا وقىپ ءجۇرمىن. مۇندا كەلۋىمنىڭ تاعى ءبىر سەبەبى, ۋنيۆەرسيتەت اتاقتى عارىشكەرىمىز تالعات مۇساباەۆپەن تىعىز بايلانىس جاسايتىنىن بىلەتىنمىن. ايتقانداي-اق, ول كىسى جىل سايىن بىزدە قوناقتا بولىپ, ءوزىنىڭ اتىنداعى ستيپەنديانى تاپسىرىپ ءجۇر. مەنىڭ ارمانىم – الداعى كۋرستاردا ۇزدىكتەر قاتارىنان كورىنىپ, داڭقتى عارىشكەردىڭ قولىنان سونداي سەرتيفيكات الۋ. ال ەل ىشىندەگى تاتۋلىق پەن ءتۇسىنىستىك ءبىزدى بۇدان دا جوعارى جەتىستىكتەرگە جەتكىزەتىنىنە سەنىمدىمىن. وعان ءبىز ايرىقشا جاۋاپتىمىز.
سانديس ياۋنزەميس, كوكشەتاۋداعى ا.مىرزاحمەتوۆ اتىنداعى ۋنيۆەرسيتەت ستۋدەنتى.
