ايماقتار • 15 اقپان، 2019

جىل سايىن قازاقستاندا 600-گە جۋىق بالا  وبىرعا شالدىعادى

160 رەتكورسەتىلدى

15 اقپان كۇنى بۇكىل الەمدە حالىقارالىق وبىرمەن اۋىراتىن بالالار كۇنى اتاپ وتىلەدى. بۇل شارا حالىقارالىق كونفەدەراتسيا ونكولوگيالىق اۋرۋمەن اۋىراتىن اتا-انالار ۇيىمىنىڭ باستاماسىمەن اتقارىلادى (ICCCPO ).

وبىرمەن اۋىراتىن بالالاردىڭ حالىقارالىق كۇنىن ءۇمىت ءۇزۋ كۇنى دەپ ەسەپتەۋگە بولمايدى. بۇل بالالاردىڭ اۋرۋدى جەڭگەن مەرەكەسى!

ءوز كەزەگىندە جىل سايىن قازاقستاندا 600-گە جۋىق بالا وبىرمەن اۋىرادى. 40 پايىزدىق جاعدايدا «لەيكوز» دياگنوزى قويىلادى. بالالار ونكولوگياسىنىڭ جالپى قۇرىلىمىندا مي ىسىكتەرى، نەيروبلاستومدار، ليمفومالار جانە رەتينوبلاستومالار باسىم.

قازاقستان ايماقتارىندا ديناميكالىق بايقاۋدا 4 مىڭعا جۋىق بالا تىركەلگەن. ولاردىڭ ىشىندە شامامەن 300-گە جۋىق بالا ەم قابىلداۋدا.

قازىرگى ۋاقىتتا ەلىمىزدە بالالاردىڭ كەيبىر ونكولوگيالىق اۋرۋلارىن ەمدەۋدىڭ تيىمدىلىگى 70-90 پايىزدى قۇرايدى. سونداي-اق، گەنەتيكانىڭ بۇزىلۋى ناتيجەسىندە داميتىن قاتەرلى ىسىك اۋرۋلارى بار جانە ولاردى ەمدەۋ ناتيجەلەرى اسا جوعارى ەمەس. بىراق الەمدىك مەديتسينا ءبىر ورىندا تۇرمايدى جانە قازاقستاندا ەمدەۋ مەن باقىلاۋ ءۇشىن مۇمكىندىكتەر بار.

بالاداعى ونكولوگيالىق اۋرۋدى انىقتاۋ وتە قيىن. سوندىقتان اتا-انالار ءوز بالالارىنىڭ دەنساۋلىعىنا وتە مۇقيات بولۋ كەرەك، دەيدى ماماندار.

وبىر ەمىنىڭ تيىمدىلىگى دياگنوزدىڭ ۋاقتىلى قويىلعانىنا بايلانىستى ەكەنىن ەستە ۇستاعان ءجون.

2019 جىلدىڭ 24 اقپانىندا ساعات 13.00-دە الماتى قالاسىنداعى رەسپۋبليكا سارايىندا «قۋانىش سىيلايمىز» اتتى قايىرىمدىلىق كونتسەرتى وتەدى. بۇل كونتسەرت ونكولوگيالىق اۋرۋمەن اۋىراتىن بالالاردىڭ حالىقارالىق كۇنىنە ورايلاستىرىلادى.

مۇنداي ءىس-شارالاردى وتكىزۋ بالالارداعى ونكولوگيالىق اۋرۋلاردى ەرتە دياگنوستيكالاۋ ماسەلەسىنە نازار اۋدارتۋعا، ونىڭ ماڭىزدىلىعىن كورسەتۋگە جانە ەرتە كەزەڭدەردە ءوز ۋاقىتىندا دياگنوز قويۋ مەن ەمدەۋگە جانە قانشا ادامنىڭ ءومىرىن ساقتاپ قالۋعا مۇمكىندىك بەرەدى.

كەلۋشىلەر نازارىنا «قۋانىش سىيلايمىز» اتتى فوتوكورمەنىڭ جۇمىستارى قازوجرعزي-دىڭ بالالار ونكولوگياسى ورتالىعىندا ەمدەلىپ جاتقان بالالارمەن تۇسكەن سۋرەتتەر جانە بالالار كونتسەرتى ۇسىنىلادى.

ايناش ەسالي،

«Egemen Qazaqstan»

الماتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار