وبلىس اكىمىنىڭ گرانتتارى تاپسىرىلدى
سارسەنبى, 25 ءساۋىر 2012 7:32
ەلىمىزدە ۇلتارالىق تاتۋلىق پەن بىرلىكتى, ىنتىماقتاستىق پەن دوستىقتىنىعايتۋدا قازاقستان حالقى اسسامبلەياسى اتقارعان جۇمىس كوپ. ال,وڭىرلەردە مۇنداي يگىلىكتى ىستەرگە ەتنومادەني بىرلەستىكتەر ۇيىتقى بولىپوتىر. سوندىقتان دا جەرگىلىكتى بيلىك ولاردىڭ قوعامداعى رولىنە ايرىقشاءمان بەرىپ كەلەدى.
سارسەنبى, 25 ءساۋىر 2012 7:32
ەلىمىزدە ۇلتارالىق تاتۋلىق پەن بىرلىكتى, ىنتىماقتاستىق پەن دوستىقتىنىعايتۋدا قازاقستان حالقى اسسامبلەياسى اتقارعان جۇمىس كوپ. ال,وڭىرلەردە مۇنداي يگىلىكتى ىستەرگە ەتنومادەني بىرلەستىكتەر ۇيىتقى بولىپوتىر. سوندىقتان دا جەرگىلىكتى بيلىك ولاردىڭ قوعامداعى رولىنە ايرىقشاءمان بەرىپ كەلەدى.
جاقىندا وبلىس اكىمى ارحيمەد مۇحامبەتوۆ ەتنومادەني بىرلەستىكتەر باسشىلارىمەن كەزدەسىپ, ولاردىڭ قوعامداعى تۇراقتىلىقتى قالىپتاستىرۋداعى جۇمىستارىنا وڭ باعا بەردى. كەزدەسۋگە وبلىستىق باسقارمالار باستىقتارى, ەتنومادەني بىرلەستىكتە, اقساقالدار كەڭەسى, عىلىمي-ساراپتاما كەڭەسى باسشىلارى مەن وكىلدەرى دە قاتىستى. وبلىس باسشىسى قازاقستان حالقى اسسامبلەياسى ەلباسى نۇرسۇلتان نازارباەۆتىڭ باستاماسىمەن قۇرىلعانىن, ونىڭ جۇمىسىنىڭ باسىم باعىتتارى ەلىمىزدى مەكەندەگەن جۇزدەن استام ۇلتتاردىڭ بىرلىگىن, ۇلتارالىق بەيبىتشىلىك پەن كەلىسىمدى ساقتاۋ, حالىقتاردىڭ ءتىلىن, سالت-ءداستۇرىن دامىتۋ ەكەنىن جەتكىزدى.
– ءبىزدىڭ وڭىردە تۇرىپ جاتقان 90-نان استام ەتنوستىڭ ءمۇددەسىن بىلدىرەتىن 18 ەتنومادەني بىرلەستىك جۇمىس ءىستەيدى. ولاردىڭ جۇمىسى بەلسەندى جانە الۋان تۇردە ءجۇرگىزىلۋدە. بىرلەستىكتەردە مادەنيەتىن, ءتىلىن, سالت-ءداستۇرىن وقىپ, ۇيرەنىپ قانا قويمايدى, ءوز ۇلتىنىڭ بىرەگەي مادەني مۇراسىن باسقالارعا كورسەتۋگە, ورتاق يگىلىككە اينالدىرۋعا تىرىسادى. سول ارقىلى ورتاق ۇيىمىزدە ىنتىماق پەن بىرلىكتىڭ بولۋىنا قىزمەت ەتۋدە, – دەدى ارحيمەد بەگەجان ۇلى.
وڭىردە ون جەتى جىلدان بەرى ەتنومادەني بىرلەستىكتەرگە وبلىس اكىمىنىڭ گرانتتارىن بەرۋ داستۇرگە اينالىپ كەلەدى. بۇل ءداستۇر بيىل دا لايىقتى جالعاسىن تاپتى. ارحيمەد مۇحامبەتوۆ وبلىستاعى 18 ەتنومادەني بىرلەستىكتەر باسشىلارىن ورتاعا شاقىرىپ, ولارعا سالتاناتتى جاعدايدا قارجىلاي گرانتتار مەن ديپلومدار تاپسىردى. سونداي-اق, قازاقستان حالقى اسسامبلەياسى اقتوبە وبلىسى حاتشىلىعىنىڭ قىزمەتكەرى ءزامزاگۇل بيماعامبەتوۆا مەن «ەللادا» گرەك ەتنومادەني ءبىرلەستىگىنىڭ جەتەكشىسى يۆان ليپيريدي قازاقستان حالى اسسامبلەياسىنىڭ العىس حاتىمەن, ال قازاقستان حالقى اسسامبلەياسىنىڭ مۇشەسى يۆان ماگلەلي وبلىس اكىمىنىڭ العىس حاتىمەن ماراپاتتالدى.
كەزدەسۋدە ءسوز العان يۆان ليپيريدي, «دوستىق» ءۇيى جانىنداعى اقساقالدار كەڭەسىنىڭ توراعاسى نۇرحايىر تەلەۋوۆ ءبىزدىڭ ەلىمىزدەگى ەڭ باستى بايلىق ۇلتارالىق دوستىقتان تامىر تارتاتىنىن, سوندىقتان تاتۋلىق پەن بىرلىكتى ساقتاۋ ءاربىر قازاقستاندىقتىڭ ءمىندەتى ءارى پارىزى ەكەنىن تىلگە تيەك ەتتى. وسى باعىتتا ەتنومادەني بىرلەستىكتەر جۇمىسىن قولداپ وتىرعان وبلىس باسشىسىلىعىنا ريزاشىلىقتارىن ءبىلدىردى.
ساتىبالدى ءساۋىرباي.
اقتوبە وبلىسى.
