اۋىلدى جاستار كوتەرەدى
سەنبى, 7 ءساۋىر 2012 8:52
“تاۋەكەل ءتۇبى – جەلقايىق, وتەسىڭ دە كەتەسىڭ”, دەيدى حالىق دانالىعى. بۇرىنىراقتا اۋىل جىگىتتەرى جۇمىس ىزدەپ قالاعا اعىلاتىن ەدى. ەندى اۋىلعا قايتىپ, نەسىبەسىن ەڭبەكتەن تاپقاندار كوبەيىپ كەلەدى.
ۇلكەن قالادا ولاردى كۇتىپ تۇرعان ەشكىم جوق. جۇمىس تاپقانى, ءبىلىمىن جەتىلدىرىپ قوسىمشا ماماندىق العانى سىڭەدى. ال, قالعانىنىڭ اينالدىراتىنى بازار.
سەنبى, 7 ءساۋىر 2012 8:52
“تاۋەكەل ءتۇبى – جەلقايىق, وتەسىڭ دە كەتەسىڭ”, دەيدى حالىق دانالىعى. بۇرىنىراقتا اۋىل جىگىتتەرى جۇمىس ىزدەپ قالاعا اعىلاتىن ەدى. ەندى اۋىلعا قايتىپ, نەسىبەسىن ەڭبەكتەن تاپقاندار كوبەيىپ كەلەدى.
ۇلكەن قالادا ولاردى كۇتىپ تۇرعان ەشكىم جوق. جۇمىس تاپقانى, ءبىلىمىن جەتىلدىرىپ قوسىمشا ماماندىق العانى سىڭەدى. ال, قالعانىنىڭ اينالدىراتىنى بازار.
سارىاعاش اۋدانىنىڭ قاپلانبەك اۋىلىنداعى جىلىجايلاردىڭ جۇمىسىمەن تانىسىپ جۇرگەنىمىزدە, سوندا جۇمىس ىستەپ جۇرگەن اسقار ەلۋباەۆ دەگەن جاس جىگىت: “قالادا كوپ ۋاقىتىمدى جوعالتىپ الدىم”, دەپ قالدى.
ايتۋىنشا, بازاردا تاشكى سۇيرەگەن. تىلەمسەكتەنىپ, اركىمنىڭ جۇگىن ماشيناسىنا دەيىن جەتكىزىپ بەرگەنىنە تيىن-سيىن العان. بىلايشا ايتقاندا, ويلى جىگىت ءۇشىن قورلىق. تاپقانى تاماعىنان, پاتەر پ ۇلىنان ارتىلماپتى. اۋىلداعى اعاسى شاقىرعان. جىلىجاي – پايدالى كاسىپ. ءبىراز قارجىنىڭ باسىن قۇراپ ۇلگەرىپتى. ەندى: “باس ەكەۋ بولماي, مال كوبەيمەيدى”, دەپ قويادى. اسقاردىكى دۇرىس-اۋ.
وڭتۇستىك قازاقستان وبلىسىنا اۋىلدىق ەلدى مەكەندەرگە جۇمىس ىستەۋگە جانە تۇرۋ ءۇشىن كەلگەن الەۋمەتتىك سالا ماماندارىنا قولداۋ شارالارىن ۇسىنۋ ماقساتىندا 2011 جىلعا رەسپۋبليكالىق بيۋدجەتتەن «ديپلوممەن – اۋىلعا!» باعدارلاماسى اياسىندا 644 مامانعا بىرجولعى كوتەرمە جاردەماقىعا 68,2 ملن. تەڭگە ءبولىندى. ونىڭ ىشىندە: ءبىلىم بەرۋگە – 405 مامان, دەنساۋلىق ساقتاۋ سالاسىنا – 222 مامان, مادەنيەت سالاسىنا – 8 مامان, سپورت سالاسىنا – 4 مامان, الەۋمەتتىك قامسىزداندىرۋعا 5 مامان قامتىلعان.
اۋىلدىق ەلدى مەكەنگە جۇمىس ىستەۋگە جانە تۇرۋعا كەلگەن الەۋمەتتىك سالا ماماندارىنىڭ قاجەتتىلىگىنە قاراي 2011 جىلى 209 مامانعا 427 768 مىڭ تەڭگە سوماسىندا جەڭىلدەتىلگەن بيۋدجەتتىك نەسيە قارالعان. اتالعان ءىس-شارالار اۋىلدىق ەلدى مەكەندەرگە جۇمىس ىستەۋگە باراتىن جاستار قاتارىن كوبەيتۋگە باعىتتالىپ وتىر.
ونىڭ سىرتىندا «جاسىل ەل» ەڭبەك جاساقتارىنىڭ قاتارىندا 3700 قىز-جىگىت جۇمىسپەن قامتىلدى. «باتىس قىتاي – باتىس ەۋروپا» حالىقارالىق ترانزيتتىك ءدالىزى قۇرىلىسىندا 110 ستۋدەنت جاستار جۇمىس ىستەدى.
وبلىس قىز-جىگىتتەرى رەسپۋبليكالىق جانە جەرگىلىكتى دەڭگەيدە وتكىزىلىپ جاتقان اۋقىمدى دا ماڭىزدى ءىس-شارالارعا بەلسەنە ارالاسۋدا. ولار ءىرى-ءىرى قوعامدىق-ساياسي ءىس-شارالاردان باستاپ, ەلدى مەكەندەردى كوركەيتۋ, اباتتاندىرۋ ماسەلەلەرىندە جاقسى جاقتارىنان كورىنۋدە.
وبلىس اكىمى اسقار مىرزاحمەتوۆ كەلەلى جيىنداردا جاستار ماسەلەسىن ءجيى كوتەرىپ, بىلىمدەرىن جەتىلدىرۋىنە, قوسىمشا ماماندىق الۋلارىنا جانە جۇمىسپەن قامتىلۋىنا ءتيىستى سالا باسشىلارىنان تالاپ ەتەدى. قۋانتاتىندىعى, وسى جۇمىس جەمىسىن بەرىپ كەلەدى.
باقتيار تايجان,
شىمكەنت.
