قابىلداۋ كۇتىپ قينالمايسىز
جۇما, 20 قاڭتار 2012 7:53
استاناداعى №8 قالالىق ەمحاناعا كەلگەن ناۋقاس ادامدار دارىگەرگە كىرۋ ءۇشىن كۇن ۇزاق كەزەك كۇتىپ تەككە وتىرمايدى. سەبەبى, مۇندا ەمدەلۋشىلەر ءۇشىن بارلىق جاعداي جاسالعان. ەمدەۋ ورنىنا كىرگەن ادام بىردەن تىركەۋ ورنىنىڭ انىقتاما قىزمەتىنە بارادى. ونداعى كەزەكشىلەر ناقتى اقپارات بەرەدى. ياعني, كەلۋ ماقساتىڭىزعا وراي, دەرتىڭىزگە ساي سىزگە ەمدىك, دياگنوستيكالىق قىزمەتتەرگە جول ءسىلتەيدى. ارينە, ۇيگە دارىگەر شاقىرتامىن نەمەسە قابىلداۋعا الدىن الا جازىلامىن دەسەڭىز, ونى تەلەفون ارقىلى-اق اتقارا بەرۋگە بولادى. جانە قاي كابينەت قاي جەردە دەپ ىزدەپ جۇرمەي-اق تومەنگى قاباتقا ىلىنگەن مامانداردىڭ جۇمىس كەستەسى مەن كابينەتتەردىڭ ورنالاسۋ ءتارتىبىنىڭ سحەماسىنان ءىزدەگەن جوعىڭىزدى لەزدە تاۋىپ الۋعا بولادى.
جۇما, 20 قاڭتار 2012 7:53
استاناداعى №8 قالالىق ەمحاناعا كەلگەن ناۋقاس ادامدار دارىگەرگە كىرۋ ءۇشىن كۇن ۇزاق كەزەك كۇتىپ تەككە وتىرمايدى. سەبەبى, مۇندا ەمدەلۋشىلەر ءۇشىن بارلىق جاعداي جاسالعان. ەمدەۋ ورنىنا كىرگەن ادام بىردەن تىركەۋ ورنىنىڭ انىقتاما قىزمەتىنە بارادى. ونداعى كەزەكشىلەر ناقتى اقپارات بەرەدى. ياعني, كەلۋ ماقساتىڭىزعا وراي, دەرتىڭىزگە ساي سىزگە ەمدىك, دياگنوستيكالىق قىزمەتتەرگە جول ءسىلتەيدى. ارينە, ۇيگە دارىگەر شاقىرتامىن نەمەسە قابىلداۋعا الدىن الا جازىلامىن دەسەڭىز, ونى تەلەفون ارقىلى-اق اتقارا بەرۋگە بولادى. جانە قاي كابينەت قاي جەردە دەپ ىزدەپ جۇرمەي-اق تومەنگى قاباتقا ىلىنگەن مامانداردىڭ جۇمىس كەستەسى مەن كابينەتتەردىڭ ورنالاسۋ ءتارتىبىنىڭ سحەماسىنان ءىزدەگەن جوعىڭىزدى لەزدە تاۋىپ الۋعا بولادى.
تاعى ءبىر ايتا كەتەتىن ءجايت, ەگدە جاستاعى ەمدەلۋشىلەر ءۇشىن جەكە تەرەزە بار, ياعني ءوز ءوتىنىشى بويىنشا ولاردى تىركەۋشى تىكەلەي دارىگەردىڭ قابىلداۋىنا اپارادى. جوعارى دەنە قىزۋىمەن, جوعارى قان قىسىمىمەن نەمەسە باسقا دا شۇعىل جاعدايلارمەن كەلگەندەردى دە مەديتسينالىق تىركەۋشى جەدەل تۇردە ارنايى كابينەتتەگى دارىگەردىڭ قابىلداۋىنا جەتكىزەدى.
بۇرىنعى داعدى بويىنشا تۇرعىندار ەمحاناعا دارىگەر قابىلداۋىنا جازىلۋعا ەكى رەت كەلەتىن بولسا, قازىرگى ءتارتىپ بويىنشا تىركەۋ ورنىنداعى تەلەفون جەلىسى ءۇزىلىسسىز بايلانىسپەن قامتاماسىز ەتىلگەن. ناقتىلاپ ايتقاندا, ءتىركەۋ ورنى كوپ كانالدى تەلەفون بايلانىسىمەن جابدىقتالعان. قازىرگى ۋاقىتتا ەرەسەكتەر مەن بالالار كورپۋسىندا 17 تەلەفون ءنومىرى جۇمىس ىستەيدى.
بۇل ەمحانا بىرىڭعاي اقپاراتتىق جۇيەدەگى (بادج) قۇجاتتاردى قاعازسىز جۇرگىزۋگە كوشۋ بويىنشا قاناتقاقتى جوباعا قاتىسۋدا. 2011 جىلدىڭ تامىز ايىنان بەرى ەمحانا دارىگەر قابىلداۋىنا جازۋ جۋرنالىن تولتىرۋدى توقتاتتى. ويتكەنى, الدىن الا جازۋ مسج-دە جۇرگىزىلەدى, بۇل جەردە قابىلداۋعا تەلەفون ارقىلى نەمەسە كەلىپ جازىلۋعا بولادى. ەڭ باستىسى, ەمدەلۋشىگە قوزعالىس پاراعى بەرىلەدى, وندا كۇنى, ۋاقىتى, كابينەت ءنومىرى كورسەتىلەدى.
دارىگەرلەرگە الدىن الا جازىلۋدىڭ تاعى ءبىر ءتاسىلى – ۆەب-سايتقا كىرۋ. ۆەب-سايت ارقىلى قابىلداۋعا جازىلۋ ەگەر ەمدەلۋشىدە ەسك (ەلەكتروندى ساندىق كود) بولسا (جانە مسج ينتەگراتسياسى كەزىندە (e.gov) جەتىپ جاتىر.
امبۋلاتورلىق كارتالاردى تاڭبالاۋ جۇيەسى دە تىركەۋشىلەر جۇمىسىن جەڭىلدەتە تۇسكەنىن ايتساق, ءاربىر تەراپيالىق ۋچاسكەلەردىڭ وزىندىك تۇسپەن تاڭبالانۋى امبۋلاتورلىق كارتالاردى دارىگەرگە دەيىنگى كابينەتكە, قاراۋ كابينەتىنە جانە دارىگەرلىك كابينەتكە جەتكىزۋدە ۋاقىتتى ۇنەمدەۋگە مۇمكىندىك بەرەدى.
ال ەندى ەمحانا ۇجىمىنىڭ بيىلعى جىلعى العا قويىپ وتىرعان ماقساتىنىڭ ءبىرى – ەمدەۋ ورنىنىڭ ءبىرىنشى قاباتىنا «ەلەكتروندى كەزەك» ورناتۋ, ەمدەلۋشىلەردى جوسپارلى تارتىپپەن قابىلداۋ مۇمكىندىگىن تۋدىرۋ بولىپ وتىر.
«ەگەمەن-اقپارات».
