قاتار جاتقان وڭىرلەردە كوپ ماسەلە ورتاق
سەيسەنبى, 18 قىركۇيەك 2012 8:07
ءبىزدىڭ قوستاناي وبلىسى رەسەيدىڭ ورىنبور, چەليابى جانە قورعان وبلىستارىمەن شەكتەسەدى. قاشاننان «اۋىلىمىز ارالاس, قويىمىز قورالاس» جاتقان قۇدايى كورشىمىز. قوڭسى قونعان وبلىستاردىڭ اراسىندا قاي جاعىنان بولسىن بارىس-كەلىس جەتكىلىكتى. جاستار ءۇشىن دە ارالاسىپ-قۇرالاسۋ وتە ءتيىمدى. ولار تانىسادى, بىلمەگەنىن بىلىسەدى.
سەيسەنبى, 18 قىركۇيەك 2012 8:07
ءبىزدىڭ قوستاناي وبلىسى رەسەيدىڭ ورىنبور, چەليابى جانە قورعان وبلىستارىمەن شەكتەسەدى. قاشاننان «اۋىلىمىز ارالاس, قويىمىز قورالاس» جاتقان قۇدايى كورشىمىز. قوڭسى قونعان وبلىستاردىڭ اراسىندا قاي جاعىنان بولسىن بارىس-كەلىس جەتكىلىكتى. جاستار ءۇشىن دە ارالاسىپ-قۇرالاسۋ وتە ءتيىمدى. ولار تانىسادى, بىلمەگەنىن بىلىسەدى.
ەكى ەل اراسىندا جاستارعا ارنالعان ەكى جوبا, ياعني «ءبىز ءححى عاسىردا بىرگە ءومىر سۇرەمىز!» حالىقارالىق جاستار فەستيۆالى, «كورشىلەر» حالىقارالىق لاگەرى ىسكە اسىرىلىپ كەلەدى. «ءبىز ءححى عاسىردا بىرگە ءومىر سۇرەمىز!» حالىقارالىق جاستار فەستيۆالى 2003 جىلدان بەرى رەسەي فەدەراتسياسىنىڭ قورعان وبلىسى مەن قوستاناي وبلىسى اراسىنداعى جاستار ساياساتى سالاسىنداعى ىنتىماقتاستىق تۋرالى مەموراندۋم شەڭبەرىندە جۇزەگە اسىرىلۋدا. مىنە, وسىنىڭ ارقاسىندا ونشاقتى جىلدان بەرى قورعاندىق جاستارمەن تىعىز بايلانىستامىز.
فەستيۆالدە مەملەكەتتىك جاستار ساياساتىنىڭ جەتىستىكتەرى, مەملەكەتتىك تاپسىرىس شەڭبەرىندە ىسكە اسىرىلاتىن الەۋمەتتىك ماڭىزدى جوبالاردىڭ ءناتيجەلەرى, وسى جۇمىستار بارىسىنداعى ەكى جاقتى ءتاجىريبەلەر ورتاعا سالىنادى. فەستيۆال ءبىر جىل قورعاندا, ءبىر جىل قوستانايدا ءوتىپ تۇرادى. بيىل كۇزدە, قازان ايىندا قورعاندىق جاستار بىزگە كەلەدى, قازىر وعان بىزدە قىزۋ دايىندىق ءجۇرىپ جاتىر. فەستيۆال باعدارلاماسى مادەني-بۇقارالىق شارالارعا, سپورتتىق جارىستارعا باي. جاستار مۇنداي شارالار بارىسىندا تانىسىپ قانا قويماي, دوستاسىپ كەتەدى. قازىر ءبىزدىڭ جاستاردىڭ, ستۋدەنتتەردىڭ قورعاندا قاتىساتىن دوستارى جەتكىلىكتى. قاتار جاتقان ەل بولعاندىقتان, مۇنداي شارالار جاستاردى جاقىنداتا تۇسەدى. ال بۇل وتە ماڭىزدى.
«كورشىلەر» حالىقارالىق لاگەرى اياسىندا ىسكەرلىك ارىپتەستىك قاتىناس ورناتىلادى. جاستار ساياساتى سالاسىنداعى باستامالار, جاڭاشىل ۇسىنىستار جونىندە تاجىريبە الماسامىز, شەبەرلىك ساباقتارى, سپورتتىق, ۇلتتىق-مادەني داستۇرلەرمەن تانىساتىن شارالار وتەدى. كورشى ەلدەر جاستارى اراسىنداعى مۇنداي قارىم-قاتىناس ارقاسىندا الدىمەن, جاستار ساياساتى سالاسىندا وزىق تاجىريبەلەر الماسامىز. سەبەبى, كورشىلەردە كوپ ماسەلەلەر ورتاق بولادى. سونداي-اق, قاتار جاتقان ەلمەن شەكارانى تارس جاپپاي, بارىس-كەلىس جاساۋ, دوستىق كوڭىلمەن ارالاسۋ تاۋەلسىزدىك العان جىلداردان بەرگى جەتكەن جەتىستىكتەرىمىزدى ناسيحاتتاۋعا دا تاپتىرمايتىن ءتاسىل ەمەس پە؟ وبلىستا, جالپى ەلىمىزدە اتقارىلىپ جاتقان يگىلىكتى ىستەرگە رەسەيلىكتەر, ءتىپتى, تاڭىرقاپ تا قارايدى. ولاردان ۇيرەنەتىن تۇستار مەن ىستەر دە از ەمەس. كورشى حاقىسىن دا ۇمىتپايمىز.
ەرلان قالماقوۆ,
قوستاناي وبلىستىق ىشكى ساياسات باسقارماسىنىڭ
جاستارمەن جۇمىس جونىندەگى ءبولىم باستىعى.
قوستاناي.
