ومبىلىقتار سىيى – ساماۋىر
سەيسەنبى, 18 قىركۇيەك 2012 8:17
شىلدە ايىندا شەكارالىق وڭىرلەردەگى قارىم-قاتىناستى نىعايتۋ مەن پارتياارالىق تاجىريبە الماسۋ ماقساتىندا وبلىستىق «نۇر وتان» حدپ فيليالىنىڭ قىزمەتكەرلەرى مەن «ءبىرتۇتاس رەسەي» بسپ شەكارالىق ءوڭىرلىك بولىمشەلەرىنىڭ وكىلدەرى اراسىندا «پارتياارالىق ايماقتىق ارىپتەستىك. تاجىريبەمەن ءبولىسۋدىڭ تيىمدىلىگى». «نۇر وتان» – «ءبىرتۇتاس رەسەي: ارىپتەستىك كوكجيەگى» اتتى تاقىرىپتا كەزدەسۋ بولىپ ءوتتى. كەرەكۋ ءوڭىرىنە «ءبىرتۇتاس رەسەي» پارتياسىنىڭ ءنوۆوسىبىر, ومبى وبلىستارى مەن التاي ولكەسىنىڭ دەلەگاتسيالارى كەلدى. ءوز ەلدەرىندە ساياسي ۇدەرىستەردىڭ الدىڭعى لەگىندە ءجۇرگەن بەلدى پارتيالاردىڭ اراسىنداعى دوستىق قارىم-قاتىناس ەكى ەلدىڭ بىرلىگىن نىعايتا تۇسەرى ءسوزسىز.
سەيسەنبى, 18 قىركۇيەك 2012 8:17
شىلدە ايىندا شەكارالىق وڭىرلەردەگى قارىم-قاتىناستى نىعايتۋ مەن پارتياارالىق تاجىريبە الماسۋ ماقساتىندا وبلىستىق «نۇر وتان» حدپ فيليالىنىڭ قىزمەتكەرلەرى مەن «ءبىرتۇتاس رەسەي» بسپ شەكارالىق ءوڭىرلىك بولىمشەلەرىنىڭ وكىلدەرى اراسىندا «پارتياارالىق ايماقتىق ارىپتەستىك. تاجىريبەمەن ءبولىسۋدىڭ تيىمدىلىگى». «نۇر وتان» – «ءبىرتۇتاس رەسەي: ارىپتەستىك كوكجيەگى» اتتى تاقىرىپتا كەزدەسۋ بولىپ ءوتتى. كەرەكۋ ءوڭىرىنە «ءبىرتۇتاس رەسەي» پارتياسىنىڭ ءنوۆوسىبىر, ومبى وبلىستارى مەن التاي ولكەسىنىڭ دەلەگاتسيالارى كەلدى. ءوز ەلدەرىندە ساياسي ۇدەرىستەردىڭ الدىڭعى لەگىندە ءجۇرگەن بەلدى پارتيالاردىڭ اراسىنداعى دوستىق قارىم-قاتىناس ەكى ەلدىڭ بىرلىگىن نىعايتا تۇسەرى ءسوزسىز.
بۇدان بۇرىن وسىنداي كەزدەسۋلەر ومبى, ورىنبور, قازان, ورال قالالارىندا ءوتتى. پارتيالار اراسىنداعى بايلانىستى جالعاستىرۋ ءۇشىن پارتياارالىق ارىپتەستىك تۋرالى حاتتاماعا تولىقتىرۋلار ەنگىزىلدى. ياعني, ەۋرازيا كەڭىستىگىندەگى قاۋىپسىزدىك شارالارى مەن بايلانىس, ينتەگراتسيالىق ۇدەرىستەرگە پارتيالاردىڭ بەلسەنە قاتىسۋى كەرەك ەكەندىگى جانە بۇل ءتاجىريبەنىڭ ءوزىن-ءوزى تولىقتاي اقتايتىندىعى كورسەتىلگەن-ءدى. ەكى ەلدىڭ ينتەگراتسيالىق ينستيتۋتتارىنىڭ سايلاۋالدى ناۋقان تۇسىندا كورشى تاراپقا حالىقارالىق بايقاۋشىلارىن جىبەرۋى دە سونىڭ ايعاعى.
كەزدەسۋدە «نۇر وتان» مەن «ءبىرتۇتاس رەسەي» پارتيالارىنىڭ وڭىرلىك فيليالدارىنىڭ وكىلدەرى مەموراندۋمعا قول قويدى. جيىننان سوڭ «ەدينايا روسسيا» پارتياسىنىڭ وكىلدەرى پاۆلودارلىق نۇروتاندىقتارعا ساماۋىر تارتۋ ەتتى. قىركۇيەك ايىندا وتەتىن ىنتىماقتاستىق فورۋمىندا قازاقستان مەن رەسەي پرەزيدەنتتەرىنە شايدى وسى ساماۋىرعا قايناتىپ بەرۋدى ۇسىندى. ءسىبىردىڭ كونە فابريكاسىنان شىققان بۇل ساماۋىرعا 110 جىل بولىپتى. ساۋدانىڭ كوزىن تابا بىلگەن باتاشوۆ دەگەن فابريكانت وزدەرى جاساعان ساماۋىرلارىن كەزىندە بۇكىل رەسەيگە, قازاق جەرىنە جەتكىزىپ تۇرىپتى.
– ءبىز سىزدەرگە قانداي سىيلىق اكەلەيىك دەپ ءبىر اي بويى ويلاندىق. ءسويتىپ, تاڭداۋىمىز ساماۋىرعا ءتۇستى. سىيلىقتىڭ وتكەنگە, تاريحقا دا قاتىسى بولسىن, ەكى ەلدىڭ دوستىق سيمۆولىنا اينالسىن دەدىك. بۇل ساماۋىردان ەندى ەكى ەلدىڭ جاستارى, بالالارىمىز بەن نەمەرەلەرىمىز شاي ءىشسىن. ال فورۋم كەزىندە نۇرسۇلتان نازارباەۆ پەن ۆلاديمير پۋتينگە دە وسى ساماۋىرعا قايناتىلعان شاي ۇسىنۋعا بولادى,– دەگەن ەدى «ءبىرتۇتاس رەسەي» پارتياسىنىڭ ومبى وبلىسى دەپۋتاتتىق فراكتسياسىنىڭ باسشىسى الەكساندر ارتەمەۆ.
فاريدا بىقاي,
«ەگەمەن قازاقستان».
پاۆلودار.
