بەلارۋس ەلىمەن بىرلەستىك
سەنبى, 22 قىركۇيەك 2012 7:25
1994 جىلدىڭ ناۋرىزىندا قازاقستان پرەزيدەنتى نۇرسۇلتان نازارباەۆ م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ اۋديتورياسىندا ەۋرازيالىق وداق قۇرۋ قاجەتتىلىگى جونىندەگى تاماشا يدەياسىن ورتاعا تاستاعانى ءمالىم. بۇل كوممۋنيستىك توتاليتارلىق ويلاۋ جۇيەسىنىڭ تامىرى ءۇزىلمەگەن, سونىمەن بىرگە, جاڭاشا ەكونوميكالىق پايىمداۋ تورگە وزا قويماعان ەلەڭ-الاڭ شاق ەدى. سوندىقتان دا قازاقستان باسشىسى رەسەي استاناسى ماسكەۋدە ۇسىنعان بۇل يدەياسى تمد كەڭىستىگىندە بىردەن قابىلداندى دەپ ايتا المايمىز. سول كەزدە ءارتۇرلى پىكىرلەر بولعانى راس. ەۋرازيالىق وداق قۇرۋ باستاماسىنىڭ تۇپكى ءمانىن تەرەڭ ءتۇسىنە قويماعان بىرقاتار ساياساتكەرلەر سول كەزدە ساۋىسقاننان ساق مىنەز تانىتىپ, ءالىپتىڭ ارتىن باعۋعا ىڭعاي تانىتتى.
سەنبى, 22 قىركۇيەك 2012 7:25
1994 جىلدىڭ ناۋرىزىندا قازاقستان پرەزيدەنتى نۇرسۇلتان نازارباەۆ م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ اۋديتورياسىندا ەۋرازيالىق وداق قۇرۋ قاجەتتىلىگى جونىندەگى تاماشا يدەياسىن ورتاعا تاستاعانى ءمالىم. بۇل كوممۋنيستىك توتاليتارلىق ويلاۋ جۇيەسىنىڭ تامىرى ءۇزىلمەگەن, سونىمەن بىرگە, جاڭاشا ەكونوميكالىق پايىمداۋ تورگە وزا قويماعان ەلەڭ-الاڭ شاق ەدى. سوندىقتان دا قازاقستان باسشىسى رەسەي استاناسى ماسكەۋدە ۇسىنعان بۇل يدەياسى تمد كەڭىستىگىندە بىردەن قابىلداندى دەپ ايتا المايمىز. سول كەزدە ءارتۇرلى پىكىرلەر بولعانى راس. ەۋرازيالىق وداق قۇرۋ باستاماسىنىڭ تۇپكى ءمانىن تەرەڭ ءتۇسىنە قويماعان بىرقاتار ساياساتكەرلەر سول كەزدە ساۋىسقاننان ساق مىنەز تانىتىپ, ءالىپتىڭ ارتىن باعۋعا ىڭعاي تانىتتى.
دەگەنمەن, ودان كەيىنگى جىلدار نۇرسۇلتان ءابىش ۇلىنىڭ بۇل يدەياسى ومىرشەڭ ەكەنىن كورسەتىپ بەردى. كوپ كەشىكپەي تاۋەلسىزدىككە يە بولعان مەملەكەتتەر اراسىندا ەكونوميكالىق بايلانىستار مەن قارىم-قاتىناستارعا نەگىزدەلگەن قۇرىلىم قۇرىلماسا, حالىقتىڭ دامۋ دەڭگەيى بولمايتىندىعى دا بەلگىلى بولدى. بۇل يدەيا سونىمەن بىرگە ەل مەن ەلدىڭ اراسىنداعى ادامي رۋحاني قۇندىلىقتاردى قورعاۋعا دا قىزمەت ەتە الاتىنى ايقىندالدى.
بۇگىندە ەۋرازيالىق وداقتىڭ قالىپتاسۋى مەن ىسكە اسۋىنىڭ ناقتى كورىنىستەرى قانداي دەگەنگە كەلسەك, وعان رەسەي, بەلارۋس جانە قازاقستان مەملەكەتتەرى اراسىندا كەدەندىك وداق قۇرىلۋى, اتالعان مەملەكەتتەر اراسىندا بىرىڭعاي ەكونوميكالىق كەڭىستىكتەردىڭ پايدا بولىپ, ورتاق ءىس-قيمىل تانىتىپ وتىرعانىن مىسالعا كەلتىرۋگە بولادى. سونىمەن بىرگە, اتالعان مەملەكەتتەر اراسىندا بىرىككەن كاسىپورىنداردىڭ قۇرىلۋى دا ونىڭ باستى نىشاندارى دەپ ايتا الامىز. وسىنداي مارتەبەگە يە بولعان كاسىپورىنداردىڭ ءبىرى – ورال قالاسىنداعى «اگرورەمماش» اق بىرلەسكەن كاسىپورنى.
كەدەندىك وداققا مۇشە مەملەكەتتەردىڭ ءبىرى – بەلارۋس ەلىندە ەجەلدەن اۆتوموبيل جاساۋ مەن قۇراستىرۋ ءىسى كەڭىنەن دامىپ كەلگەنى بارشاعا ءمالىم. بۇل ورايدا مينسك اۆتوموبيل زاۋىتىنىڭ شوقتىعى قاشان دا بيىك تۇرادى. وسىدان 3 جىل بۇرىن سونداعى ماز باسشىلارىمەن كەلىسىم جاساپ, رەسپۋبليكانىڭ كوممۋنالدىق-شارۋاشىلىق جۇيەسىنە قاجەتتى ارناۋلى اۆتوتەحنيكالار شىعارا باستادىق. قازىر بۇل ءىس تۇراقتى جولعا قويىلدى دەسەك تە بولادى.
وتكەن مامىر ايىندا اقجايىققا ءىسساپارى كەزىندە ەلباسى نۇرسۇلتان نازارباەۆ قازاقستان-بەلارۋس بىرلەسكەن كاسىپورنىنىڭ قىزمەتىمەن تانىسىپ, وعان وڭ باعا بەرىپ كەتكەنى ءبارىمىز ءۇشىن مەرەي. سونىمەن بىرگە مەملەكەت باسشىسى قازاقستاندىق كونۆەيەردەن شىققان وتاندىق ونىمگە ءتيىستى سۇرانىمدار ءتۇسىرۋ جونىندە ۇكىمەتكە تاپسىرما بەردى.
بۇگىندە ەلىمىزدەگى كوممۋنالدىق سالاعا جاسالعان تۇبەگەيلى رەفورمالار ءوزىنىڭ العاشقى ءناتيجەلەرىن بەرە باستادى. بۇعان ءبىزدىڭ بىرلەسكەن كاسىپورىننىڭ قوسقان ۇلەسى قوماقتى. ياعني, قازاقستاندا قۇراستىرىلاتىن ارناۋلى اۆتوتەحنيكانىڭ باستى بولشەگى – شاسسي بەلارۋس ەلىنەن جەتكىزىلەدى. قالعان ءىستىڭ ءبارى وزىمىزدە اتقارىلادى. سونداي-اق توتەنشە جاعدايلار مينيسترلىگىنىڭ سۇرانىسىنا ءسايكەس كاسىپورىندا قۇراستىرىلعان ءورت سوندىرگىش ماشينالارى دا بۇگىندە ءباسەكەگە قابىلەتتىلىگىن تانىتىپ ۇلگەردى.
وسى ىڭعايمەن بۇگىندە وسىدان 18 جىل بۇرىن قازاقستان باسشىسى ۇسىنعان ەۋرازيالىق وداق يدەياسى بۇگىندە ناقتى ءومىرىمىزدەن ورىن الىپ وتىر دەپ وي تۇيە الامىز. بۇل ءتۇيىندى تەك ءوز ەلىمىزدە عانا ەمەس, سونىمەن بىرگە, وسى باستامانى قولداپ, ىسكە اسىرىپ وتىرعان بارلىق مەملەكەتتەرگە قاتىستى دا جاساۋعا ابدەن بولادى دەمەكپىن.
عيمران بەيسەنوۆ,
ورال قالاسىنداعى «اگرورەمماش» اق
بىرلەسكەن كاسىپورنىنىڭ ديرەكتورى.
ورال.
