وركەن جايعان ونەگە
سارسەنبى, 26 قىركۇيەك 2012 7:03
«مەن, سەن جانە ول – ءبىز سالاماتتى ەل!» اتتى ۇرانمەن شىمكەنت قالاسىنىڭ, ورداباسى الاڭىندا «دەنساۋلىق فەستيۆالى» اكتسياسى ءوز دەڭگەيىندە ءوتتى
نەگىزگى ماقساتى ءار ادامنىڭ ءوز دەنساۋلىعىنا جاۋاپكەرشىلىگىن ارتتىرۋ, ءتيىمدى تاماقتانۋدى ادەتكە اينالدىرۋ, زياندى ادەتتەن اۋلاق بولۋ, دەنە بەلسەندىلىگىمەن اينالىسۋدى, جالپى قوعامدى سالاماتتى ءومىر مادەنيەتىن قالىپتاستىرۋعا ناسيحاتتاۋ بولىپ تابىلادى.
سارسەنبى, 26 قىركۇيەك 2012 7:03
«مەن, سەن جانە ول – ءبىز سالاماتتى ەل!» اتتى ۇرانمەن شىمكەنت قالاسىنىڭ, ورداباسى الاڭىندا «دەنساۋلىق فەستيۆالى» اكتسياسى ءوز دەڭگەيىندە ءوتتى
نەگىزگى ماقساتى ءار ادامنىڭ ءوز دەنساۋلىعىنا جاۋاپكەرشىلىگىن ارتتىرۋ, ءتيىمدى تاماقتانۋدى ادەتكە اينالدىرۋ, زياندى ادەتتەن اۋلاق بولۋ, دەنە بەلسەندىلىگىمەن اينالىسۋدى, جالپى قوعامدى سالاماتتى ءومىر مادەنيەتىن قالىپتاستىرۋعا ناسيحاتتاۋ بولىپ تابىلادى.
ءاربىر ادامنىڭ قيمىل-قوزعالىسسىز, سپورتسىز ۇزاق ءومىر ءسۇرۋ مۇمكىن ەمەستىگىنىڭ دالەلى رەتىندە, سالاماتتى ءومىر سالتىن قالىپتاستىرۋدى ءوزىڭنەن باستاۋىڭ كەرەك, دەپ وڭتۇستىك قازاقستان وبلىسىنىڭ اكىمى ا. مىرزاحمەتوۆ اعىمداعى جىلدىڭ 7 قىركۇيەگىندە ۇزىندىعى 50 مەتردى قۇرايتىن باسسەيىندە ءجۇزۋدەن دەنساۋلىق فەستيۆالىنە قاتىستى. 8 قىركۇيەك كۇنى «دەنساۋلىق فەستيۆالى» سپورتتى ناسيحاتتاۋ ماقساتىندا شىمكەنت تەمىر جول ۆوكزالىنان «تاۋەلسىزدىك» مونۋمەنتىنە دەيىن 1600 شاقىرىمدا جۇگىرۋ مارافونىمەن جالعاستى.
وقو اكىمىنىڭ ورىنباسارى ب. ناجمەتدين ۇلى باستاعان مارافونعا, وبلىس باسقارمالارى مەن دەپارتامەنت باسشىلارى, سپورتشىلار, جوعارى وقۋ ورىندارى جانە كوللەدج ستۋدەنتتەرى, سونىمەن بىرگە ۆەلوسپورتشىلار اتسالىستى.
ۇلتتىق سپورتتىڭ بارلىق ءتۇرى كورسەتىلىپ, شارشى الاڭداردا قىزۋ جارىس بولدى. سپورتشىلار ونەرلەرىمەن ءتانتى ەتتى.
سونىمەن قاتار, ءىس-شارا بارىسىندا «اكەم, انام جانە ءبىز» دەگەن اتپەن ەگىزدەر اراسىندا وتباسىلىق ەستافەتاسى وينالىپ, وقۋشىلاردىڭ جەمىس-جيدەكتەردەن جاسالعان ءتۇرلى كومپازيتسيالارىنىڭ كورمەسى بويىنشا مەكتەپارالىق «كۇز سىيى» بايقاۋى وتكىزىلدى.
فەستيۆال بارىسىندا جەرگىلىكتى تۇرعىندار ءۇشىن مەديتسينالىق قالاشىق ۇيىمداستىرىلدى. وبلىستىق, قالالىق ەمدەۋ مەديتسينالىق مەكەمەلەرىنىڭ ءبىلىكتى مەديتسينا قىزمەتكەرلەرى تۇرعىندار مەن قوناقتارعا تەگىن كەڭەستەر بەرىپ, ۋدز, فليۋروگرافيا, ستوماتولوگيالىق قىزمەت, قاننىڭ قۇرامىنداعى گليۋكوزانى انىقتاۋ, ەكگ اپپاراتتارى جۇمىس ىستەدى.
ءتىپتى وبلىستىق قان ورتالىعى تۇرعىنداردىڭ قان توبىن انىقتاۋمەن بىرگە بىرنەشە ەرىكتى دونورلاردى قابىلدادى. ال ول كىسىلەردىڭ تاپسىرعان قاندارى ءبىرنەشە جاننىڭ ءومىرىن ساقتاپ قالۋعا سەبەپشى بولعانىن ايتا كەتۋ كەرەك. سالاماتتى ءومىر سالتىن قالىپتاستىرۋ ماقساتىنداعى اقپاراتتىق تانىمدىق ماتەريالدار تاراتىلىپ, ۇگىت-ناسيحات جۇمىستارى جوعارى دەڭگەيدە ءوتتى.
«ورداباسى» الاڭى مەرەكەگە ساي بەزەندىرىلىپ, مۋزىكالىق كۇي تاسپادان سازدى اۋەندەر توگىلىپ, كونتسەرتتىك باعدارلامالار جۇرگىزىلىپ, ءانشىلەر مەن بيشىلەر جۇرتشىلىقتى ريزا ەتتى.
اتالمىش ءىس-شارا وڭتۇستىك قازاقستان وبلىسىنىڭ 14 اۋدانىندا ءبىر مەزەتتە وتكىزىلدى. اتاپ ايتساق – اكتسيا بارىسىندا سارىاعاش اۋدانىندا «اسىق ويىندارى», «قازاقشا كۇرەس», «جاياۋ ءجۇرىس» سايىستارى وتكىزىلسە, ارىس, وتىرار, تۇركىستان قالالارىندا سپورتتىق بي, باسكەتبول, شاعىن فۋتبول, ۆولەيبول, قول كۇرەسى, ارقان تارتۋ جارىستارى ۇيىمداستىرىلدى. ال كەنتاۋ قالاسىندا ءىس-شارا 14 كەزەڭنەن تۇراتىن جەڭىل اتلەتيكا تۇرىندە وتسە, ورداباسى اۋدانى ۆەلوسيپەد, سكەيتبورد, روليكتەرمەن جارىس وتكىزدى. بايدىبەك اۋدانىندا 10 مينوتتىك اەروبيكالىق جاتتىعۋ جاسالىنىپ, «قارا جورعا» ءبيى بيلەنسە, تۇلكىباس اۋدانىندا «ۇرپاقتان-ۇرپاققا وسيەت» اتتى قويىلىم مەن سۋرەت سالۋ بايقاۋى ءوتىپ, بالاباقشا بۇلدىرشىندەرى ەلىمىزدىڭ بەيبىتشىلىگىن نىق ۇستاۋ نيەتىمەن كوك جيەككە شارلار ۇشىردى.
ال تولەبي, شاردارا, ماقتاارال, قازىعۇرت, سايرام, سوزاق اۋداندارىندا اكتسياعا جينالعاندار دەنەشىنىقتىرۋ گيمناستيكاسىن جاساپ, 2400 م. قاشىقتىققا جۇگىرىپ ءوتتى.
اۋقىمى جىلدان-جىلعا كەڭەيە تۇسكەن بۇل شارا ءومىرشەڭدىگىن وسىلايشا دالەلدەپ بەردى.
جانات توعايبەكوۆا,
وبلىستىق سالاماتتى ءومىر سالتىن قالىپتاستىرۋ ورتالىعىنىڭ ديرەكتورى
شىمكەنت.
