دجيم يونگ كيمنىڭ وتستاۆكاسى تۋرالى دب ءباسپاسوز قىزمەتى حابارلادى. ء«وز ءىسىن جاقسى كورەتىن قىزمەتكەرگە تولى مەكەمەنىڭ پرەزيدەنتى بولۋ مەن ءۇشىن ۇلكەن مارتەبە», دەلىنگەن حابارلامادا.
ونىڭ ايتۋىنشا, قازىرگى تاڭداعى دب جۇمىسى «بۇرىنعىعا قاراعاندا وتە ماڭىزدى, سەبەبى الەمدە جاعدايى ناشار جانداردىڭ قاتارى كۇن ساناپ ءوسىپ كەلەدى. ال كليماتتىڭ وزگەرۋى, ىندەت, اشتىق جانە بوسقىنداردىڭ پروبلەمالارى كۇردەلەنە تۇسكەن».
بريتاندىق Guardian باسىلىمىنىڭ حابارلاۋىنشا, جۇمىستان كەتۋ بۇل − كيمنىڭ جەكە شەشىمى. مەكەمەنىڭ ءباسپاسوز بايانىندا جازىلعانداي, پرەزيدەنت وتستاۆكاعا كەتكەن سوڭ جەكە فيرماعا باسشى بولىپ, دامۋشى ەلدەردەگى ينفراقۇرىلىمدىق ينۆەستيتسيانى كوبەيتۋمەن اينالىسپاق.
سونداي اق دب باسشىسى 1987 جىلى ءوزىنىڭ قاتىسۋىمەن قۇرىلعان «دەنساۋلىق سالاسى» بويىنشا حالىقارالىق ۇكىمەتتىك ەمەس ۇيىمنىڭ باسقارما قۇرامىنا ورالۋدى جوسپارلاپ وتىر.
دجون يونگ كيم - دۇنيەجۇزىلىك دەنساۋلىق ساقتاۋ سالاسى بويىنشا بىلىكتى مامان.1959 جىلى سەۋلدە دۇنيەگە كەلگەن. بەس جاسىندا اتا-اناسىمەن بىرگە اقش-قا كوشىپ كەتكەن. 1991 جىلى گارۆاردتىڭ مەديتسينا مەكتەبىندە ماگيستر, 1993 جىلى دوكتور دارەجەسىن الدى. 2003-2005 جىلدار ارالىعىندا دۇنيەجۇزىلىك دەنساۋلىق ساقتاۋ ۇيىمىنىڭ ۆيچ جانە سپيد-پەن كۇرەس بولىمىندە جۇمىس ىستەگەن.
كيم كەتكەن سوڭ 1 اقپاننان باستاپ بانكتى اتقارۋشى ديرەكتور كريستالينا گەورگيەۆا باسقارادى.
اقمارال اعزامقىزى,
«ەگەمەن قازاقستان»
