قازاقستان پرەزيدەنتى ۇلى وتان سوعىسىنىڭ ارداگەرى, كورنەكتى مەملەكەت جانە قوعام قايراتكەرى سۇلتان جيەنباەۆتىڭ ومىردەن وتۋىنە بايلانىستى قايعىعا ورتاقتاسىپ, ونىڭ تۋعان-تۋىسقاندارى مەن جاقىندارىنا كوڭىل ايتتى.
«سۇلتان سۇلەيمەن ۇلى مايداندا ەرلىكپەن شايقاسىپ, ەلگە ورالعان سوڭ ءتۇرلى جوعارى لاۋازىمدى قىزمەتتەردى ابىرويمەن اتقارىپ, بىلىكتى باسشى جانە ىسكەر ۇيىمداستىرۋشى رەتىندە رەسپۋبليكامىزدىڭ ءوسىپ-وركەندەۋىنە زور ۇلەس قوستى. ۇزاق جىلدار بويى ساۋدا ءمينيسترى جانە مينيسترلەر كەڭەسى توراعاسىنىڭ ورىنباسارى بولىپ, ءوزى باسشىلىق جاساعان سالالاردىڭ زامان تالابىنا ساي دامۋىنا كوپ ەڭبەك ءسىڭىردى.
ول قۇرمەتتى دەمالىسقا شىققاننان كەيىن دە قوعام ومىرىنەن قول ۇزبەي, تاۋەلسىز ەلىمىزدە حالقىمىزدىڭ ىنتىماعى مەن بەرەكە-بىرلىگىنىڭ نىعايا تۇسۋىنە ءاردايىم اتسالىستى.
ەلى مەن حالقىن سۇيگەن ابزال جاننىڭ ءارى ابىز اقساقالدىڭ ەسىمى مەن ەڭبەگىن قازاقستاندىقتار ۇمىتپايدى دەپ ويلايمىن», – دەلىنگەن جەدەلحاتتا.
