تاۋەلسىزدىك مەرەكەسىندە ستەپنوگورسكىلىك سپورتشى بالالار اشىق اسپان استىندا جاتتىعۋعا مۇمكىندىك الدى. جاڭا الاڭعا وننان استام سپورتتىق قۇرال-جابدىقتار ورناتىلعان. نىساننىڭ قۇرىلىسىنا «سامۇرىق-قازىنا» اكتسيونەرلىك قوعامى «مەنىڭ ەلىم» الەۋمەتتىك جوباسى شەڭبەرىندە دەمەۋشىلىك كورسەتتى. سالتاناتتى شاراعا ستەپنوگورسك قالاسىنىڭ اكىمى ەركەبۇلان باياحمەتوۆ, «قازاتومونەركاسىپ كقز بك» سەرىكتەستىگىنىڭ ديرەكتورى تولەۋجان جەكسەمباەۆ جانە «سامۇرىق-قازىنا» اكتسيونەرلىك قوعامىنىڭ وكىلدەرى قاتىستى.
اتالمىش جوبا قالاداعى بالالار مەن جاستاردىڭ بۇقارالىق سپورتقا دەگەن قىزىعۋشىلىعىن ارتتىرۋدى كوزدەيدى. الداعى ۋاقىتتا بۇل باعىتتاعى جۇمىستار ودان ءارى جالعاساتىن بولادى.
بايقال ءبايادىل,
«ەگەمەن قازاقستان»
ستەپنوگورسك قالاسى
