«ارلاندار» – كەلەسى اينالىمدا
9 ناۋرىز كۇنى بۇكىلالەمدىك بوكس سەرياسى جارىسىنىڭ كەزەكتى جەكپە-جەكتەرى ءوتتى. مەحيكو, ماسكەۋ, باكۋ جانە ميلان قالالارىندا وتكەن باسەكەلەردە جارتىلاي فينالعا جولداما العان كوماندالار بەلگىلى بولدى.
سولاردىڭ ءبىرى بولعان «استانا ارلاندارى» كلۋبى اتلانت مۇحيتىنىڭ ار جاعىنداعى مەكسيكادا «مەحيكو قالاسىنىڭ جاۋىنگەرلەرى» كومانداسىمەن كەزدەسىپ, قارسىلاستارىن 4:2 ەسەبىمەن ۇتتى. ءسويتىپ, بىلىكتى باپكەرلەر بەيبىت ەسجانوۆ پەن ولەگ كوۆالچۋگ اتستەكتەر ەلىنە دايىنداپ بارعان كوماندا جارتىلاي فينالعا جولداما الىپ, جانكۇيەرلەرىن اسا ماڭىزدى جەڭىسىمەن قۋانتتى.
9 ناۋرىز كۇنى بۇكىلالەمدىك بوكس سەرياسى جارىسىنىڭ كەزەكتى جەكپە-جەكتەرى ءوتتى. مەحيكو, ماسكەۋ, باكۋ جانە ميلان قالالارىندا وتكەن باسەكەلەردە جارتىلاي فينالعا جولداما العان كوماندالار بەلگىلى بولدى.
سولاردىڭ ءبىرى بولعان «استانا ارلاندارى» كلۋبى اتلانت مۇحيتىنىڭ ار جاعىنداعى مەكسيكادا «مەحيكو قالاسىنىڭ جاۋىنگەرلەرى» كومانداسىمەن كەزدەسىپ, قارسىلاستارىن 4:2 ەسەبىمەن ۇتتى. ءسويتىپ, بىلىكتى باپكەرلەر بەيبىت ەسجانوۆ پەن ولەگ كوۆالچۋگ اتستەكتەر ەلىنە دايىنداپ بارعان كوماندا جارتىلاي فينالعا جولداما الىپ, جانكۇيەرلەرىن اسا ماڭىزدى جەڭىسىمەن قۋانتتى.
بۇعان دەيىن استانادا وتكەن جەكپە-جەكتە «ارلاندار» قارسىلاستارىنان 3:2 ەسەبىمەن باسىم تۇسكەن ەدى. سوندىقتان مەكسيكاداعى قارىمتا كەزدەسۋدە ءبىزدىڭ بوكسشىلار الدىنا كەم دەگەندە ءۇش جەكپە-جەكتە جەڭىلمەۋ كەرەك دەگەن ماقسات قويىلدى. ءبىزدىڭ قۋانىشىمىزعا وراي, كەشەگى كەزدەسۋدە بوكسشىلارىمىز بۇل ماقساتتى ارتىعىمەن ورىندادى. ولار ەكى كەزدەسۋدە عانا الاڭ يەلەرىنە ەسە جىبەرىپ, قالعان جەكپە-جەكتەردە ايقىن باسىمدىقپەن ۇتتى.
اتاپ ايتساق, 73 كيلوعا دەيىنگى سالماقتا كوماندا كاپيتانى قانات يسلام مەكسيكانىڭ بولگاريالىق لەگيونەرى ملادەن مانەۆتى, «ارلانداردىڭ» الجيرلىك لەگيونەرى ابدەلحافيد بەنشابلا (85 كگ.) رينگ قوجايىنى حاۆەر فرانتسيسكو ورتەگانى جەڭسە, ميراس بايىرحانوۆ (73 كگ.) قوسىمشا كەزدەسۋدە مەكسيكالىق حۋان انتونيو مەركادودان باسىم ءتۇستى. ال «ارلانداردىڭ» ماجارلىق لەگيونەرى يشتۆان بەرنادكە «جاۋىنگەرلەردىڭ» ساپىنداعى ەكۆادورلىق دجوردج كۋينونەزدىڭ شارشى الاڭعا شىقپاۋىنا بايلانىستى جەڭىس بەرىلدى.
وسى جەكپە-جەكتەردە قانات يسلام مەن ابدەلحافيد بەنشابلانىڭ ونەرلەرى ءسۇيسىنتتى. ق.يسلام وزىنە ءتان مانەرىمەن قارسىلاسىنىڭ بويى ۇزىن بولسا دا وعان باس كوتەرۋگە مۇرشا بەرمەي, بارلىق راۋندتاردى ساۋاتتى وتكىزىپ, مەكسيكالىقتى ساباپ تاستاسا, الجيرلىك لەگيونەر ءوزىنىڭ ايقاسىن وتە ساۋاتتى, وتە جوعارى دەڭگەيدە وتكىزدى. شارشى الاڭدا اشىق توبەلەسكە بارماي, الىستان عانا سوققىلار دارىتىپ, ۇپاي جيناعان بەنشابلا الاڭ يەسىنەن بارلىق راۋندتا ايلاسىن اسىرىپ كەتتى.
ال م.بايىرحانوۆ جەڭىسكە جەتسە دە, ونىڭ ايقاسى شىنى كەرەك, كوڭىلىمىزدەن شىقپادى. ونى قارا كۇشكە سالىپ جەڭدى دەسە دە بولادى. تەحنيكانىڭ جەتىسپەيتىندىگى بىردەن كورىنىپ تۇردى.
ەندى «ارلاندار» جارتىلاي فينالدا ماسكەۋدىڭ «ديناموسىمەن» كەزدەسەدى. ءبىرىنشى جەكپە-جەك استانادا 23 نە 24 ناۋرىز كۇندەرى وتسە, قارىمتا كەزدەسۋ ماسكەۋدە 30 نەمەسە 31 ناۋرىز كۇندەرى وتەدى. ەكىنشى جارتىلاي فينالدىق جۇپ ازەربايجاننىڭ «باكۋ وتتارى» مەن يتاليانىڭ «ميلان نايزاعايى» كلۋبتارىنىڭ اراسىندا وتەدى دەپ كۇتىلۋدە.
ماسكەۋلىك كوماندامەن «استانا ارلاندارى» بۇعان دەيىن ەكى رەت كەزدەسكەن. سونىڭ بىرىندە وتانداستارىمىز 3:2 ەسەبىمەن جەڭسە, ەكىنشىسىندە 5:0 ەسەبىمەن جەڭىلگەن بولاتىن. سوندىقتان الپىس ايلالى «ارلاندارعا» رەسەيلىك ۇجىمنان ايلاسىن اسىرىپ كەتۋ وڭاي بولماس. بىراق, ءۇمىتسىز – شايتان دەيدى, ءبىز «ارلاندارعا» سەنەمىز جانە كومانداعا كوپ ءۇمىت ارتامىز.
داستان كەنجالين.
