ۇلەس قوسقاندار ۇلگى تۇتىلدى
جۋىردا دۇنيەجۇزىلىك قازاق كۇرەسى فەدەراتسياسىنىڭ القا وتىرىسىندا سوڭعى جىلدارى قازاق كۇرەسىن دامىتۋعا قوسقان ۇلەسى ءۇشىن ءبىر توپ ازاماتتار ومىراۋ بەلگىسىمەن جانە ديپلومدارمەن ماراپاتتالدى. بۇل مەدال مەن ديپلومداردى فەدەراتسيا پرەزيدەنتى سەرىك توكەەۆ تابىس ەتتى.
جۋىردا دۇنيەجۇزىلىك قازاق كۇرەسى فەدەراتسياسىنىڭ القا وتىرىسىندا سوڭعى جىلدارى قازاق كۇرەسىن دامىتۋعا قوسقان ۇلەسى ءۇشىن ءبىر توپ ازاماتتار ومىراۋ بەلگىسىمەن جانە ديپلومدارمەن ماراپاتتالدى. بۇل مەدال مەن ديپلومداردى فەدەراتسيا پرەزيدەنتى سەرىك توكەەۆ تابىس ەتتى.
جيىندا قازاق كۇرەسىنە قوسقان ەرەن ەڭبەگى ءۇشىن دۇنيەجۇزىلىك قازاق كۇرەسى فەدەراتسياسىنىڭ 5 جىلدا ءبىر رەت بەرىلەتىن ومىراۋ بەلگىسى بەلگىلى باپكەر, ءتول كۇرەسىمىزدەن اقش-تا فەدەراتسيا اشقان ازامات الماس مۇسابەكوۆكە, قوستاناي وبلىستىق قازاق كۇرەسى فەدەراتسياسىنىڭ پرەزيدەنتى اسقار نامەتوۆكە, «ەگەمەن قازاقستان» گازەتىنىڭ ءتىلشىسى داستان كەنجالينگە, ءدۇنيەجۇزىلىك قازاق كۇرەسى فەدەراتسياسى باس حاتشىسىنىڭ مىندەتىن اتقارۋشى جادىرا قوشقارباەۆا مەن مەنەدجەرى باقىتنۇر ماديەۆاعا تاپسىرىلدى.
سونىمەن بىرگە, قازاق كۇرەسىنىڭ وركەندەۋىنە قوسقان ۇلەسى جانە ءسىڭىرگەن ەڭبەگى ءۇشىن ۇزدىك باپكەر اتاعىمەن عاني اقمۇراتوۆ (وڭتۇستىك قازاقستان), ەرلان ەستەك (استانا), ەرمەك ناسيەۆ (الماتى وبلىسى), سەرىك قورجەكەنوۆ (شىعىس قازاقستان) ماراپاتتالسا, قايىربەك وڭداعانوۆ (باتىس قازاقستان), نۇرلىبەك ەرماعامبەتوۆ (پاۆلودار وبلىسى) جانە عابيت تاجىبەنوۆ (قىزىلوردا وبلىسى) ۇزدىك تورەشى اتاعىنا يە بولدى.
كۇنسۇلتان وتارباي, جۋرناليست.
استانا.
