جاس فۋتبولشىلار برازيلياعا وقۋعا اتتاندى
برازيليانىڭ «ولە برازيل» اكادەمياسىنا ورىمدەي جاستار وقۋعا اتتاندى. جاس فۋتبولشىلاردى وبلىس اكىمىنىڭ ورىنباسارى ماحاببات بيگەلديەۆ قابىلداپ, ولارعا سىي-سياپات كورسەتىلدى.
– وسىدان ءۇش جىل بۇرىن ەلىمىزدىڭ ۇزدىك دەگەن ءجاسوسپىرىم سپورتشىلارى برازيلياداعى سان-پاولو شتاتى, ريبەران پرەتو قالاسىنىڭ «ولە برازيل» اكادەمياسىنا وقۋعا جىبەرىلگەن ەدى. ولاردىڭ تورتەۋى الماتى وبلىسىنىڭ سپورتشىلارى بولاتىن. فۋتبول اكادەمياسىندا بىلىمدەرى مەن ءتاجىريبەلەرىن شىڭداعان سپورتشىلارىمىز وتكەن جىلى ەلگە ورالىپ, فۋتبول ۇجىمدارىنىڭ قاتارىنا قوسىلدى. ماسەلەن, اسلان رافحات پەن بەرىك شايىحوۆ «استانا 64», مۇرات قالامبەكوۆ «جەتىسۋ» فۋتبول كلۋبىندا العان ءبىلىمدەرى مەن تاجىريبەلەرىن تانىتىپ, جاقسى ويىن ورنەگىن كورسەتىپ ءجۇر.
برازيليانىڭ «ولە برازيل» اكادەمياسىنا ورىمدەي جاستار وقۋعا اتتاندى. جاس فۋتبولشىلاردى وبلىس اكىمىنىڭ ورىنباسارى ماحاببات بيگەلديەۆ قابىلداپ, ولارعا سىي-سياپات كورسەتىلدى.
– وسىدان ءۇش جىل بۇرىن ەلىمىزدىڭ ۇزدىك دەگەن ءجاسوسپىرىم سپورتشىلارى برازيلياداعى سان-پاولو شتاتى, ريبەران پرەتو قالاسىنىڭ «ولە برازيل» اكادەمياسىنا وقۋعا جىبەرىلگەن ەدى. ولاردىڭ تورتەۋى الماتى وبلىسىنىڭ سپورتشىلارى بولاتىن. فۋتبول اكادەمياسىندا بىلىمدەرى مەن ءتاجىريبەلەرىن شىڭداعان سپورتشىلارىمىز وتكەن جىلى ەلگە ورالىپ, فۋتبول ۇجىمدارىنىڭ قاتارىنا قوسىلدى. ماسەلەن, اسلان رافحات پەن بەرىك شايىحوۆ «استانا 64», مۇرات قالامبەكوۆ «جەتىسۋ» فۋتبول كلۋبىندا العان ءبىلىمدەرى مەن تاجىريبەلەرىن تانىتىپ, جاقسى ويىن ورنەگىن كورسەتىپ ءجۇر.
ال راۋان ساريەۆ شەبەرلىگىنىڭ ارقاسىندا برازيليانىڭ «اتلەتيكو مينەيرو» كلۋبىمەن كەلىسىم-شارتقا وتىرىپ, تاۋەلسىز ەلدىڭ ابىرويىن اسقاقتاتىپ ءجۇر. «سپورتشىلاردىڭ ءىزىن جالعاستىرىپ, ءتاجىريبەدەن ءوتۋ ءۇشىن برازيلياعا جول ءجۇرىپ باراسىزدار. ساپارلارىڭا ءساتتىلىك تىلەيمىز. برازيلياداعى وقۋ-دايىندىقتان كەيىن «جەتىسۋ» فۋتبول كومانداسىنىڭ ساپىندا عانا ەمەس, قازاقستان قۇراما كومانداسىنىڭ قاتارىندا ەل نامىسىن قورعايدى دەگەن سەنىمدەمىز», دەدى ماحاببات سادۋاقاس ۇلى.
جاس فۋتبولشىلار دا ءاردايىم ەل سەنىمىن اقتايتىندىقتارىن ورتاعا سالدى. قۇشاقتارى گۇلگە تولىپ, جەرلەستەرىنىڭ ىستىق ءىلتيپاتىمەن ولار جولعا شىقتى.
كۇمىسجان بايجان,
الماتى وبلىسى.
سۋرەتتە: جاس فۋتبولشىلاردى شىعارىپ سالۋ ساتىنەن.
