جۇزدەن جۇيرىك جۇلدەگەرلەر
الماتىدا سپورت جانە دەنە شىنىقتىرۋ ىستەرى اگەنتءتىگىنىڭۇيىمداستىرۋىمەن 2011 جىلى سپورت سالاسىن دامىتۋدا ەلىءمىزگەەڭبەك سىڭىرگەن ءبىر توپ ازاماتتاردى ماراپاتتاۋعا ارنالعان ءداستۇرلىسپورت كەشى ءوتتى.
وعان اگەنتتىك توراعاسىنىڭ ورىنباسارى ەلسيار قاناعاتوۆ, شتاتتاعى ۇلتتىق كوماندالار جانە سپورت رەزەرۆى ديرەكتسياسىنىڭ ديرەكتورى قايىرگەلدى جانپەيىسوۆ, كورنەكتى قالامگەر سەيداحمەت بەردىقۇلوۆتىڭ ۇلى زاڭعار بەردىقۇلوۆ, قازاقستان سپورت باسپاسوزى قاۋىمداستىعىنىڭ پرەزيدەنتى, بەلگىلى جازۋشى, رەسپۋبليكالىق قازاق جانە ورىس ءتىلدى «Sport» جانە «سپورت» گازەتتەرىنىڭ باس ديرەكتورى – باس رەداكتورى نەسىپ ءجۇنىسباەۆ, حالىقارالىق ارەنادا ەلىمىزدىڭ نامىسىن قورعاپ جۇرگەن تانىمال سپورتشىلار مەن ولاردىڭ باپكەرلەرى, سپورت فەدەراتسيالارىنىڭ باسشىلارى مەن باق وكىلدەرى قاتىستى.
الماتىدا سپورت جانە دەنە شىنىقتىرۋ ىستەرى اگەنتءتىگىنىڭۇيىمداستىرۋىمەن 2011 جىلى سپورت سالاسىن دامىتۋدا ەلىءمىزگەەڭبەك سىڭىرگەن ءبىر توپ ازاماتتاردى ماراپاتتاۋعا ارنالعان ءداستۇرلىسپورت كەشى ءوتتى.
وعان اگەنتتىك توراعاسىنىڭ ورىنباسارى ەلسيار قاناعاتوۆ, شتاتتاعى ۇلتتىق كوماندالار جانە سپورت رەزەرۆى ديرەكتسياسىنىڭ ديرەكتورى قايىرگەلدى جانپەيىسوۆ, كورنەكتى قالامگەر سەيداحمەت بەردىقۇلوۆتىڭ ۇلى زاڭعار بەردىقۇلوۆ, قازاقستان سپورت باسپاسوزى قاۋىمداستىعىنىڭ پرەزيدەنتى, بەلگىلى جازۋشى, رەسپۋبليكالىق قازاق جانە ورىس ءتىلدى «Sport» جانە «سپورت» گازەتتەرىنىڭ باس ديرەكتورى – باس رەداكتورى نەسىپ ءجۇنىسباەۆ, حالىقارالىق ارەنادا ەلىمىزدىڭ نامىسىن قورعاپ جۇرگەن تانىمال سپورتشىلار مەن ولاردىڭ باپكەرلەرى, سپورت فەدەراتسيالارىنىڭ باسشىلارى مەن باق وكىلدەرى قاتىستى.
كەشتە اۋەلى سپورت جانە دەنە شىنىقتىرۋ ىستەرى اگەنتتىگىنىڭ توراعاسى تالعات ەرمەگياەۆتىڭ قۇتتىقتاۋ حاتى وقىلدى. وسىدان كەيىن قالىپتاسقان ءداستۇر بويىنشا ءارتۇرلى نوميناتسيالاردا سپورتتى دامىتۋعا قوسقان ۇلەسى ءۇشىن تاعايىندالعان سىيلىقتىڭ ءبىر توپ يەگەرلەرىن ماراپاتتاۋ ءراسىمى ءوتتى. ونى اگەنتتىك ءتوراعاسىنىڭ ورىنباسارى ەلسيار قاناعاتوۆ باستاعان ءبىر توپ سپورت سالاسىنىڭ باسشىلارى جۇرگىزدى. ماراپاتتاۋ ءراسىمىندە ەلسيار بايمۇحامبەت ۇلى ءسوز سويلەپ, سپورتشىلاردى وتكەن جىلعى تابىستارىمەن قۇتتىقتاپ, الداعى ۋاقىتتا وتەتىن جارىستاردا قۇرمەت تۇعىرىنىڭ ەڭ بيىك ساتىلارىنان كورىنە بەرۋلەرىنە تىلەكتەستىگىن ءبىلدىردى.
ودان ءارى جەڭىمپاز اتانعان سپورتشىلاردى ماراپاتتاۋ ءراسىمى ءوتىپ, مۇندا اۋەلى «جىلدىڭ ەڭ ۇزدىك سپورتشىسى» جۇلدەسىنىڭ جەڭىمپازى مەن «جىل سپورتشىسى» نوميناتسياسىندا جۇلدەگەر اتانعان سپورتشىلارعا ديپلوم تابىس ەتىلدى. ءسويتىپ, «جىلدىڭ ەڭ ۇزدىك سپورتشىسى» اتاعىنا اۋىر اتلەتيكادان ءۇش دۇركىن الەمنىڭ چەمپيونى يليا يلين يە بولدى. ال «جىل سپورتشىسى» جۇلدەسىمەن مىنا سپورتشىلار ماراپاتتالدى. بۇل نوميناتسيادا گرەك-ريم كۇرەسىنەن 2011 جىلعى الەم چەمپيوناتىنىڭ كۇمىس جۇلدەگەرى, 2010 جىلعى قولا جۇلدەگەرى المات كەبىسباەۆ (باپكەرى – ب.قوڭىراتوۆ), بوكستان ەكى دۇركىن الەم چەمپيونى سەرىك ساپيەۆ (باپكەرى – ا.سترەلنيكوۆ), باكۋدە وتكەن الەم چەمپيوناتىنىڭ كۇمىس جۇلدەگەرى ادىلبەك نيازىمبەتوۆ (باپكەرى – م.جاقيەۆ), دزيۋدودان 2009 جىلعى الەم چەمپيونى ماكسيم راكوۆ (باپكەرى – ت.بايشولاقوۆ), سامبودان ءتورت دۇركىن الەم چەمپيونى ەربولات بايباتىروۆ (باپكەرى – م.وڭداعانوۆ), اۋىر اتلەتيكادان الەم چەمپيونى ءزۇلفيا چينشانلو (باپكەرى – ۆ. جانە ا.ني), 2009-2010 جىلدارداعى الەم چەمپيونى سۆەتلانا پودوبەدوۆا (باپكەرى – ا.ني), جەڭىل اتلەتيكادان 2010 جىلعى الەم چەمپيونى ولگا رىپاكوۆا (باپكەرى – س.رىپاكوۆ) مەن بىلتىرعى جىلى تۇڭعىش رەت ءتول كۇرەسىمىزدەن وتكەن «قازاقستان بارىسى» ءتۋرنيرىنىڭ جەڭىمپازى ۇلان رىسقۇل (باپكەرى – س.مۇستافاەۆ) «جىل سپورتشىسى» اتاعىن يەلەندى.
سونداي-اق, كەشتە شاحماتتان جاسوسپىرىمدەر اراسىندا ءتورت دۇركىن الەم چەمپيونى اتانعان قارشاداي قىزىمىز جانسايا ابدىمالىككە «جىل جارقىلى», ال وتكەن جىلى تۇڭعىش رەت الەم چەمپيونى ءتاجىن باسىنا ولشەپ كورگەن تاعى ءبىر بالاۋسا قىزىمىز ءبيبىسارا اساۋباەۆاعا «جىل اشار» اتاعى بەرىلدى. ودان كەيىن اۋىر اتلەتيكادان, گرەك-ريم كۇرەسىنەن جانە بوكستان قازاقستان ۇلتتىق قۇراماسىنىڭ باس باپكەرلەرى الەكسەي نيگە, مۇراتبەك قاسىمحانوۆ پەن مىرزاعالي ايتجانوۆقا «جىلدىڭ ۇزدىك جاتتىقتىرۋشىسى» اتاعى تابىس ەتىلدى.
كەشتە ەلىمىزدىڭ ەڭ ۇزدىك سپورت جانە دەنە شىنىقتىرۋ باسقارمالارى دا ماراپاتتالدى. مۇندا ءۇش ءوڭىردىڭ باسقارمالارى ۇزدىك دەپ تانىلدى. ولار – الماتى, قاراعاندى جانە قىزىلوردا وبلىستىق باسقارمالارى. بۇل جۇلدەگە م.تۇرسىنبەكوۆ (الماتى وبلىسى), ر.قوجابەكوۆ (قاراعاندى وبلىسى) پەن س.مۇستافاەۆ (قىزىلوردا وبلىسى) يە بولدى. سونىمەن بىرگە, 2011 جىلعى ەڭ ۇزدىك سپورت فەدەراتسياسى نوميناتسياسىندا اۋىر اتلەتيكا, بوكس جانە شاحمات فەدەراتسيالارى ديپلومدارمەن ماراپاتتالدى.
سپورت كەشەنىندە مۇگەدەك سپورتشىلاردىڭ ەڭبەگىنە باعا بەرىلدى. بۇل جۇلدە ەكى قولىنان ايىرىلسا دا, اياعىمەن ءجۇزىپ الەم چەمپيونى اتانعان ميحايل ەرەمەنكو مەن الەم چەمپيونى سىزدىق داليەۆكە تاپسىرىلدى. وسىدان كەيىن سپورتشىلاردىڭ جارىس جولىنداعى جەتىستىكتەرىن العاشقى بولىپ جۇرتشىلىققا جەتكىزەتىن جۋرناليستەردىڭ ەڭبەگى دە ەسكەرۋسىز قالمادى. وسى بايقاۋدا «ەگەمەن قازاقستان» گازەتىنىڭ ءتىلشىسى داستان كەنجالين, «قازاقستان» ۇلتتىق تەلەارناسىنىڭ جۋرناليسى دينا ىسقاقوۆا مەن «استانا سپورت» جۋرنالىنىڭ شولۋشىسى جانار وتەشوۆا 2011 جىلعى سەيداحمەت بەردىقۇلوۆ اتىنداعى سىيلىقتىڭ لاۋرەاتى اتاندى.
وسى كۇنى سپورت كەشى قازاقستان سپورت ءباسپاسوز قاۋىمداستىعىنىڭ كەزەكتى وتىرىسىمەن جالعاستى. جيىندا قاۋىمداستىق پرەزيدەنتى ن.ءجۇنىسباەۆ جاڭادان قۇرىلعان ۇيىمنىڭ جۇمىسى, جاقىندا عانا اۆستريانىڭ ينسبۋرگ قالاسىندا وتكەن حالىقارالىق سپورت ءباسپاسوز قاۋىمداستىعىنىڭ 75-ءشى كونگرەسى تۋرالى مالىمەتتەر بەردى. ودان كەيىن ول قسبق-نى دامىتۋداعى ويلارمەن ءبولىستى.
وتىرىستا كوتەرىلگەن تاعى ءبىر ماسەلە – اتقارۋشى كوميتەتتىڭ مۇشەلىگىنە لايىقتى جۋرناليستەردى تاڭداۋعا ارنالدى. قازىر وعان 29 سپورت شولۋشىسى مۇشە بولسا, الداعى ۋاقىتتا ارقايسىسىنىڭ ەڭبەگىنە قاراي اتقارۋشى كوميتەتتىڭ مۇشەسى بولۋعا لايىقتىلار عانا تاڭداپ الىناتىنى ايتىلدى. وسىدان كەيىن قاۋىمداستىق جانىنان ارداگەرلەر كەڭەسىن قۇرۋ ماسەلەسى ءسوز بولدى. بۇل كەڭەستىڭ مۇشەلىگىنە بەلگىلى قالامگەرلەر سۇلتانعالي قاراتاەۆ, رابات جانىبەكوۆ پەن سايىن تۇرسىنوۆ سايلاندى. ولارعا جيىندا قازاقستان سپورت باسپاسوز قاۋىمداستىعىنىڭ اتىنان سىيلىقتار تابىس ەتىلدى.
قانات ەسكەندىر.
الماتى.
سۋرەتتى تۇسىرگەن يۋري بەككەر.
