Fitbit – پوليتسەيلەر كومەكشىسى

كريستين حاۋسەر, «نيۋ-يورك تايمس»

پوليتسيا مالىمدەمەسىنە قاراعاندا, ۇيدەگى بايقالمايتىن باقىلاۋشى كەزدەسۋدىڭ سوڭى ادام ولىمىمەن اياقتالعانىن كورسەتكەن. 

بەس كۇننەن كەيىن ايەللونىڭ وگەي قىزى 67 جاستاعى كارەن ناۆاررانىڭ موينى مەن باسىنا اۋىر جاراقات تۇسكەن دەنەسىن ءۇي قىزمەتشىسى تاۋىپ العان. ول Fitbit كومپانياسىنىڭ دەنە جاعدايىن باقىلايتىن قۇرىلعىسىن تاعىپ العان ەكەن. تەرگەۋشىلەردىڭ ايتۋىنشا, 

8 قىركۇيەكتە تۇسكى 3:20 شاماسىندا ونىڭ جۇرەك سوعىسى اتقاقتاپ كەتكەنىن كورسەتىپتى. سول ۋاقىتتا ايەللو مىرزا ۇيدە بولعان. كەيىننەن قۇرىلعى جۇرەك سوعىسى بىردەن باياۋلاپ, 3:28-دە ءبىرجولا توقتاعانىن تىركەگەن. بۇل ايەللونىڭ ۇيدەن كەتۋىنەن 5 مينۋت بۇرىن بولاتىن. 

كەيىنىرەك ايەللو ادام ولتىرگەنى ءۇشىن تۇتقىنعا الىندى. ادامداردىڭ ءوز دەنساۋلىعىن باقىلاۋىنا كومەكتەسەتىن قۇرىلعى اقىرىندا ۇيالى تەلەفوندار, GPS ناۆيگاتورلار, ۆيدەولار سەكىلدى زاڭ اياسىندا قىلمىستى اشۋعا قولدانىلاتىن تەحنولوگيالاردىڭ قاتارىنان تابىلدى. 

دەنەگە تاڭىلعان مۇنداي قۇرىلعى ادام ءومىرى ءۇشىن اسا ماڭىزدى. جۇرەك سوعىسى, ۇيقى جانە فيزيكالىق قوزعالىستىڭ ءبارىن تىركەيتىن اپپارات كەنەت كەزدەسەتىن قيىن جانە قالىپتى وقيعالاردىڭ ءبارىن تىركەپ وتىرادى. 

Fitbit-ءتىڭ جيناعان دەرەكتەرى 

2015 جىلى پەنسيلۆانيا شتاتىنداعى زورلاۋ وقيعاسىن, 2014 جىلى كانادادا دەنە جاراقاتىن سالۋ ءساتىن انىقتاۋعا كومەكتەستى. 2017 جىلى سيەتل شتاتىندا Garmin Vivosmart كومپانياسىنىڭ GPS ناۆيگاتورى ايەل مەن بۇزاقىنىڭ وقي­عاسىن تىركەدى. سول جىلى كون­نەكتيكۋتتا تەرگەۋشىلەر ايەلىن ولتىرگەن ەر ادامدى Fitbit قۇرىلعىسى ارقىلى ۇستادى. 

«ەسىكتەگى قاۋىپسىزدىك قوڭىراۋى مەن Fitbit سەكىلدى ومىردەگى كەيبىر ماسە­لەلەرگە كومەكشى قۇرالدار اسا قاۋىپ­تى قىلمىستاردىڭ بەتىن اشۋعا كومەك­تە­سەدى», دەيدى كاليفورنيا شتاتىنداعى سانتا كلارا وكرۋگىنىڭ اۋداندىق ادۆوكاتى دجەفف روسەن. 

پوليتسيانىڭ ايتۋىنشا, سان حوسەدەگى وقيعادا ولار تەرگەۋ بارىسىندا بەينەباقىلاۋ مەن ناۆاررا حانىمنىڭ Fitbit قۇرىلعىسىنداعى دەرەكتەردى پاي­دا­لانعان. جالعىز تۇراتىن ونىڭ بىلەزى­گىنە تاعىلعان اپپارات دەرەكتەردى ۇيىندەگى كومپيۋتەرگە جۇكتەگەن. 

پوليتسيا ناۆاررا حانىمنىڭ Fitbit دەرەكتەرىن بەينەباقىلاۋمەن سالىستىرعاندا, ونىڭ جۇرەگى توقتاعان ۋاقىتتا ايەللونىڭ كولىگى ءالى دە ءۇيدىڭ قاسىندا تۇرعانىن انىقتادى. 

پوليتسيا دەتەكتيۆى برايان ميكەردىڭ ايتۋىنشا, ايەللودان جاۋاپ الۋ كەزىندە وعان قارسى مالىمەتتەر ايتىلدى. «Fitbit-ءتىڭ ۋاقىتتى, فيزيكالىق قوزعالىستى جانە جۇرەك سوعىسىن تىركەۋ قابىلەتى تۋرالى تۇسىندىرىلگەننەن كەيىن, ناۆاررا حا­نىمنىڭ ول ۇيدەن كەتپەس بۇرىن قايتىس بولعانى تۋرالى ايتىلدى», دەلىنگەن دەتەكتيۆ ميكەردىڭ بايانداماسىندا. 

ايەللو ونىڭ مۇمكىن ەمەس ەكەنىن, نا­ۆاررا حانىمنىڭ ەسىككە دەيىن شىعا­رىپ سالعانىن ايتىپ وزەۋرەدى. 

«مەن وعان ەكى جۇيەدە دە ينتەرنەت ۋا­قىتى قويىلعانىن جانە قاتەلەسۋى مۇم­كىن ەمەس ەكەنىن ءتۇسىندىردىم», دەيدى دەتەكتيۆ ميكەر. 

بۇدان سوڭ دەتەكتيۆتەر ايەللونى تەرگەۋ بول­مەسىنە جالعىز قالدىرىپ كەتەدى. پو­­لي­تسيا بايانداماسىنا سۇيەنسەك, سودان كەيىن ول ء«بارى ءبىتتى», دەگەندى قايتالاي بەرگەن.

ماقالالاردى اۋدارعان

اباي اسانكەلدى ۇلى,

سۆەتلانا عالىمجانقىزى, 

«ەگەمەن قازاقستان»