ينۆەستيتسيالار جانە دامۋ مينيسترلىگىنىڭ مالىمەتىنە قاراعاندا, وسى جىلدىڭ 9 ايىنىڭ قورىتىندىسى بويىنشا «نۇرلى جەر» مەملەكەتتىك باعدارلاماسى ارقاسىندا 8,8 ملن شارشى مەتر تۇرعىن ءۇي پايدالانۋعا بەرىلدى, بۇل 2017 جىلدىڭ سايكەس كەزەڭىمەن سالىستىرعاندا 11,6%-عا ارتىق.
«77 مىڭنان استام وتباسى تۇرعىن ءۇي جاعدايىن جاقسارتتى, ونىڭ ىشىندە 9,5 مىڭعا جۋىق وتباسى مەملەكەتتىك قارجى ەسەبىنەن سالىنعان باسپاناعا قول جەتكىزدى», — دەيدى قر ينۆەستيتسيالار جانە دامۋ ءمينيسترى ج. قاسىمبەك.
تۇرعىن ءۇي قۇرىلىسىنا سالىنعان ينۆەستيتسيا وتكەن جىلدىڭ سايكەس كەزەڭىمەن سالىستىرعاندا 31,5%-عا ارتىپ, 818,9 ملرد تەڭگەگە جەتتى. مەملەكەتتىك ينۆەستيتسيانىڭ 1 تەڭگەسىنە جەكە ينۆەستيتسيالاردان 8 تەڭگە سالىندى. بيىلعى 9 ايدىڭ قورىتىندىسى بويىنشا, تۇرعىن ءۇيدى پايدالانۋعا بەرۋ كولەمى جاعىنان استانا (1,8 ملن م2), الماتى (1,3 ملن م2) قالالارى مەن ماڭعىستاۋ وبلىسى (910,5 مىڭ م2) كوش باستاپ تۇر.
«بيىل 12,1 ملن شارشى مەتر تۇرعىن ءۇيدى ىسكە قوسۋدى جوسپارلاپ وتىرمىز, ونىڭ 1,3 ملن م2 نەمەسە 22 مىڭ پاتەرى مەملەكەتتىك ينۆەستيتسيالار اياسىندا جۇزەگە اسىرىلادى», — دەپ اتاپ ءوتتى ج. قاسىمبەك ءوز بايانداماسىندا.
مينيسترلىكتىڭ مالىمەتىنە سۇيەنسەك, 2018 جىلى مەملەكەتتىك باعدارلامانى ىسكە اسىرۋعا رەسپۋبليكالىق بيۋدجەتتەن 148,6 ملرد تەڭگە قاراستىرىلعان. قارجىلاندىرۋ جوسپارىنا سايكەس تۇرعىن ءۇي قۇرىلىسى اۋماعىنا ينجەنەرلىك كوممۋنيكاتسيالاردى جەتكىزۋ ءۇشىن 44,6 ملرد تەڭگە اۋدارىلعان, ونىڭ 40,8 ملرد تەڭگەسى نەمەسە 91,7% يگەرىلدى. 500 كم ينجەنەرلىك جەلى سالىندى.
سونىمەن قاتار, ج. قاسىمبەك باعدارلامانىڭ بولەك باعىتتارىنىڭ قالاي جۇزەگە اسىپ جاتقانى تۋرالى باياندادى.
بيىل «حالىقتىڭ الەۋمەتتىك ءالسىز توپتارى ءۇشىن ساتىپ الۋ قۇقىعىنسىز جالعا بەرىلەتىن تۇرعىن ءۇي قۇرىلىسى» باعىتى بويىنشا 3470 پاتەر سالۋ جوسپارلانۋدا.
«بيىلعى 1 قازانداعى جاعداي بويىنشا, جالعا بەرىلەتىن 1176 پاتەر تاپسىرىلدى. بولىنگەن 26,9 ملرد تەڭگەنىڭ وڭىرلەرگە 21,3 ملرد تەڭگەسى جەتتى. ونىڭ 20,1 ملرد تەڭگەسى نەمەسە 96,7%-ى يگەرىلدى. جالپى, مەملەكەت باسشىسىنىڭ جولداۋى اياسىندا جالعا بەرىلەتىن تۇرعىن ءۇي قۇرىلىسىن قارجىلاندىرۋدى 50 ملرد تەڭگەگە دەيىن ۇلعايتۋدى جوسپارلاپ وتىرمىز»,— دەدى مينيستر.
«نەسيەلىك تۇرعىن ءۇي قۇرىلىسى» اتتى ەكىنشى باعىتقا وبليگاتسيالىق قارىزدىڭ ءبىر بولىگى رەتىندە 2 جىل سايىن اينالىمعا 207 ملرد تەڭگە باعىتتالادى. ج. قاسىمبەكتىڭ ايتۋىنشا, اتالعان باعىتتى ىسكە اسىرۋ ءۇشىن ۇلتتىق قوردان بايتەرەك حولدينگى ارقىلى 2016 جىلى اكىمدىكتەرگە 67 ملرد تەڭگە ءبولىندى. 2017 جىلدان باستاپ اكىمدىكتەرگە بايتەرەك حولدينگى مەن سامۇرىق-قازىنا قورىنان بولىنگەن قوسىمشا قاراجاتتار قايتا باعىتتالدى. بيىل مينيسترلىك 141 جوبانى ىسكە اسىرۋ ءۇشىن اكىمدىكتەرگە 100,9 ملرد تەڭگە قارجى بەرۋدى جوسپارلاپ وتىر. بۇل قاراجات 9793 پاتەردىڭ قۇرىلىسىنا جۇمسالادى. 2018 جىلدىڭ 5-قاراشاسىنداعى ەسەپ بويىنشا, اكىمدىكتەر 93 ملرد تەڭگە تارتقان. 180,5 مىڭ م2 تۇرعىن ءۇي نەمەسە 3096 پاتەر پايدالانۋعا بەرىلدى. جىل سوڭىنا دەيىن 6697 پاتەر حالىق يگىلىگىنە بەرىلەدى.
«جەكە تۇرعىن ءۇي قۇرىلىسىن دامىتۋ» باعىتى اياسىندا بيىل شامامەن 40 مىڭ جەر ۋچاسكەسى ينجەنەرلىك كوممۋنيكاتسيامەن قامتاماسىز ەتىلەدى. قازىرگى ۋاقىتتا شامامەن 16,5 مىڭ جەر تەلىمى بەرىلگەن.
«جەكە قۇرىلىس سالۋشىلاردى تۇرعىن ءۇي سالۋعا ىنتالاندىرۋ» ءتورتىنشى باعىتىن ىسكە اسىرۋ وپەراتورى — «دامۋ» كاسىپكەرلىكتى دامىتۋ قورى. قور دەرەكتەرىنە سايكەس, قۇرىلىس سالۋشىلارعا سۋبسيديالاناتىن نەسيەلەردى بەرۋ جوسپارى 600 مىڭ شارشى مەتر تۇرعىن ءۇي قۇرىلىسىنا شاققاندا 152 ملرد تەڭگەنى قۇرايدى. بۇگىندە جەكە قۇرىلىس سالۋشىلار 138,5 مىڭ ش.م. تۇرعىن ءۇيدى پايدالانۋعا بەرگەن. جالپى, باعدارلاما ىسكە اسىرىلا باستاعاننان بەرى بانكتەر 67,2 ملرد تەڭگە سوماسىنا نەسيەلەر سوماسىنا 77 جوبانى ماقۇلداعان, ونىڭ ىشىندە 42,9 ملرد تەڭگەگە سۋبسيديالاۋ بويىنشا 46 كەلىسىمشارت جاسالعان.
بەسىنشى «كۆازيمەملەكەتتىك سەكتور سۋبەكتىلەرىن تارتۋ ارقىلى تۇرعىن ءۇي سالۋ» باعىتى بويىنشا ج. قاسىمبەكتىڭ ايتۋىنشا, بۇرىن باستالعان جوبالار بويىنشا تۇرعىن ءۇي قۇرىلىسىن اياقتاۋ قاراستىرىلعان. «بايتەرەك دەۆەلوپمەنت» اق 2016 ج. ۇلتتىق قوردان بولىنگەن قاراجات ەسەبىنەن 95,6 ملرد تەڭگەگە كەلىسىمشارت جاسالدى, 93,5 ملرد تەڭگە نەمەسە 97,8% يگەرىلدى.
«بۇگىندە 578,4 مىڭ ش.م. نەمەسە 9669 پاتەر پايدالانۋعا بەرىلگەن. “سامۇرىق-قازىنا” قورى 2016 جىلى بولىنگەن 97 ملرد تەڭگەدەن 75,9 ملرد تەڭگەگە كوممەرتسيالىق تۇرعىن ءۇي قۇرىلىسىنا كەلىسىمشارتتار جاساسقان. جىل سوڭىنا دەيىن “سامۇرىق-قازىنا” قالعان 50,3 ملرد تەڭگەنى قايتارۋى ءتيىس. بۇل قاراجاتتى جەرگىلىكتى اتقارۋشى ورگاندار نەسيەگە بەرىلەتىن تۇرعىن ءۇي قۇرىلىسىن قارجىلاندىرۋعا جۇمسايدى», — دەدى مينيستر ج. كاسىمبەك.
بۇگىندە قور قۇرىلىس سالۋشىلارعا 68,8 ملرد تەڭگە (96,9%) اۋداردى, 162,7 مىڭ ش.م. كوممەرتسيالىق تۇرعىن ءۇي ەنگىزىلدى. تاپسىرىلعان تۇرعىن ۇيدەن باسقا, 22 مىڭ تۇرعىن ءۇيدىڭ قۇرىلىسىن اياقتاۋ جوسپارلانعان (ونىڭ ىشىندە مەملەكەتتىك ينۆەستيتسيالار اياسىندا 13 133 پاتەر بار).
«جالپى, تۇرعىن ءۇي قۇرىلىسى مەن قاراجاتتىڭ يگەرىلۋى تۇراقتى باقىلاۋعا الىنعان. تۇرعىن ءۇي قۇرىلىسى بەلسەندى دامىپ جاتىر, بۇل ازاماتتاردىڭ تۇرعىن ءۇي جاعدايلارىنىڭ ءبىرشاما جاقسارۋىنا, قۇرىلىستىڭ ءوسۋ قارقىنىنىڭ ارتۋىنا, سونىمەن قاتار كاسىپكەرلىك باستامالاردىڭ دامۋىنا سەپتىگىن تيگىزەدى», — دەپ تۇيىندەدى ج. قاسىمبەك.
«بايتەرەك» ۇبح اق توراعاسى ا. ءارىپحانوۆ «بايتەرەك دەۆەلوپمەنت» اق جەلىسى بويىنشا 2016 ج. بولىنگەن 113 ملرد تەڭگەدەن 95,6 ملرد تەڭگەگە كەلىسىمشارتتار جاسالعانىن ايتتى, ا.ج. 1 قازانداعى جاعداي بويىنشا 94,9 ملرد تەڭگە نەمەسە 99,2% يگەرىلگەن. 2018 جىلى جوسپاردا 34 مىڭ ش.م., 24,9 مىڭ ش.م. نەمەسە 73% سالىنعان. قوسىمشا 2018 جىلدىڭ سوڭىنا دەيىن 9,9 مىڭ ش.م. تۇرعىن ءۇي تاپسىرىلادى.
ءوز كەزەگىندە تۇرعىنۇيقۇرىلىسجيناقبانكى ءوز سالىمشىلارى ءۇشىن سۇرانىس پەن سالىنعان تۇرعىن ءۇيدى ساتۋدى ىنتالاندىرادى. جىلدىق جوسپار — 270 ملرد تەڭگە, تۇرعىندارعا 274 ملرد تەڭگە سوماسىنا 30 مىڭ جەڭىلدىكپەن زايم بەرىلگەن. قازىرگى تاڭدا تۇرعىنۇيقۇرىلىسجيناقبانكى جۇيەسى بويىنشا 568 ملرد تەڭگە جيناقتاۋ سوماسىمەن 1,2 ملن كەلىسىمشارت جاسالعان.
«تۇرعىن ءۇي قۇرىلىسى جيناقتارىن ودان ءارى ىنتالاندىرۋ ءۇشىن ونلاين-بانكينگ جۇيەسى جانە BASPANA.KZ جىلجىمايتىن م ۇلىك ينتەرنەت-پورتالى بەلسەنە دامىپ جاتىر. پورتال پلاتفورماسىندا بارلىق سالىمشىلار, قۇرىلىس سالۋشىلار مەن مەملەكەتتىك ورگاندار بىرىكتىرىلگەن. ەندى قازاقستاندىقتار “نۇرلى جەر” باعدارلاماسىنىڭ قىزمەتتەرى بويىنشا ونلاين-كەڭەس, دايىن بولعان جانە سالىنىپ جاتقان نىساندار, ءبىر شارشى مەترىنىڭ قۇنى جانە بانك ونىمدەرى تۋرالى اقپاراتتى الا الادى. بۇگىندە پورتال ارقىلى تۇرعىندارعا بەكىتىلگەن باعا بويىنشا 80 ملرد تەڭگەگە 11 مىڭ پاتەر ساتىلعان», — دەدى ا. ءارىپحانوۆ.
وڭىرلەردە مەملەكەتتىك باعدارلامالاردىڭ ىسكە اسىرىلۋ بارىسى تۋرالى ماڭعىستاۋ وبلىسىنىڭ اكىمى ە. توعجانوۆ, اتىراۋ وبلىسىنىڭ اكىمى ن. نوعاەۆ, الماتى قالاسىنىڭ اكىمى ب. بايبەك پەن استانا قالاسىنىڭ اكىمى ب. سۇلتانوۆ باياندادى.
