«قارۋلى كۇشتەردىڭ ارداگەرلەرى» رەسپۋبليكالىق قوعامدىق بىرلەستىگىنىڭ شقو بويىنشا قر قك ارداگەرلەرى جانە ايەل اسكەري قىزمەتشىلەر مەن وتباسىمەن جۇمىستى ۇيىمداستىرۋ قىزمەتىنىڭ قىزمەتكەرلەرى دە جاس ساربازداردىڭ اسكەري ومىرگە بەيىمدەلۋىنە ۇلكەن ۇلەس قوسۋدا. اتاپ ايتقاندا, ءبولىم كومانديرىنىڭ نۇسقاۋىمەن ساربازداردىڭ مورالدىق-ىسكەرلىك, اسكەري قىزمەتكە دەيىنگى وتباسىلىق جانە تۇرمىستىق جاعدايلارىن زەردەلەۋگە جۇمىلدىرىلىپ, اڭگىمەلەسۋ كەزىندە اتا-انالارىنا قوڭىراۋ شالىپ, بالالارىنىڭ ۇنەمى قامقورلىقتا ەكەنىن جەتكىزۋدە.
2018 جىلعى 1 قاراشاداعى ءىس-شاراعا شقو بويىنشا قر قك ارداگەرلەر كەڭەسىنىڭ توراعاسى, زاپاستاعى پودپولكوۆنيك توكەن ءبىلالوۆ پەن اۋعان سوعىسىنىڭ قاتىسۋشىسى, زەينەتتەگى پراپورششيك تاتيانا كۋليشتىڭ جاس ساربازداردىڭ جوسپارلى كەزدەسۋى ءوتتى.
«كەزدەسۋدە ارداگەرلەر جاس ساربازدارعا وتانعا ادال قىزمەت ەتۋ باستى مىندەتتەرى ەكەندىگىن باسا ايتىپ, الداعى اسكەري انت قابىلداۋ مەرەكەسىندە تاعى دا ولارمەن جانە اتا-انالارىمەن كەزدەسەتىندەرىن جەتكىزسە, كۋرسانت نيكيتا بوگومولوۆ كەزدەسۋدەن العان اسەرى مەن وزىنە دەگەن سەنىمدىلىكتى اڭعارتىپ, 2018 جىلدىڭ 2 شاقىرىلىمىنداعى جاس ساربازدار اتىنان ارداگەرلەرگە العىسىن جەتكىزدى», - دەيدى 27943 اسكەري ءبولىمىنىڭ يدەولوگيالىق جۇمىستار, ارنايى ناسيحات جانە مەملەكەتتىك-قۇقىقتىق دايىندىق بويىنشا اعا وفيتسەرى, كاپيتان نۇرجان مالعاجداروۆ.
ازامات قاسىم,
«ەگەمەن قازاقستان»
وسكەمەن
