الەم • 04 قاراشا, 2018

بۇۇ قازاقستان ۇسىنعان دەكلاراتسياعا سەنىمدى قولداۋ تانىتتى

956 رەت
كورسەتىلدى
4 مين
وقۋ ءۇشىن

بۇۇ باس اسسامبلەياسى 73-ءشى سەسسياسىنىڭ ءبىرىنشى كوميتەتىندە حالىقارالىق قوعامداستىق يادرولىق قارۋدان ازات الەم قۇرۋ تۋرالى جالپىعا بىردەي دەكلاراتسياسىنىڭ وزەكتىلىگىن باسىم كوپشىلىكپەن قۇپتاپ ءوتتى. قازاقستاننىڭ بۇل باستاماسى العاش رەت 2015 جىلعى 7 جەلتوقساندا بۇۇ باس اسسامبلەياسىمەن قابىلدانعان. وسى جولى ءتيىستى قارارعا 135 مۇشە-مەملەكەت قولداۋ تانىتىپ, 41 مەملەكەت وعان تەڭ اۆتور بولدى. بۇعان دەيىن, 2015 جىلى قارارعا 131 مەملەكەت «وڭ» داۋىس بەرىپ, 35-ءى تەڭ اۆتورلىققا ءوتىنىش بىلدىرگەن ەدى.

بۇۇ قازاقستان ۇسىنعان دەكلاراتسياعا سەنىمدى قولداۋ تانىتتى

ءۇندىستان مەن سولتۇستىك كورەيا سياقتى يادرولىق قارۋى بار مەملەكەتتەردىڭ وسى جولى قارارعا تۇجىرىمدى قولداۋ تانىتۋى ەرەكشە نازار اۋدارارلىق جاعداي بولىپ وتىر. يادرولىق قارۋدان ازات الەمدى قۇرۋدىڭ پراگماتيكالىق جولىن ەۋروپا ەلدەرى اراسىنان دا جاقتايتىندار سانى ارتا تۇسكەن.

جالپىعا بىردەي دەكلاراتسيانى قابىلداۋ باستاماسى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆقا تيەسىلى ەكەنى بارشاعا ءمالىم. 2015 جىلى مەملەكەت باسشىسى حالىقارالىق قوعامداستىقتى «يادرولىق قارۋسىز الەم قۇرۋدى ادامزاتتىڭ ءححى عاسىرداعى باستى ماقساتى ەتۋگە» شاقىرىپ, سول جىلدىڭ جەلتوقسان ايىندا بۇل باستاما جۇزەگە اسىرىلعان بولاتىن.

بۇۇ-نىڭ 70-ءشى مەرەيتويلىق سەسسياسىندا ازىرلەنىپ قابىلدانعان يادرولىق قارۋدان ازات الەم قۇرۋ جونىندەگى جالپىعا بىردەي دەكلاراتسيا:

- يادرولىق قارۋدى قولدانۋدان نەمەسە ونى قولدانۋ قاۋپىنەن ساقتايتىن بىردەن ءبىر ابسوليۋتتىك كەپىلدىك رەتىندە يادرولىق قارۋدى تۇبەگەيلى جويۋعا;

- يادرولىق قارۋدى تۇبەگەيلى جويۋدى كوزدەيتىن كوپجاقتى جانە زاڭدىق كۇشى بار قۇجات قابىلداۋعا;

- يادرولىق قارۋدى جەتىلدىرۋدەگى جانە تەحنيكالىق قىزمەت كورسەتۋدەگى جۇمىستاردا قولدانىلاتىن ادامي جانە ەكونوميكالىق رەسۋرستاردى قاۋىپسىزدىك پەن بەيبىتشىلىكتى نىعايتۋعا, تۇراقتى دامۋعا جانە ميلليونداعان ادامداردى جوقشىلىقتان ساقتاۋعا باعىتتاۋعا;

- يادرولىق قارۋدىڭ كەز كەلگەن قولدانىسىنىڭ گۋمانيتارلىق اپاتتى ناتيجەلەرگە اكەلىپ سوعاتىنىن ەسكەرتە وتىرىپ, حالىقارالىق قۇقىق, سونداي-اق, حالىقارالىق گۋمانيتارلىق قۇقىق ەرەجەلەرىن ساقتاۋعا شاقىرادى.

الەمدەگى قازىرگى كۇردەلى گەوساياسي جاعدايدا جالپىعا بىردەي دەكلاراتسيانىڭ ماقساتتارى مەن مىندەتتەرى كۇننەن كۇنگە وزەكتىرەك ءارى جوعارى سۇرانىسقا يە بولا تۇسۋدە. ال, وندا بەكىتىلگەن يادرولىق قارۋسىزدانۋدىڭ امبەباپ قاعيداتتارى مەن مىندەتتەمەلەرى قاۋىپسىز الەمنىڭ بولاشاعىنا قاتىستى الۋان ءتۇرلى كوقاراستاردى بايلانىستىرۋشى كوپىر بولا الادى.

جاڭارتىلعان قارار يادرولىق قارۋسىزدانۋ سالاسىنداعى سوڭعى وقيعالاردى, سونىڭ ىشىندە 2017 جىلعى شىلدە ايىنداعى يادرولىق قارۋعا تىيىم سالۋ تۋرالى شارتتىڭ قابىلدانۋىن قامتيدى. قازاقستان اتالعان شارتتى ازىرلەۋگە جانە قابىلداۋعا بەلسەندى قاتىسقانى بەلگىلى.

جالپىعا بىردەي دەكلاراتسيانىڭ نەگىزگى ەرەجەلەرى مەن يدەيالارى, سونىمەن قاتار, قر پرەزيدەنتى ن.نازارباەۆتىڭ انتيادرولىق باستامالارى يادرولىق قارۋعا تىيىم سالۋ تۋرالى شارتىندا كورىنىس تاۋىپ, قازاقستاندىق قاراردا اتالىپ وتكەن بۇۇ باس حاتشىسى انتونيۋ گۋتەرريشتىڭ وسى ءبىر جاھاندىق پروبلەما بويىنشا تۇجىرىمدامالىق كوزقاراسىمەن تولىعىمەن ۇيلەسىپ وتىر.

يادرولىق قارۋعا باقىلاۋ ورناتۋ جانە قارۋسىزدانۋ سالاسىنداعى ديالوگتى جالعاستىرۋ, ءوزارا سەنىم مەن يادرولىق قارۋدى جويۋ پروبلەمالارى بويىنشا ورتاق تۇسىنىستىكتى قالىپتاستىرۋ – وسى امال-تاسىلدەردىڭ ءبارى بۇۇ-عا مۇشە مەملەكەتتەر اراسىندا كەڭ قولداۋعا يە بولىپ, يادرولىق قارۋدان ازات الەم قۇرۋ باعىتىندا ودان ءارى ىلگەرىلەۋگە ءتيىستى ۇلەسىن قوسادى دەگەن سەنىم نىعايۋ ۇستىندە.

قازاقستاندىق قاراردىڭ ءبىرىنشى كوميتەت وتىرىسىندا ءساتتى قابىلدانۋى يادرولىق قارۋسىزدانۋدىڭ جاھاندىق ۇدەرىسىنە, بەيبىتشىلك پەن حالىقارالىق قاۋىپسىزدىككە قوسىپ جاتقان قازاقستاننىڭ ۇلەسىن ايشىقتاپ, ەلىمىزدىڭ يادرولىق قارۋدان ازات الەم قۇرۋ ىسىنە بەرىكتىگىمىزدى نەگىزدەپ ءوتتى.

سوڭعى جاڭالىقتار

«سپارتاك» تاعى دا جەڭىلدى

سپورت • بۇگىن, 11:55

بۇگىن اۋا رايى قانداي بولادى؟

اۋا رايى • بۇگىن, 10:42

جاڭا جوبا – قوعام تالقىسىندا

رەفورما • بۇگىن, 09:20